ನಾ ಕಂಡ ಚಂದಿರ..

(www.vknews.in) ಚಂದಿರನ ಕಾಣದೆ ಕೈತುತ್ತು ತಿಂದಿಲ್ಲ

ಚಂದಿರನ ಕಾಣದೆ ರಂಝಾನ್ ಮಾಡಿಲ್ಲ
ಚಂದಿರನ ಕಾಣದೆ ವೃತವನ್ನು ತೊರೆದಿಲ್ಲ
ಚಂದಿರನ ಕಾಣದೆ ಹಬ್ಬವನು ಮಾಡಿಲ್ಲ

ಚಂದಿರನ ಅಮ್ಮನ ಮೊಗದಲ್ಲಿ ಕಂಡೆ
ಚಂದಿರನ ಹಾಡನ್ನು ಕೇಳುತ್ತಾ ಉಂಡೆ
ಚಂದಿರನ ಸೊಬಗನ್ನು ನೋಡುತ್ತಾ ನಿಂದೆ
ಚಂದಿರನ ಬೆಳಕಲ್ಲಿ ನಲಿಯುತ್ತಾ ಬಂದೆ

ಚಂದಿರನ ಕುರಿತಂತೆ ತಿಳಿಯುವ ಕನಸು
ಚಂದಿರನ ಬಳಿಯಲ್ಲಿ ಇದೆ ನನ್ನ ಮನಸು
ಚಂದಿರನ ಹೆಸರಲ್ಲಿ ಮಾಡದಿರು ಮುನಿಸು
ಚಂದಿರನ ತೆಗಲುವರ ಮನಸನ್ನು ಗುಡಿಸು

ಚಂದಿರನ ನೆಲದಲ್ಲಿ ಭಾರತದ ನಾಮ
ಚಂದಿರನ ಮಡಿಲಲ್ಲಿ ಇಳಿದಿದೆ ವಿಕ್ರಮ
ಚಂದಿರನ ಸೇರೋಕೆ ವೈಜ್ಞಾನಿಕ ಶ್ರಮ
ಚಂದಿರನ ಹೆಸರಲ್ಲಿ ಹೆಮ್ಮೆಯ ಸಂಭ್ರಮ

ಇಕ್ಬಾಲ್ ಕೈರಂಗಳ
ದುಬೈ ಕನ್ನಡ ಸಾಹಿತ್ಯ ಸಂಘ