ಮುಸ್ಲಿಮರ ವಿರುದ್ಧ ಪೋಸ್ಟ್ : ಜಾಮೀನು ಬೇಕಾದಲ್ಲಿ ಐದು ಕುರಾನ್ ಪ್ರತಿಗಳನ್ನು ಹಂಚಲು ಆದೇಶಿಸಿದ ರಾಂಚಿ ಕೋರ್ಟ್ !

ರಾಂಚಿ (ವಿಶ್ವ ಕನ್ನಡಿಗ ನ್ಯೂಸ್) : ಸಾಮಾಜಿಕ ಜಾಲತಾಣದಲ್ಲಿ ಮುಸ್ಲಿಮರ ವಿರುದ್ಧ ಪೋಸ್ಟ್ ಹಾಕಿದ್ದ 19 ವರ್ಷದ ರಿಚಾ ಭಾರ್ತಿ ಎಂಬ ಯುವತಿಗೆ ಜಾಮೀನು ಬೇಕಾದಲ್ಲಿ ಐದು ಕುರಾನ್ ಪ್ರತಿಗಳನ್ನು ಹಂಚಲು ರಾಂಚಿ ಕೋರ್ಟ್ ಆದೇಶ ನೀಡಿದೆ.

ಪೊಲೀಸರ ಸಮ್ಮುಖದಲ್ಲಿ ಪ್ರತ್ಯೇಕ ಐದು ಸಂಸ್ಥೆಗಳಿಗೆ ತಲಾ ಒಂದು ಪ್ರತಿಗಳನ್ನು ಹಂಚುವ ಷರತ್ತಿಗೆ ಒಪ್ಪಿದರೆ ಮಾತ್ರ ಜಾಮೀನು ನೀಡುವುದಾಗಿ ಕೋರ್ಟ್ ಹೇಳಿದೆ. 15 ದಿನಗಳಲ್ಲಿ ಕುರಾನ್ ಪ್ರತಿಗಳನ್ನು ಹಂಚಿರುವುದಕ್ಕೆ ಸೂಕ್ತ ದಾಖಲೆಗಳನ್ನು ಸಲ್ಲಿಸಬೇಕೆಂದು ಕೋರ್ಟ್ ಹೇಳಿದೆ.