ಅತ್ಯಾಚಾರದ ಆರೋಪ ಹೊತ್ತಿರುವ ವ್ಯಕ್ತಿಗೆ ಮಹಿಳೆಯರ ಬಟ್ಟೆಗಳನ್ನು ಆರು ತಿಂಗಳು ಒಗೆದು ಇಸ್ತ್ರಿ ಮಾಡುವ ಷರತ್ತಿನ ಮೇಲೆ ಜಾಮೀನು

ಬಿಹಾರ (ವಿಶ್ವ ಕನ್ನಡಿಗ ನ್ಯೂಸ್) : ಅತ್ಯಾಚಾರ ಯತ್ನದ ಆರೋಪಿತನಾದ ಒಬ್ಬನಿಗೆ ಆರು ತಿಂಗಳ ಕಾಲ ತನ್ನ ಹಳ್ಳಿಯ ಎಲ್ಲ ಮಹಿಳೆಯರ ಬಟ್ಟೆಗಳನ್ನು ಒಗೆದು ಇಸ್ತ್ರಿ ಮಾಡುವ ಷರತ್ತಿನ ಮೇಲೆ ಜಾಮೀನು ನೀಡಲಾಗಿದೆ.

ತೀರ್ಪಿನ ಪ್ರಕಾರ, ಲಲನ್ ಕುಮಾರ್ ಎಂಬಾತ ಬಿಹಾರ ರಾಜ್ಯದ ಮಜೋರ್ ಗ್ರಾಮದಲ್ಲಿ ಸುಮಾರು 2,000 ಮಹಿಳೆಯರಿಗೆ ಆರು ತಿಂಗಳ ಉಚಿತ ಲಾಂಡ್ರಿ ಸೇವೆಗಳನ್ನು ಒದಗಿಸಲು ಡಿಟರ್ಜೆಂಟ್ ಮತ್ತು ಇತರ ವಸ್ತುಗಳನ್ನು ಖರೀದಿಸಬೇಕಾಗುತ್ತದೆ.

ಜೀವನೋಪಾಯಕ್ಕಾಗಿ ಬಟ್ಟೆ ಒಗೆಯುವ ಕೆಲಸ ಮಾಡುತ್ತಿದ್ದ ಲಲನ್ ಕುಮಾರ್ ನನ್ನು ಅತ್ಯಾಚಾರ ಯತ್ನ ಆರೋಪದ ಮೇಲೆ ಏಪ್ರಿಲ್‌ನಲ್ಲಿ ಬಂಧಿಸಲಾಗಿತ್ತು ಎಂದು ಬಿಹಾರದ ಮಧುಬನಿ ಜಿಲ್ಲೆಯ ಪೊಲೀಸ್ ಅಧಿಕಾರಿ ಸಂತೋಷ್ ಕುಮಾರ್ ಸಿಂಗ್ ತಿಳಿಸಿದ್ದಾರೆ.

“ನ್ಯಾಯಾಲಯದ ತೀರ್ಪಿನಿಂದ ಹಳ್ಳಿಯ ಎಲ್ಲ ಮಹಿಳೆಯರು ಸಂತೋಷವಾಗಿದ್ದಾರೆ” ಎಂದು ಗ್ರಾಮ ಸಭೆಯ ಮುಖ್ಯಸ್ಥೆ ನಾಸೀಮಾ ಖಟೂನ್ ಹೇಳಿದ್ದಾರೆ.

“ಇದು ಐತಿಹಾಸಿಕ, ಇದು ಮಹಿಳೆಯರಿಗೆ ಗೌರವವನ್ನು ಹೆಚ್ಚಿಸುತ್ತದೆ ಮತ್ತು ಘನತೆಯನ್ನು ರಕ್ಷಿಸಲು ಸಹಾಯ ಮಾಡುತ್ತದೆ” ಎಂದು ಹಳ್ಳಿಯ ಗಣ್ಯರಲ್ಲಿ ಒಬ್ಬರಾದ ಖಾತೂನ್ ಹೇಳಿದರು.

“ಇದು ಒಂದು ಗಮನಾರ್ಹವಾದ ಹೆಜ್ಜೆ ಮತ್ತು ಸಮಾಜಕ್ಕೆ ಸಂದೇಶವನ್ನು ನೀಡುವ ವಿಭಿನ್ನ ರೀತಿಯ ಶಿಕ್ಷೆಯಾಗಿದೆ” ಎಂದು ಅಂಜುಮ್ ಪೆರ್ವಿನ್ ಹೇಳಿದರು.