ವಿಮಾನದೊಳಗೆ ಬೆತ್ತಲೆಯಾಗಿ ನಡೆದು ಸಿಬ್ಬಂದಿಯ ಮೇಲೆ ಉಗುಳಿದ ಮಹಿಳೆ ; ಅಬುಧಾಬಿ-ಮುಂಬೈ ವಿಮಾನದಲ್ಲಿ ಘಟನೆ..

ಮುಂಬೈ (ವಿಶ್ವ ಕನ್ನಡಿಗ ನ್ಯೂಸ್) : ಅಬುಧಾಬಿ-ಮುಂಬೈ ಏರ್ ವಿಸ್ತಾರಾ ವಿಮಾನದೊಳಗೆ ತೊಂದರೆ ನೀಡಿದ ಇಟಲಿ ಮಹಿಳೆಯನ್ನು ಬಂಧಿಸಲಾಗಿದೆ. ಸೋಮವಾರ ಈ ಘಟನೆ ನಡೆದಿದೆ. ಎಕಾನಮಿ ಕ್ಲಾಸ್ ಟಿಕೆಟ್ ಹಿಡಿದುಕೊಂಡ ಮಹಿಳೆ, ಮದ್ಯಪಾನ ಮಾಡಿ ಬ್ಯುಸಿನೆಸ್ ಕ್ಲಾಸ್ ನಲ್ಲಿ ಕೂರುವಂತೆ ಒತ್ತಾಯಿಸಿ ತೊಂದರೆ ಕೊಟ್ಟಿದ್ದಾಳೆ.

ಕ್ವಾಬಿನ್ ಸಿಬ್ಬಂದಿ ತಮ್ಮ ಬೇಡಿಕೆಯನ್ನು ನಿರಾಕರಿಸಿದಾಗ, ಅವರು ಉದ್ಯೋಗಿಗಳ ಮೇಲೆ ಉಗುಳಿದರು ಮತ್ತು ವಿಮಾನದೊಳಗೆ ಅಸಭ್ಯವಾಗಿ ವರ್ತಿಸಿದರು ಎಂದು ನೌಕರರು ದೂರಿದ್ದಾರೆ. ಮಹಿಳೆ ವಿಮಾನದೊಳಗೆ ಅರೆಬೆತ್ತಲೆಯಾಗಿ ನಡೆಯಲು ಪ್ರಾರಂಭಿಸಿದಳು ಮತ್ತು ಕ್ಯಾಪ್ಟನ್ ಅವಳನ್ನು ಸಂಯಮದಿಂದ ಇರುವಂತೆ ಕೇಳಿಕೊಂಡರು ಎಂದು ಏರ್ ವಿಸ್ತಾರಾ ಹೇಳಿಕೆಯಲ್ಲಿ ತಿಳಿಸಿದೆ. ವಿಮಾನ ಲ್ಯಾಂಡ್ ಆದ ಕೂಡಲೇ ಕ್ರಮ ಕೈಗೊಳ್ಳುವಂತೆ ಭದ್ರತಾ ಅಧಿಕಾರಿಗಳಿಗೆ ತಿಳಿಸಲಾಗಿದೆ ಎಂದೂ ಹೇಳಿಕೆ ತಿಳಿಸಿದೆ. ಬಳಿಕ ನ್ಯಾಯಾಲಯ ಮಹಿಳೆಗೆ ಜಾಮೀನು ನೀಡಿ ಬಿಡುಗಡೆಗೊಳಿಸಿತ್ತು.

Advertisements