ಶಿವಮೊಗ್ಗ ಡೈನಮೈಟ್ ಸ್ಪೋಟ: 6 ಕ್ಕೂ ಹೆಚ್ಚು ಜನರು ಸಾವು!

ಶಿವಮೊಗ್ಗ(ವಿಶ್ವಕನ್ನಡಿಗ ನ್ಯೂಸ್): ಶಿವಮೊಗ್ಗ ಬಳಿ ಡೈನಮೈಟ್ ಸ್ಫೋಟಗೊಂಡಿದ್ದು, 6ಕ್ಕೂ ಹೆಚ್ಚು ಜನರು ಸಾವಿಗೀಡಾಗಿರುವ ಶಂಕೆ ಇದೆ.

ಶಿವಮೊಗ್ಗದ ಹುಣಸಗೋಡು ಬಳಿ ಕ್ರಶರ್ ನಲ್ಲಿ ಸ್ಫೋಟವಾಗಿದೆ. ಕೆಲಸ ಮಾಡುತ್ತಿದ್ದ 6 ಕಾರ್ಮಿಕರು ಮೃತರಾಗಿದ್ದಾರೆ. ಮೃತದೇಹಗಳು ಛಿದ್ರ ಛಿದ್ರವಾಗಿವೆ. ಲಾರಿಯೊಂದು ಸಂಪೂರ್ಣ ನುಜ್ಜುಗುಜ್ಜಾಗಿ ಬಿದ್ದಿದೆ. ಲಾರಿಯಲ್ಲೇ ಡೈನಮೈಟ್ ಒಯ್ದಿರುವ ಶಂಕೆ ಇದೆ.

ಎಲ್ಲೆಡೆ ವಿದ್ಯುತ್ ಕಡಿತ ಮಾಡಲಾಗಿದ್ದು, ಜಿಲ್ಲಾಧಿಕಾರಿ, ಎಸ್ಪಿ ಸ್ಥಳಕ್ಕೆ ಧಾವಿಸಿದ್ದಾರೆ. ಪರಿಶೀಲನೆ ನಡೆಯುತ್ತಿದೆ.

ಕಿಲೋಮೀಟರ್ ದೂರದವರೆಗೆ ಮೃತದೇಹಗಳು ಛಿದ್ರ ಛಿದ್ರವಾಗಿ ಬಿದ್ದಿವೆ. ಎಂದು ತಿಳಿದು ಬಂದಿದೆ.