ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿರುವ ವಿಡಿಯೋದ ಅಸಲಿಯತ್ತೇನು?
ವರದಿ: ಎಸ್.ಎ ರಹಿಮಾನ್ ಮಿತ್ತೂರು
ಜೆದ್ದಾ (www.vknews.in): ಮಾರ್ಚ್ ತಿಂಗಳ 31 ರಿಂದ ಸೌದಿ ಅರೇಬಿಯಾವು ತನ್ನೆಲ್ಲಾ ಅಂತರರಾಷ್ಟ್ರೀಯ ಗಡಿಗಳನ್ನು ತೆರೆಯಲಿದೆ ಎಂದೂ, ಅಂದಿನಿಂದ ಸೌದಿಗೆ ಎಲ್ಲಾ ಅಂತರರಾಷ್ಟ್ರೀಯ ವಿಮಾನ ಹಾರಾಟವು ಹಿಂದಿನಂತೆ ಪುನರಾರಂಭವಾಗಲಿದೆ ಎಂದೂ ಹೇಳುವ ವಿಡಿಯೋ ಒಂದು ಕೆಲವು ದಿನಗಳಿಂದ ಸಾಮಾಜಿಕ ಜಾಲ ತಾಣಗಳಲ್ಲಿ ವ್ಯಾಪಕವಾಗಿ ಹರಿದಾಡುತ್ತಿದೆ.
ಮಲಯಾಳಂ ಚಾನೆಲ್ ಒಂದು ಬಿತ್ತರಿಸಿದ ಈ ಸುದ್ಧಿಯು ಕಳೆದ ಜನವರಿ 8 ರಂದು ಪ್ರಸಾರವಾದ ಹಳೆಯ ವಿಡಿಯೋ ಎನ್ನುವುದು ಸ್ಫಷ್ಟವಾಗಿದೆ.
ಮಾತ್ರವಲ್ಲ ಈ ವಿಡಿಯೋದಲ್ಲಿ ಹೇಳುವಂತೆ ಸೌದಿ ಅರೇಬಿಯಾದ ಅಂತರರಾಷ್ಟ್ರೀಯ ಗಡಿಗಳು ಮಾರ್ಚ್ 31 ರಂದು ತೆರೆಯುವ ಸಾಧ್ಯತೆ ಬಹಳ ವಿರಳವಾಗಿದ್ದು, ತಾಯ್ನಾಡಲ್ಲಿರುವ ಅನಿವಾಸಿ ಭಾರತೀಯರು ಭಾರತದಿಂದ ನೇರವಾಗಿ ಸೌದಿಗೆ ತೆರಳಲು ಕನಿಷ್ಠಪಕ್ಷ ಮುಂಬರುವ ಮೇ 17ರ ತನಕ ಕಾಯಬೇಕಾದ ಅನಿವಾರ್ಯತೆಯಿದೆ.
ವಿಡಿಯೋದಲ್ಲಿ ಹೇಳುವ ಅಂಶಗಳನ್ನು ನಂಬಿ ಮೋಸ ಹೋಗಬಾರದಾಗಿ ಅನಿವಾಸಿ ಸಂಘಟನೆಗಳು ಪ್ರವಾಸಿಗರಲ್ಲಿ ವಿನಂತಿ ಮಾಡಿಕೊಂಡಿವೆ. ಅಲ್ಲದೇ ಈ ಬಗ್ಗೆ ಯಾವುದೇ ಮಾಹಿತಿ ಬೇಕಿದ್ದರೆ ಸ್ಥಳೀಯ ಸೌದಿ ರಾಯಭಾರ ಕಚೇರಿ ಅಥವಾ ಸೌದಿಯಲ್ಲಿರುವ ಅನಿವಾಸಿ ಸಂಘಟನೆಗಳನ್ನು ಸಂಪರ್ಕಿಸಬೇಕು ಎಂದು ಕೋರಲಾಗಿದೆ.
ವಿಶ್ವ ಕನ್ನಡಿಗ ನ್ಯೂಸ್
Your email address will not be published. Required fields are marked *
Copyright © 2010 ವಿಶ್ವ ಕನ್ನಡಿಗ ನ್ಯೂಸ್. All Rights Reserved.