ಯಶಸ್ವಿ 9 ವರ್ಷಗಳನ್ನು ದಾಟಿ ದಶ ವಾರ್ಷಿಕಕ್ಕೆ ಮುನ್ನುಗ್ಗುತ್ತಿರುವ ವಿಕೆ ನ್ಯೂಸ್ – ಮುಸ್ತಫಾ ಅಮ್ಚಿನಡ್ಕ , ದುಬೈ

ಪ್ರಸ್ತುತ ಬೆಳವಣಿಗೆಯಲ್ಲಿ ಹಲವಾರು ಅಂತರ್ಜಾಲ ವಾರ್ತಾ ತಾಣಗಳು ಕಾರ್ಯನಿರ್ವಹಿಸುತ್ತಿದೆಯಾದರೂ ಹಲವು ರೀತಿಯ ಒತ್ತಡಗಳಿಗೆ ಮಣಿದು ನೈಜ ಸುದ್ದಿಗಳನ್ನು ಬಿತ್ತರಿಸುವಲ್ಲಿ ವಿಫಲವಾಗಿರುವಾಗ ಯಾವುದೇ ಒತ್ತಡ, ಅಂತೆ-ಕಂತೆಗಳಿಗೆ ಬಲಿಯಾಗದೇ ಮಾಧ್ಯಮ ಧರ್ಮವನ್ನು ಕಾಪಾಡಿಕೊಂಡು ಸತ್ಯ ಸುದ್ದಿಗಳ ನಿಜವಾದ ಚಿತ್ರಣವನ್ನು ಸಮರ್ಪಕವಾಗಿ ಕನ್ನಡಿಗರ ಅದರಲ್ಲೂ ಹಲವು ದೇಶಗಳಲ್ಲಿ ನೆಲೆಸಿಕೊಂಡಿರುವ ವಿದೇಶಿ ಕನ್ನಡಿಗರಿಗೆ ತಲುಪಿಸಿ ಓದುಗರ ವಿಶ್ವಾಸಕ್ಕೆ ಪಾತ್ರವಾದ ಕನ್ನಡಿಗರ ಹೆಮ್ಮೆಯ ಪ್ರಮುಖ ಅಂತರ್ಜಾಲ ವಾರ್ತಾ ತಾಣವಾಗಿದೆ ವಿಕೆ ನ್ಯೂಸ್. ಜೊತೆಗೆ ಸಮಾಜದ ಹಲವಾರು ಯುವ ಪ್ರತಿಭೆಗಳನ್ನು ಪ್ರೋತ್ಸಾಹಿಸಿ ಸಮಾಜಕ್ಕೆ ಪರಿಚಯಿಸಿ ಕೊಟ್ಟ ವಿಕೆ ನ್ಯೂಸ್, ಪ್ರತಿಭೆಗಳ ತೆರೆದಿಟ್ಟ ವೇದಿಕೆಯಾಗಿದೆ.

ಅಂತರ್ಜಾಲ ಮೂಲಕ ಯಾವುದೇ ಫಲಾಪೇಕ್ಷೆ ಇಲ್ಲದೇ ವಿಶ್ವದ ಮೂಲೆ ಮೂಲೆಗಳಿಂದ ಸಿಗುವ ಸುದ್ದಿಗಳ ಸತ್ಯಾ ಸತ್ಯತೆಯನ್ನು ಅನ್ವೇಷಿಸಿ ಸಮರ್ಪಕವಾಗಿ ಓದುಗರಿಗೆ ತಲುಪಿಸುವ ಉದ್ದೇಶದಿಂದ ಸ್ಥಾಪಿತವಾದ ಈ ಅಂತರ್ಜಾಲ ವಾರ್ತಾ ತಾಣವು ಜಿಲ್ಲೆ, ರಾಜ್ಯ, ರಾಷ್ಟ್ರ, ವಿದೇಶ ಸುದ್ದಿಗಳೊಂದಿಗೆ ಕ್ರೀಡಾ ಸುದ್ದಿಗಳು, ಅಂಕಣಗಳು, ಲೇಖನಗಳು, ವಿಕೆ ಸ್ಪೆಷಲ್ಸ್, ಜಾಹೀರಾತುಗಳು, ಹಾಗೂ ಹಲವು ವಿಭಿನ್ನ ಸಾಧನೆಗಳೊಂದಿಗೆ 9 ವರ್ಷಗಳನ್ನು ಪೂರೈಸಿ ಹತ್ತನೇ ವರ್ಷಕ್ಕೆ ಮುನ್ನುಗ್ಗುತ್ತಿರುವಾಗ ಕನ್ನಡಿಗರಲ್ಲಿ ಹೊಸ ಉತ್ಸಾಹವನ್ನು ತರುತ್ತಿದೆ.

ವಿಕೆ ನ್ಯೂಸ್ ಸಂಪಾದಕರು, ಲೇಖಕರು ಹಾಗೂ ಎಲ್ಲಾ ಸಿಬ್ಬಂದಿ ವರ್ಗಕ್ಕೆ ಎಲ್ಲಾ ರೀತಿಯ ಅಭಿನಂದನೆಗಳನ್ನು ಸಲ್ಲಿಸುತ್ತಾ ಮುಂದೆಯೂ ಹೆಸರೇ ಸೂಚಿಸುವಂತೆ ಇಡೀ ವಿಶ್ವದ ಕನ್ನಡಿಗರ ಹೆಮ್ಮೆಯ ಅಂತರ್ಜಾಲ ತಾಣವಾಗಿ ಪ್ರಪಂಚದ ಪ್ರತಿಯೊಂದು ಗಲ್ಲಿ ಗಲ್ಲಿಗಳಲ್ಲೂ ಪಸರಿಸಿ ಇನ್ನಷ್ಟು ಯಶಸ್ಸನ್ನು ಸಾಧಿಸಲಿ ಎಂದು ಹಾರೈಸುತ್ತೇನೆ.

ಮುಸ್ತಫಾ ಅಮ್ಚಿನಡ್ಕ , ದುಬೈ