ಮತ್ತೆ ಅಪಘಾತಕ್ಕೀಡಾದ ವಂದೇ ಭಾರತ್ ರೈಲು ; ಈ ಬಾರಿಯೂ ಹಸುವಿಗೆ ಡಿಕ್ಕಿ – ಈ ತಿಂಗಳು ಮೂರನೇ ಘಟನೆ..

ಅಹ್ಮದಾಬಾದ್ (ವಿಶ್ವ ಕನ್ನಡಿಗ ನ್ಯೂಸ್) : ಗುಜರಾತ್ ನ ವಲ್ಸಾದ್ ನಲ್ಲಿ ವಂದೇ ಭಾರತ್ ರೈಲು ಅಪಘಾತಕ್ಕೀಡಾಗಿದೆ. ಮುಂಬೈ ಸೆಂಟ್ರಲ್ ವಿಭಾಗದ ವಲ್ಸಾದ್ನ ಅತುಲ್ ಬಳಿ ಬೆಳಿಗ್ಗೆ 8.17 ರ ಸುಮಾರಿಗೆ ಈ ಘಟನೆ ನಡೆದಿದೆ. ವಂದೇ ಭಾರತ್ ರೈಲಿಗೆ ಹಸು ಡಿಕ್ಕಿ ಹೊಡೆದಿದೆ ಎಂದು ತಿಳಿದುಬಂದಿದೆ. ರೈಲಿನ ಮುಂಭಾಗದ ಭಾಗಕ್ಕೆ ಹಾನಿಯಾಗಿದೆ.

ಅಪಘಾತದ ನಂತರ ವಂದೇ ಭಾರತ್ ರೈಲನ್ನು ಸುಮಾರು 30 ನಿಮಿಷಗಳ ಕಾಲ ನಿಲ್ಲಿಸಲಾಯಿತು. ಈ ರೈಲು ಮುಂಬೈ ಸೆಂಟ್ರಲ್ ನಿಂದ ಗಾಂಧಿನಗರಕ್ಕೆ ಹೋಗುತ್ತಿತ್ತು. ಮಾಹಿತಿ ಪಡೆದ ನಂತರ ರೈಲ್ವೆ ಇಲಾಖೆ ಅಧಿಕಾರಿಗಳು ಸಹ ಸ್ಥಳಕ್ಕೆ ತಲುಪಿದರು. ಹಳಿಗೆ ಬಂದ ಹಸುಗಳ ಹಿಂಡಿಗೆ ರೈಲು ಡಿಕ್ಕಿ ಹೊಡೆದಿದೆ ಎಂದು ಮೂಲಗಳು ತಿಳಿಸಿವೆ.

ಈ ತಿಂಗಳು ಈ ಸೆಮಿ-ಹೈಸ್ಪೀಡ್ ರೈಲಿಗೆ ಸಂಬಂಧಿಸಿದ ಮೂರನೇ ಘಟನೆ ಇದಾಗಿದೆ. ವಂದೇ ಭಾರತ್ ರೈಲು ಅಕ್ಟೋಬರ್ 6 ಮತ್ತು 7 ರಂದು ಅಪಘಾತಕ್ಕೀಡಾಗಿತ್ತು.