ನಾಯಕನ ಆಟವಾಡಿ ಕರ್ನಾಟಕಕ್ಕೆ ಮತ್ತೊಂದು ಟ್ರೋಫಿ ಗೆಲ್ಲಿಸಿಕೊಟ್ಟ ಮನೀಶ್ ಪಾಂಡೆ : ಕನ್ನಡಿಗರು “ಸಯ್ಯದ್‌ ಮುಷ್ತಾಕ್‌ ಅಲಿ ಟಿ20” ಚಾಂಪಿಯನ್

(ವಿಶ್ವ ಕನ್ನಡಿಗ ನ್ಯೂಸ್,www.vknews.in ):ಸೂರತ್ : ಸಯ್ಯದ್‌ ಮುಷ್ತಾಕ್‌ ಅಲಿ ಟಿ20 ಪಂದ್ಯಾವಳಿಯ ಫೈನಲ್ ಪಂದ್ಯದಲ್ಲಿ ಕರ್ನಾಟಕ ಬಲಿಷ್ಠ ತಮಿಳುನಾಡು ತಂಡವನ್ನು1 ರನ್ ಗಳ ಅಂತರದಲ್ಲಿ ರೋಚಕವಾಗಿ ಸೋಲಿಸಿ ಚಾಂಪಿಯನ್ ಪಟ್ಟವೇರಿದೆ .

ಮೊದಲು ಬ್ಯಾಟಿಂಗ್ ನಡೆಸಿದ ಕರ್ನಾಟಕ ನಾಯಕ ಮನೀಶ್ ಪಾಂಡೆ ಅವರ ಅಜೇಯ 60 ರನ್ ಗಳ ನೆರವಿನಿಂದ 180 ರನ್ ಗಳಿಸಿದರೆ ತಮಿಳುನಾಡು 179 ರನ್ ಗಳಿಸಿ ರೋಚಕ ಸೋಲೊಪ್ಪಿಕೊಂಡಿತು . ತಮಿಳುನಾಡು ಪರ ವಿಜಯಶಂಕರ್ ಕೊನೆಯವರೆಗೂ ಉತ್ತಮ ಹೋರಾಟ ನಡೆಸಿದರು .ಮನೀಶ್ ಪಾಂಡೆ ನಾಯಕತ್ವದ ಮೂಲಕ ಕೂಡ ಗಮನಸೆಳೆದರು .