ಕುಂದಾಪುರದಲ್ಲಿ ಗುರುವಾರದಂದು ಕರ್ನಾಟಕ ರಾಜ್ಯ ಶಾಲಾಭಿವೃದ್ಧಿ ಹಾಗೂ ಮೇಲುಸ್ತುವಾರಿ ಸಮಿತಿಗಳ ಸಮನ್ವಯ ವೇದಿಕೆಯ ತಾಲೂಕು ಮಟ್ಟದ ಕಾರ್ಯಾಗಾರ

(www.vknews.in) ಕುಂದಾಪುರ : ಕರ್ನಾಟಕ ರಾಜ್ಯ ಶಾಲಾಭಿವೃದ್ಧಿ ಹಾಗೂ ಮೇಲುಸ್ತುವಾರಿ ಸಮಿತಿಗಳ ಸಮನ್ವಯ ವೇದಿಕೆಯ ಕುಂದಾಪುರ ತಾಲೂಕು ಮಟ್ಟದ ಒಂದು ದಿನದ ತರಬೇತಿ ಹಾಗೂ ಸಂವಾದ ಕಾರ್ಯಕ್ರಮವು  ದಿನಾಂಕ  10 /10 /2019 ಗುರುವಾರದಂದು 9.30  ರಿಂದ  ಕುಂಬಾಶಿ ಆನೆಗುಡ್ಡೆ  ವಿನಾಯಕ ಸಭಾಭವನದಲ್ಲಿ ನಡೆಯಲಿದೆ.

ಸರಕಾರಿ ಶಾಲೆ ಉಳಿಯಲಿ ಬೆಳೆಯಲಿ ನೆರೆಹೊರೆಯ ಸಮಾನ ಶಾಲೆ ಯಾಗಲಿ ಎನ್ನುವ  ಧ್ಯೇಯವಾಕ್ಯದೊಂದಿಗೆ  ಕಾರ್ಯಾಚರಿಸುತ್ತಿರುವ ಸಮನ್ವಯ ವೇದಿಕೆಯು  ಸರಕಾರಿ ಶಾಲೆಗಳನ್ನು ಉಳಿಸುವ ನಿಟ್ಟಿನಲ್ಲಿಸರಕಾರ, ಜನ ಪ್ರತಿನಿಧಿಗಳು,ಹಾಗೂ ಇಲಾಖೆಗೆ ಹಕ್ಕೊತ್ತಾಯವನ್ನು ಕೊಡಲಿದ್ದು ಅದರ ರೂಪುರೇಷೆಗಳನ್ನು ತಾಲೂಕಿನ ಎಲ್ಲಾ ಶಾಲೆಗಳ ಎಸ್ ಡಿ ಎಂ ಸಿ ಪದಾಧಿಕಾರಿಗಳ ಅಭಿಪ್ರಾಯವನ್ನು ಪಡೆದು ಸರ್ವಾನುಮತದಿಂದ ಮಾಡಲಿದೆ. ಈ ಕಾರ್ಯಕ್ರಮ ದ ಅಧ್ಯಕ್ಷತೆಯನ್ನು ಸ್ಥಳೀಯ ಶಾಸಕರಾದ ಹಾಲಾಡಿ ಶ್ರೀನಿವಾಸ ಶೆಟ್ಟಿ ವಹಿಸಲಿದ್ದು ಶಾಲಾ ಅಭಿವೃದ್ಧಿ ಸಮಿತಿಯವರಿಗೆ ಶಾಸಕರೊಂದಿಗೆ ಸಮಾಲೋಚಿಸಲು ಸದವಕಾಶವಾಗಿದೆ.  ಆದುದರಿಂದ ಸರಕಾರಿ  ಶಾಲೆಗಳ ಸಬಲೀಕರಣದ  ಕುರಿತು  ಚರ್ಚಿಸಲು  ಎಸ್ಡಿಎಂಸಿ  ಸದಸ್ಯರು ಹಾಗೂ ಶಿಕ್ಷಣ ಆಸಕ್ತರು ಈ ಕಾರ್ಯಕ್ರಮದಲ್ಲಿ ಪಾಲ್ಗೊಂಡು ನಾವು ಕಲಿತ  ಸರಕಾರಿ  ಶಾಲೆಗಳ  ಋಣ ತೀರಿಸುವ ಈ ಕಾರ್ಯಕ್ರಮದಲ್ಲಿ ಭಾಗವಹಿಸಿ ಯಶಸ್ವಿಗೊಳಿಸಬೇಕಾಗಿ ಉಡುಪಿ ಸಮನ್ವಯ ವೇದಿಕೆಯ ಜಿಲ್ಲಾಧ್ಯಕ್ಷರಾದ ಅಬ್ದುಲ್ ಸಲಾಂ ಚಿತ್ತೂರು ಹಾಗೂ ಕಾರ್ಯಕ್ರಮ ಆಯೋಜಕರು ಪತ್ರಿಕಾ ಪ್ರಕಟಣೆಯಲ್ಲಿ ತಿಳಿಸಿರುತ್ತಾರೆ