“ತೋಳ ಬಂತು ತೋಳ” ಎಂದು ಅಪಹಾಸ್ಯ ಮಾಡಿದವರ ಮೇಲೆ “ಚಿರತೆ “ರೀತಿಯಲ್ಲಿ ದಾಳಿ ಮಾಡಿದ ರಮೇಶ್ ಜಾರಕಿಹೊಳಿ

(ವಿಶ್ವ ಕನ್ನಡಿಗ ನ್ಯೂಸ್:www.vknews.in  ): ಕರ್ನಾಟಕ ರಾಜಕೀಯ ಇದೀಗ ದಿನಕ್ಕೊಂದು ತಿರುವು ಪಡೆಯುತ್ತಿದ್ದು , ಈ ತಿರುವುಗಳ ಮುಖ್ಯ ಸೂತ್ರದಾರ ಸಾಹುಕಾರ ರಮೇಶ್ ಜಾರಕಿಹೊಳಿ ಎಂದರೆ ತಪ್ಪಿಲ್ಲ .

ರಾಜ್ಯದ ಮೈತ್ರಿ ಸರಕಾರದ ನಾಯಕರ ವಿರುದ್ಧ ಅಸಮಾಧಾನ ಹೊರಹಾಕಿದ ಮಾಜಿ ಸಚಿವ ರಮೇಶ್ ಜಾರಕಿಹೊಳಿ ಕಳೆದ 6 ತಿಂಗಳಿಂದ ರಾಜೀನಾಮೆಯ ಬೆದರಿಕೆ ನೀಡುತ್ತಲೇ ಬಂದಿದ್ದರು . ಆದರೆ ರಮೇಶ್ ಕೈಯಲ್ಲಿ ಸರಕಾರವನ್ನು ಬೀಳಿಸಲು ಸಾಧ್ಯವೇ ಇಲ್ಲ ಎಂಬ ಲೆಕ್ಕಾಚಾರ ಕಾಂಗ್ರೆಸ್ ಹಿರಿಯ ನಾಯಕರಲ್ಲಿತ್ತು .ಕೆಲವರಂತು ಜಾರಕಿಹೊಳಿ ಸ್ಥಿತಿ “ತೋಳ ಬಂತು ತೋಳ “ಕಥೆಯ ರೀತಿಯಲ್ಲಾಗಿದೆ ಎಂದು ಅಪಹಾಸ್ಯ ಮಾಡಿದ್ದರು .ಆದರೆ ಈಗ ಜಾರಕಿಹೊಳಿ ಮಾತ್ರ ಚಿರತೆಯ ವೇಗದಲ್ಲಿ ಮೈತ್ರಿ ಸರಕಾರದ ಮೇಲೆ ದಾಳಿ ಮಾಡಿದ್ದಾರೆ .

ರಮೇಶ್ ಇದೀಗ ತನ್ನ ಜೊತೆ ಡಝನ್ ಗಟ್ಟಲೆ ಶಾಸಕರನ್ನು ಮೈತ್ರಿ ವಿರುದ್ಧ ತಿರುಗಿ ಬೀಳುವಂತೆ ಮಾಡಿದ್ದು ಸರಕಾರದ ಸ್ಥಿತಿ ಡೋಲಾಯಮಾನವಾಗಿದೆ .