ಯುಎಇ ಕನ್ನಡ ಮಕ್ಕಳ ಪತಿಭಾ ಸ್ಪರ್ಧೆ ಫೈನಲ್ ಜೂನ್ 18ಕ್ಕೆ

ಅಬುಧಾಬಿ (www.vknews.in) : ಯುಗಾದಿ ಹಬ್ಬದ ಪ್ರಯುಕ್ತ ದುಬೈ ಹೆಮ್ಮೆಯ ಯುಎಇ ಕನ್ನಡಿಗರ ಸಂಘವು ಸಂಯುಕ್ತ ಅರಬ್ ಸಂಸ್ಥಾನದಲ್ಲಿ ನೆಲಸಿರುವ ಕನ್ನಡ ಮಕ್ಕಳಿಗಾಗಿ ಕಲಾ ಪ್ರತಿಭಾ ಸ್ಪರ್ಧೆ ಮತ್ತು ಯುಎಇಯಲ್ಲಿ ವ್ಯಾಸಂಗ ಮಾಡುತ್ತಿರುವ ಕನ್ನಡ ವಿದ್ಯಾಥಿಗಳಿಗೆ ಪ್ರತಿಭಾ ಪುರಸ್ಕಾರ ಸಮಾರಂಭವನ್ನು ಇದೇ ಜೂನ್ 18ರಂದು ಅಬು ಹೈಲ್ ಮೆಟ್ರೋ ಬಳಿ ಇರುವ ಪರ್ಲ್ ವಿಸ್ಡಮ್ ಶಾಲೆಯ ಸಭಾಂಗಣದಲ್ಲಿ ಮದ್ಯಾಹ್ನ 3ರಿಂದ ಆಯೋಜಿಸಿದ್ದಾರೆ, ಮಕ್ಕಳಿಗೆ ಹಾಡುವ, ನೃತ್ಯ, ಡ್ರಾಯಿಂಗ್ , ಫ್ಯಾಷನ್ ಶೋ ಮುಂತಾದ ಹಲವು ಸ್ಪರ್ಧೆಗಳನ್ನು ಏರ್ಪಡಿಸಿದ್ದರ ಜೊತೆ ಸಂಯುಕ್ತ ಅರಬ್ ಸಂಸ್ಥಾನದಲ್ಲಿ 2021 & 22ನೇ ಶೈಕ್ಷಣಿಕ ವರ್ಷದಲ್ಲಿ ICSE & CBSEಯ SSLC ಮತ್ತು PUC ಯಲ್ಲಿ ಅತೀ ಹೆಚ್ಚು ಅಂಕ ಗಳಿಸಿದ ಮಕ್ಕಳಿಗೆ, ಶೇಕ್ ಹಂದಾನ್ ಅಥವಾ ಶೇಕ್ ಸುಲ್ತಾನ್ ಪ್ರಶಸ್ತಿ ಗಳಿಸಿದ ಕನ್ನಡ ವಿದ್ಯಾರ್ಥಿಗಳಿಗೆ ಪ್ರತಿಭಾ ಪುರಸ್ಕಾರ ಸಮಾರಂಭವನ್ನು ಏರ್ಪಡಿಸಿದ್ದಾರೆ.

ಕಾರ್ಯಕ್ರಮಕ್ಕೆ ತಾಯಿನಾಡಿನಿಂದ ಮುಖ್ಯ ಅತಿಥಿಯಾಗಿ ಮತ್ತು ತೀರ್ಪುಗಾರರಾಗಿ ಆಗಮಿಸಲಿರುವ ಕಲಾವಿದರು ಶ್ರೀಯುತ ಕೆ.ಕಲ್ಯಾಣ್ (ಸಂಗೀತ ನಿರ್ದೇಶಕರು & ಸಾಹಿತ್ಯಗಾರರು), ಕು.ಶ್ವೇತಾ ದೇವನಹಳ್ಳಿ ( ಗಾಯಕಿ ಮತ್ತು ನಿರೂಪಕಿ ), ಶ್ರೀಯುತ ಅರ್ಫಾಝ್ ಉಳ್ಳಾಲ (ಗಾಯಕರು ), ಕು. ಆದಿತ್ಯ ಭರಮಪ್ಪ ( ಡ್ಯಾನ್ಸಿಂಗ್ ಚಾಂಪಿಯನ್ಸ್ ವಿಜೇತ), ಶ್ರೀಯುತ ರಾಜಶೇಖರ ( ಟಗರು ರಾಜು – ಕೊರಿಯೋಗ್ರಾಫರ್ ) ಮತ್ತು ಬೆಂಗಳೂರಿನ ನೃತ್ಯ ತಂಡದವರಾದ ಕು.ನಿತಿನ್ ಕುಮಾರ, ಕುವರಿ.ಅಶ್ವಿನಿ ಶೇಷಪ್ಪ, ಕು.ಔಚಿತ್ಯ ಜೊಶೀಲ್ ಮುಂತಾದವರು ಆಗಮಿಸಲಿದ್ದಾರೆ.

ಕಾರ್ಯಕ್ರಮದ ಉದ್ಘಾಟನೆಯನ್ನು ಎಮ್ಸ್ಕ್ವೇರ್ ಎಂಜಿನೀರಿಂಗ್ ಕನ್ಸಲ್ಟಾಂಟ್ ಸಂಸ್ಥೆಯ ಮಾಲಿಕರರಾದ ಶ್ರೀಯುತ ಮೊಹಮ್ಮದ್ ಮುಸ್ತಫಾ ಅವರು ನೆರವೇರಿಸಲಿದ್ದು ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ಹೆಮ್ಮೆಯ ಕನ್ನಡಿಗರು ತಂಡದ ಅಧ್ಯಕ್ಷರಾದ ಶ್ರೀಯುತಾ ಸುದೀಪ್ ದಾವಣಗೆರೆ ಅವರು ನೆರವೇರಿಸಲಿದ್ದಾರೆ, ವೇದಿಕೆಯಲ್ಲಿ ಯುಎಇ ಕರ್ನಾಟಕ ಎನ್ ಆರ್ ಐ ಫಾರಂ ಅಧ್ಯಕ್ಷರಾದ ಶ್ರೀಯುತ ಪ್ರವೀಣ್ ಶೆಟ್ಟಿ ಅವರು ಇರಲಿದ್ದಾರೆ, ಹಾಗೂ ದುಬೈಯಲ್ಲಿರುವ ಹಲವು ಕಲಾವಿದರು ಪಾಲ್ಗೊಳ್ಳಲಿದ್ದಾರೆ.

ಕಾರ್ಯಕ್ರಮದ ಕುರಿತ ಕರೆಯಲಾದ ಪತ್ರಿಕಾ ಹೇಳಿಕೆಯಲ್ಲಿ ಹೆಮ್ಮೆಯ ಕನ್ನಡಿಗರು ತಂಡದ ಅಧ್ಯಕ್ಷರಾದ
ಸುದೀಪ್ ದಾವಣಗೆರೆ, ಮಾಜಿ ಅಧ್ಯಕ್ಷರಾದ ಮಮತಾ ಮೈಸೂರು, ಮುಖ್ಯ ಕಾರ್ಯದರ್ಶಿ ಶಂಕರ್ ಬೆಳಗಾವಿ, ಮುಖ್ಯ ಸಂಚಾಲಕ ರಫೀಕಲಿ ಕೊಡಗು, ಮತ್ತು ಸಮಿತಿ ಸದಸ್ಯರಾದ ವಿಷ್ಣುಮೂರ್ತಿ ಮೈಸೂರು, ಪಲ್ಲವಿ ದಾವಣಗೆರೆ, ಹಾದಿಯ ಮಂಡ್ಯ, ಡಾ.ಸವಿತಾ ಮೈಸೂರು, ಅನಿತಾ ಬೆಂಗಳೂರು, ವರದರಾಜ್ ಕೋಲಾರ, ಮೊಹೀನುದ್ದೀನ್ ಹುಬ್ಬಳ್ಳಿ,ಮಧು ದಾವಣಗೆರೆ, ನವೀನ್ ಬೆಂಗಳೂರು ಅವರು ಯುಎಇ ಯಲ್ಲಿ ಇರುವ ಸಮಸ್ತ ಕನ್ನಡಿಗರನ್ನು ಈ ಮೂಲಕ ಆಮಂತ್ರಿಸಿದರು.