ಖ್ಯಾತ ಸಂಗೀತ ಮಾಂತ್ರಿಕನ ಪುತ್ರಿ ಖತೀಜಾ ನಿಶ್ಚಿತಾರ್ಥ

ಚೆನೈ (ವಿಶ್ವ ಕನ್ನಡಿಗ ನ್ಯೂಸ್) : ಸಂಗೀತ ಮಾಂತ್ರಿಕ ಎಆರ್ ರೆಹಮಾನ್ ಅವರ ಹಿರಿಯ ಮಗಳು ಮತ್ತು ಸಂಗೀತಗಾರ್ತಿ ಖತೀಜಾ ರೆಹಮಾನ್ ಮತ್ತು ರಿಯಾಸ್ದೀನ್ ಶೇಕ್ ಮೊಹಮದ್ ಅವರ ನಿಶ್ಚಿತಾರ್ಥವು ಡಿಸೆಂಬರ್ 29 ರಂದು ಚೆನ್ನೈನಲ್ಲಿ ನಡೆದಿದೆ. ಈ ವಿಷಯವನ್ನು ಸ್ವತಃ ಖತೀಜಾ ರೆಹಮಾನ್ ತಮ್ಮ ಇನ್ಸ್ಟಾಗ್ರಾಮ್ ಖಾತೆಯಲ್ಲಿ ಭಾನುವಾರ, ಜನವರಿ 2 ರಂದು ತಿಳಿಸಿದ್ದಾರೆ.

“ಸರ್ವಶಕ್ತನ ಆಶೀರ್ವಾದದೊಂದಿಗೆ ಮಹತ್ವಾಕಾಂಕ್ಷಿ ಉದ್ಯಮಿ ಮತ್ತು ಸೌಂಡ್ ಇಂಜಿನಿಯರ್ ಆಗಿರುವ ರಿಯಾಸ್ದೀನ್ ಶೇಕ್ ಮೊಹಮ್ಮದ್ ಅವರೊಂದಿಗೆ ನನ್ನ ನಿಶ್ಚಿತಾರ್ಥವು ನಡೆದಿರುವುದನ್ನು ನಿಮಗೆ ತಿಳಿಸಲು ನಾನು ಸಂತೋಷಪಡುತ್ತೇನೆ. ನಿಶ್ಚಿತಾರ್ಥವು ನನ್ನ ಜನ್ಮದಿನವಾದ ಡಿಸೆಂಬರ್ 29 ರಂದು ಆತ್ಮೀಯ ಕುಟುಂಬದವರ ಸಮ್ಮುಖದಲ್ಲಿ ನಡೆದಿದೆ, ಎಂದು ಅವರು ತಮ್ಮ ಇನ್ಸ್ಟಾಗ್ರಾಮ್ ಪೋಸ್ಟ್‌ನಲ್ಲಿ ಬರೆದಿದ್ದಾರೆ.