ಉಪ್ಪಿನಂಗಡಿ:ಮಾದರಿ ಶಾಲೆ ಉಪ್ಪಿನಂಗಡಿಯ ಪೂರ್ವ ಪ್ರಾಥಮಿಕ ಮಕ್ಕಳಿಗೆ ಜೆ ಸಿ ಐ ನೆಕ್ಕಿಲಾಡಿ ವತಿಯಿಂದ ಗುರುತಿನಚೀಟಿ ವಿತರಣೆ

(Www.vknews. in) ಉಪ್ಪಿನಂಗಡಿ:      ಸರಕಾರಿ ಮಾದರಿ ಉನ್ನತ ಹಿರಿಯ ಪ್ರಾಥಮಿಕ ಶಾಲೆಯಲ್ಲಿ ಯಶಸ್ವಿಯಾಗಿ ನಾಲ್ಕು ವರ್ಷದಿಂದ ಪೂರ್ವ ಪ್ರಾಥಮಿಕ (LKG-UKG) ತರಗತಿಯು ನಡೆಯುತ್ತಿದ್ದು ಈ ವರ್ಷ ವಿದ್ಯಾಭ್ಯಾಸ ಮಾಡುತ್ತಿರುವ 128 ಮಕ್ಕಳಿಗೆ    ಜೆ ಸಿ ಐ ನೆಕ್ಕಿಲಾಡಿ ವತಿಯಿಂದ ಗುರುತಿನಚೀಟಿ ವಿತರಣೆಯು ನಡೆಯಿತು.

ಈ ಸಂದರ್ಭದಲ್ಲಿ ಶಾಲಾಭಿವೃದ್ಧಿ ಹಾಗೂ ಮೇಲುಸ್ತುವಾರಿ ಸಮಿತಿಯ ಅಧ್ಯಕ್ಷರಾದ ಮೊಯಿದಿನ್ ಕುಟ್ಟಿ ಮಾತನಾಡಿ ಸೇವಾ ಮನೋಭಾವದಿಂದ  ಅತೀ ಹೆಚ್ಚು ಕಾರ್ಯಕ್ರಮ ಗಳನ್ನು ಮಾಡುತ್ತಾ ಊರಿನ ಸಂಘ ಸಂಸ್ಥೆಗಳಿಗೆ ಮಾದರಿ ಆಗಿರುವ ಜೆ ಸಿ ಐ ನೆಕ್ಕಿಲಾಡಿ ಘಟಕದ ಅಧ್ಯಕ್ಷರಾದ ವಿನೀತ್ ಶಗ್ರಿತ್ತಾಯ ಹಾಗೂ ಅದರ ಸರ್ವಸದಸ್ಯರಿಗೆ ಧನ್ಯವಾದಗಳನ್ನು ಹೇಳುತ್ತಾ ಇನ್ನು ಮುಂದೆಯೂ ಸಹಕಾರವನ್ನು ಕೋರಿದರು.  ಕಾರ್ಯಕ್ರಮದಲ್ಲಿ  ಜೆ ಸಿ ಐ ಅಧ್ಯಕ್ಷರಾದ ವಿನೀತ್ ಶಗ್ರಿತ್ತಾಯ ರವರು ಮಾತನಾಡಿ ತಮ್ಮ ಅವಧಿಯಲ್ಲಿ ಹಲವು ಸಮಾಜಮುಖಿ ಕಾರ್ಯಗಳನ್ನು ಮಾಡಿದ್ದು ,ವಿದ್ಯಾಭ್ಯಾಸಕ್ಕೆ ಹಾಗೂ ಶಾಲೆಗಳಿಗೆ ಒತ್ತುಕೊಟ್ಟು  ಮಾಡಿರುವುದರಿಂದ ಆತ್ಮ ಸಂತೃಪ್ತಿ ಇದೆ ಎಂದು ಹೇಳಿದರು .

ಅದೇ ರೀತಿ ಜೆ ಸಿ ಐ ನೆಕ್ಕಿಲಾಡಿಯ ಕಾರ್ಯದರ್ಶಿ.ಹಾಗೂ ಶಾಲೆಯ ಪೋಷಕರಾದ     ರಮೇಶ್ ನಾಯಕ್ ಸುಭಾಷ್ ನಗರ ಮಾತನಾಡಿ ಉಪ್ಪಿನಂಗಡಿಯಲ್ಲಿ ಖಾಸಗಿ ಶಾಲೆಗಳಿಗೆ ಕಡಿಮೆ ಇಲ್ಲದೆ ಪ್ರವರ್ತಿಸುವ ಶಾಲೆಯು ನಮಗೆ ಹೆಮ್ಮೆಯಾಗಿದ್ದು ಇನ್ನು ಮುಂದಕ್ಕೂ ಮಕ್ಕಳ ಒಳಿತಿಗಾಗಿ ಪ್ರವರ್ತಿಸುವುದಾಗಿ ಹೇಳಿದರು. ಶಾಲಾ ಶಿಕ್ಷಕಿಯರಾದ ಶ್ರೀಮತಿ ಚಂದ್ರಪ್ರಭಾ ರವರು ಶುಭ ಹಾರೈಸಿ, ಶ್ರೀಮತಿ ಜಯಶ್ರೀ ಕಾರ್ಯಕ್ರಮ ನಿರೂಪಿಸಿದರು ಹಾಗೂ ಶ್ರೀಮತಿ ಸುಮಲತಾ ಧನ್ಯವಾದ ಸಮರ್ಪಿಸಿದರು*