(www.vknews.in) ಹಲವು ವರ್ಷಗಳ ಇತಿಹಾಸ ಇರುವಂತಹ ಉಪ್ಪಿನಂಗಡಿಯ ಸಂತೆಯು ನೆಕ್ಕಿಲಾಡಿ ಯಲ್ಲಿ ನಡೆಯುತ್ತಿತ್ತು, ಇತ್ತೀಚಿನ ದಿನಗಳಲ್ಲಿ ಗ್ರಾಹಕರ ಸಂಖ್ಯೆ ಕಡಿಮೆ ಆಗುತ್ತಿದ್ದು, ಕೋರೋಣ ಸಾಂಕ್ರಾಮಿಕ ರೋಗದ ಹಾವಳಿಯಿಂದಾಗಿ ಸಾಂಪತ್ತಿಕ ವಾಗಿ ಕೂಡ ಕಷ್ಟ ವಿದ್ದು ತರಕಾರಿ,ದಿನಸಿ ಸಾಮಾನುಗಳ ಬೆಲೆ ಕೂಡ ಗಗನಕ್ಕೆ ಏರಿರುವುದು ಕಾರಣವಾಗಿದೆ. ಇದರಿಂದ ಉಪ್ಪಿನಂಗಡಿ ಸಂತೆ ಎನ್ನುವುದು ಜನರಿಂದ ಮಾಯ ವಾಗುವ ಪರಿಸ್ಥಿತಿ ನಿರ್ಮಾಣವಾಗಿತ್ತು.
ಈ ನೆಕ್ಕಿಲಾಡಿ ಸಂತೆಯು ಉಳಿಯ ಬೇಕಾದ ಆವಶ್ಯಕತೆ, ಹಾಗೂ ಜನರಿಗೆ ಕೈ ಗಟುಕುವ ದರದಲ್ಲಿ ಸಾಮಾನುಗಳನ್ನು ತಲುಪಿಸುವ ಅಗತ್ಯತೆ ಯನ್ನು ಮನಗಂಡ ಸಂತೆಯಲ್ಲಿ ಅಂಗಡಿ ಹಾಕುತ್ತಿದ್ದ 30 ರಷ್ಟು ವ್ಯಾಪಾರಿಗಳು ಸೇರಿ ಎರಡು ವಾರದಿಂದ ನೆಕ್ಕಿಲಾಡಿ ಸಂತೆ ಮೇಳ ಎನ್ನುವ ವಿನೂತನವಾದ ಹಾಗೂ ಕಡಿಮೆ ದರದಲ್ಲಿ ಉತ್ಕೃಷ್ಟವಾದ ತರಕಾರಿ, ಮೀನು,ಹಣ್ಣು ,ಒಣಮೀನು ಜಿನಸಿ ,ಬಟ್ಟೆ ಮೊದಲಾದವುಗಳನ್ನು ನೀಡುತ್ತಿರುವುದು ಸಾಮಾನ್ಯ ಜನರಿಗೆ ಅತ್ಯಮೂಲ್ಯವಾದ ಸಹಾಯ ವಾಗುತ್ತಿದೆ.
ಸಂತೆ ಮೇಳದ ಒಂದು ದಿನದ ಮೊದಲೇ ಸಂತೆ ಮೇಳದಲ್ಲಿ ಸಿಗುವ ದರಕಡಿತದ ವಸ್ತುಗಳ ದರಪಟ್ಟಿಯನ್ನು ಬಿಡುಗಡೆ ಮಾಡುತ್ತಿರುವುದು ಖರೀದಿ ಮಾಡಲು ಬರುವ ಜನರಿಗೆ, ಸಾಮಾನ್ಯ ಅಂಗಡಿಯಲ್ಲಿ ಹಾಗೂ ಇಲ್ಲಿ ಸಿಗುವ ವಸ್ತುಗಳ ಬಗ್ಗೆ ಧಾರಣೆ ಸಿಗುತ್ತಿರುವುದು ಖರೀದಿ ಮಾಡಲು ಸುಲಭವಾಗಿದೆ.
ಸಾಮಾನ್ಯ ಅಂಗಡಿಯಲ್ಲಿ ಸಿಗುವ ವಸ್ತುಗಳು ಹಾಗೂ ಇಲ್ಲಿ ಮಾರಾಟ ಮಾಡುವಂತಹ ವಸ್ತುಗಳಿಗೆ ಧಾರಣೆಯಲ್ಲಿ ತುಂಬಾ ವ್ಯತ್ಯಾಸವಿದ್ದು ಗುಣಮಟ್ಟದಲ್ಲಿ ಯಾವುದೇ ರೀತಿಯ ವ್ಯತ್ಯಾಸ ಇಲ್ಲದಿರುವುದು ಸಾಮಾನ್ಯ ಜನರಿಗೆ ಖರೀದಿ ಮಾಡಲು ಉಪಕಾರ ಪ್ರದವಾಗಿದೆ.
ಗುರುವಾರ ಬೆಳಿಗ್ಗೆ 4 ಗಂಟೆಯಿಂದ ಸಂತೆ ಮೇಳವು ಶುರುವಾಗುತ್ತಿದ್ದು ಮದ್ಯಾಹ್ನ 12 ರಿಂದ 1 ಗಂಟೆಯವರೆಗೆ ಇದೆ ಎಂದು ವರ್ತಕರ ನ್ನು ಒಟ್ಟು ಗೂಡಿಸಿ ಇಂತಹ ಮೇಳಕ್ಕೆ ಚಾಲನೆಯನ್ನು ನೀಡುವಲ್ಲಿ ಪ್ರಮುಖ ಪಾತ್ರದಾರಿಗಳಾದ ರಶೀದ್ ನೇಷನಲ್ ಮತ್ತು ಅಬ್ದುಲ್ ರಹಿಮಾನ್ ನೆಕ್ಕಿಲಾಡಿ ತಿಳಿಸಿದರು.
ಕೋರೋಣ ಸಮಯದಿಂದ ಸಾರ್ವಜನಿಕರಿಗೆ ತುಂಬಾ ತೊಂದರೆ ಆಗಿದ್ದು ಅವರ ಕಷ್ಟಗಳನ್ನು ನಾವು ಅರ್ಥ ಮಾಡಿ ಕೊಂಡಿದ್ದು, ವಾರಕ್ಕೆ ಒಂದು ದಿನವಾದರೂ ಕಡಿಮೆ ದರದಲ್ಲಿ ತರಕಾರಿ ದಿನಸಿಗಳನ್ನು ಕೊಟ್ಟು ನಮ್ಮಿಂದ ಆಗುವಂತಹ ಸಹಕಾರವನ್ನು ಮಾಡಲು ಇಲ್ಲಿಯ ಸಂತೆ ವ್ಯಾಪಾರಿಗಳು ಎಲ್ಲರೂ ಸೇರಿ ಒಮ್ಮತದ ತೀರ್ಮಾನವನ್ನು ತೆಗೆದಿರುವುದರಿಂದ ಸಾಧ್ಯವಾಗಿದೆ.
ಅದಲ್ಲದೆ ಈ ನೆಕ್ಕಿಲಾಡಿ ಸಂತೆಯು ಮುಚ್ಚದೆ ಇರಲು ,ಹಾಗೂ ಜನರನ್ನು ಸೆಳೆಯುವುದು ಕೂಡ ನಮ್ಮ ಉದ್ದೇಶವಾಗಿದೆ.
ನಿನ್ನೆ ಬಿಡುಗಡೆ ಮಾಡಿದ ದರ ಪಟ್ಟಿಯ ಪ್ರಕಾರ ಇಂದು ಎಲ್ಲಾ ವಸ್ತುಗಳನ್ನು ಮಾರಾಟ ಮಾಡುತ್ತಿದ್ದು ಬಂಗುಡೆ ಮೀನಿಗೆ ದರಪಟ್ಟಿ ಗಿಂತಲೂ ಕಡಿಮೆ ದರವಾದ ಕಿಲೋ 80 ರೂಪಾಯಿಯಲ್ಲಿ ಕೊಡುತ್ತಿದ್ದಾರೆ. ಈ ವ್ಯಾಪಾರಿಗಳ ಈ ಸೇವೆಯನ್ನು ಎಲ್ಲಾ ಜನರು ಕೂಡ ಸದುಪಯೋಗ ಪಡಿಸ ಬೇಕಿದೆ. ಹಾಗೂ ಅವರೊಂದಿಗೆ ಕೈ ಜೋಡಿಸಿ ಈ ಸಂತೆ ಮೇಳವನ್ನು ವಿಜಯಗೊಳಿಸಬೇಕಿದೆ
Your email address will not be published. Required fields are marked *
Copyright © 2010 ವಿಶ್ವ ಕನ್ನಡಿಗ ನ್ಯೂಸ್. All Rights Reserved.