ಭಾರತದ ವಿವಿಧ ನಗರಗಳಿಗೆ ಟಿಕೆಟ್ ದರದಲ್ಲಿ ಕಡಿತ ಘೋಷಿಸಿದ ಸ್ಪೈಸ್ ಜೆಟ್ – ಮಂಗಳೂರು ಸೇರಿದಂತೆ ಹಲವು ನಗರಗಳಿಗೆ ದರವು AED 280 ರಿಂದ ಪ್ರಾರಂಭ..

ಅಬುಧಾಬಿ (ವಿಶ್ವ ಕನ್ನಡಿಗ ನ್ಯೂಸ್) : ಸ್ಪೈಸ್ ಜೆಟ್ ದುಬೈ ವಿಮಾನ ನಿಲ್ದಾಣದಿಂದ ಭಾರತದ ವಿವಿಧ ನಗರಗಳಿಗೆ ಭಾರಿ ದರ ರಿಯಾಯಿತಿಯನ್ನು ಘೋಷಿಸಿದೆ. 30 ಕೆಜಿ ಬ್ಯಾಗೇಜ್ ಜೊತೆಗೆ, ಸ್ಪೈಸ್ ಜೆಟ್ 10 ಕೆಜಿ ಹೆಚ್ಚುವರಿ ಸಾಮಾನು ಸರಂಜಾಮುಗಳನ್ನು ಸಹ ನೀಡುತ್ತಿದೆ. ದರವು 280 ದಿರ್ಹಾಂ ನಿಂದ ಪ್ರಾರಂಭವಾಗುತ್ತದೆ.

ಮಂಗಳೂರು, ಕೋಯಿಕ್ಕೋಡ್, ಕೊಚ್ಚಿ, ಮಧುರೈ, ಅಮೃತಸರ, ಜೈಪುರ, ಪುಣೆ, ಮುಂಬೈ, ದೆಹಲಿ ಮತ್ತು ಅಹ್ಮದಾಬಾದ್ ನಗರಗಳಿಗೆ ದರ ಕಡಿತ ಮಾಡಲಾಗಿದೆ. ಅಮೃತಸರಕ್ಕೆ 10 ಕೆಜಿ ಹೆಚ್ಚುವರಿ ಸಾಮಾನು ಸರಂಜಾಮುಗಳನ್ನು ಕೊಂಡೊಯ್ಯಲು ಸಾಧ್ಯವಿಲ್ಲ ಎಂದು ಸ್ಪೈಸ್ ಜೆಟ್ ಅಧಿಕಾರಿಗಳು ಹೇಳಿದರು. ಈ ರಿಯಾಯಿತಿ ಆಗಸ್ಟ್ 31 ರವರೆಗೆ ಇರುತ್ತದೆ.