ಪತಿಯ ಆಸಿಡ್ ದಾಳಿಯಿಂದ ಗಾಯಗೊಂಡು ಚಿಕಿತ್ಸೆ ಪಡೆಯುತ್ತಿದ್ದ ಮಹಿಳೆ ಮೃತ್ಯು – ಶಹಾನಾ ಶೆರಿನ್ ಮೃತಪಟ್ಟ ಮಹಿಳೆ..

ಮಲಪ್ಪುರಂ (ವಿಶ್ವ ಕನ್ನಡಿಗ ನ್ಯೂಸ್) : ಪಂಡಿಕ್ಕಾಡ್ ಮಹಿಳೆಯ ತಲೆ ಮೇಲೆ ಪತಿ ಆಸಿಡ್ ಸುರಿದು ಗಾಯಗೊಳಿಸಿದ ಘಟನೆ ನಡೆದಿದೆ. ಚೆಂಬ್ರಾಸ್ಸೆರಿ ಅಂಬಲಕಲ್ಲಿ ನಿವಾಸಿ ಶಹಾನಾ ಶೆರಿನ್ ಮೃತರು. ಶಹಾನಾ ಗಂಭೀರವಾಗಿ ಗಾಯಗೊಂಡಿದ್ದು, ಒಂದು ವಾರದಿಂದ ಕೋಝಿಕ್ಕೋಡ್ ವೈದ್ಯಕೀಯ ಕಾಲೇಜು ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದರು.

ಕಳೆದ ಶನಿವಾರ ಈ ಘಟನೆ ನಡೆದಿದೆ. ವಂಡೂರಿನವರಾದ ಶಹಾನಾ ಮತ್ತು ಆಕೆಯ ಪತಿ ಶಾನವಾಸ್ ಕಳೆದ ಒಂದು ವರ್ಷದಿಂದ ಕೌಟುಂಬಿಕ ಸಮಸ್ಯೆಯಿಂದ ಬೇರೆಯಾಗಿದ್ದರು. ಶನಿವಾರ ಮುಂಜಾನೆ ಮನೆಗೆ ಆಗಮಿಸಿದ ಶಹನವಾಜ್ ಒಳಗೆ ನುಗ್ಗಿ ಶಹಾನಾ ತಲೆ ಮೇಲೆ ಆಸಿಡ್ ಸುರಿದಿದ್ದಾನೆ. ಇಂದು ಬೆಳಗ್ಗೆ ಅವರ ಆರೋಗ್ಯ ಹದಗೆಟ್ಟಿತ್ತು. ದಾಳಿಯ ವೇಳೆ ಶಾನವಾಸ್ ಕೂಡ ಗಾಯಗೊಂಡಿದ್ದಾರೆ. ಅವರು ವೈದ್ಯಕೀಯ ಕಾಲೇಜು ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ.