ಕಳಚಿದ ವಿಕೆ ನ್ಯೂಸ್ ಕುಟುಂಬ ಸ್ತಂಭ: ವಿಕೆ ನ್ಯೂಸ್ ಅಂಕಣಕಾರ ಜಬ್ಬಾರ್ ಪೊನ್ನೋಡಿ ಇನ್ನಿಲ್ಲ!

ಮಂಗಳೂರು(www.vknews.in): ವಿಕೆ ನ್ಯೂಸ್ ಪತ್ರಿಕೆಯ ಅಂಕಣಕಾರ ಹಾಗೂ ಯುವ ಬರಹಗಾರರಾದ ಜಬ್ಬಾರ್ ಪೊನ್ನೋಡಿ ನಿಧನರಾಗಿದ್ದಾರೆ. ಬಹಳ ಸಮಯದಿಂದ ತಾನು ಕ್ಯಾನ್ಸರ್ ರೋಗದಿಂದ ಬಳಲುತ್ತಿದ್ದರೂ, ಸದಾ ಲವಲವಿಕೆಯಿಂದ ಇತರರಿಗೆ ಸಲಹೆ ಸೂಚನೆಗಳನ್ನು ನೀಡುವ ಮೂಲಕ ಸಮಾಜದ ಮಾರ್ಗದರ್ಶಕರಾಗಿದ್ದರು ಜಬ್ಬಾರ್ ಪೊನ್ನೋಡಿ.

ವಿಕೆ ನ್ಯೂಸ್ ಪತ್ರಿಕೆ ಪ್ರಾರಂಬಿಸಿದ ಅಂದಿನಿಂದಲೂ ‘ಮೊಬೈಲ್ ಮಾಯೆ’ ಎಂಬ ಅಂಕಣದೊಂದಿಗೆ ಓದುಗರ ಮನಸ್ಸಿನಲ್ಲಿ ಮಾಸದೆ ಉಳಿದ ನೆನಪಾಗಿದ್ದಾರೆ ಜಬ್ಬಾರ್ ಪೊನ್ನೋಡಿ. ಸಮಾಜಕ್ಕೆ ತನ್ನಿಂದ ಏನಾದರೂ ಉಪಕಾರವಾಗಬೇಕು ಎಂಬ ಮನಸ್ಥಿತಿ ಸದಾ ಅವರಲ್ಲಿತ್ತು.

ಜಬ್ಬಾರ್ ಪೊನ್ನೋಡಿ ಮರಣದಿಂದ ವಿಕೆ ನ್ಯೂಸ್ ಬಳಗದ ಸ್ತಂಭವೊಂದು ಕಳಚಿದಂತಾಗಿದೆ. ಮೃತರಿಗೆ ವಿಕೆ ನ್ಯೂಸ್ ಪತ್ರಿಕೆ ಸಂಪಾದಕ ಮಂಡಳಿ ಹಾಗೂ ಓದುಗರ ಪರವಾಗಿ ಭಾರವಾದ ಹೃದಯದಿಂದ ಶೃದ್ಧಾಂಜಲಿಯನ್ನು ಅರ್ಪಿಸುತ್ತಿದ್ದೇವೆ ಹಾಗೂ ಸಂತಾಪವನ್ನು ಸೂಚಿಸುತ್ತಿದ್ದೇವೆ.