ನೆನಪುಗಳು (ಕವನ)

ನೀ ಮೆಟ್ಟಿದ ನೆಲದಲಿ
ಚಿಗುರಿದ ಮೊಗ್ಗುಗಳಿವು..
ಮನ ಕೊರೆದು ಬರೆದ
ಕವನದ ಸಾಲುಗಳಿವು..

ನೀ ನುಡಿದ ಪದಗಳ
ಸವಿಸ್ತಾರಗಳಿವು
ನೀ ಬೆಸೆದ ಹೃದಯಗಳ
ಮುತ್ತಿನ ಮಾತುಗಳಿವು..

ಈ ಹೃದಯದಿ ಪುಟಿದ
ಹಳೆಯ ನೆನಪುಗಳಿವು
ನಿನ್ನ ನೋಡಿದ ಕ್ಷಣದಿಂದ
ಮೂಡಿದ ರಾಗಗಳಿವು

ಹಸಿರೆಲೆಯ ಕಾಡಿನಲಿ ಮೂಡಿದ
ಸೊಗಸಾದ ಸಂಗೀತಗಳಿವು
ಇಂಚರ ದ ಗೂಡಿನಲಿ ಹಾಡಿದ
ನನ್ನ ಬಾಳಿನ ಹಾಡುಗಳಿವು..

ಕಣ್ಣ ಹನಿ ಜಾರಿದಾಗ
ನೆನಪಿಸಿದ ನೋವುಗಳಿವು
ಬರಿದಾದ ಬಾಳಿನಲಿ
ಬೆಳಕಾದ ನೆನಪುಗಳಿವು..

✍🏻 ಶಮ್ಮಾಸ್, ಜೋಗಿಬೆಟ್ಟು