ಮಕ್ಕಾ: ಮುಂದಿನ ವರ್ಷ ಸುಡು ಬಿಸಿಲಿನಲ್ಲಿ ಕೊನೆಯ ಹಜ್; ನಂತರದ 16 ವರ್ಷಗಳು ಹಜ್ಜಾಜ್ ಗಳ ಪಾಲಿಗೆ ಮೈಕೊರೆಯುವ ಚಳಿ

ಜೆದ್ದಾ(www.vknews.in): ಮುಂದಿನ ವರ್ಷದ ಅಂದರೆ 2025ರ ಹಜ್ ಸುಡು ಬಿಸಿಲಿನ ಕೊನೆಯ ಹಜ್ ಆಗಲಿದೆ. ಆನಂತರದ 16 ವರ್ಷಗಳು ಹಜ್ ಕರ್ಮವು ಚಳಿಗಾಲದಲ್ಲಿ ನಡೆಯಲಿದೆ ಎಂದು ಸೌದಿ ಹವಾಮಾನ ಕೇಂದ್ರವು ಹೇಳಿದೆ.

ಈ ಬಾರಿ ಹಜ್ ಸಮಯದಲ್ಲಿ ಮಕ್ಕಾ ಹಾಗೂ ಮದೀನಾದ ಪರಿಸರಗಳಲ್ಲಿ ಸರಿಸುಮಾರು 50 ಡಿಗ್ರಿ ಸೆಲ್ಸಿಯಸ್ ತಾಪಮಾನ ವರದಿಯಾಗಿತ್ತು. ಈ ಗರಿಷ್ಠ ತಾಪಮಾನವು ಈ ಬಾರಿ ಹಜ್ಜಾಜ್ ಗಳ ಪಾಲಿಗೆ ಕಠಿನ ಪರೀಕ್ಷೆಯಾಗಿತ್ತು ಎಂದೇ ಹೇಳಬಹುದು. ಈ ಗರಿಷ್ಠ ಉಷ್ಣಾಂಶದಲ್ಲೂ ಯಾವುದೇ ಹಜ್ದಾಜ್ ಗಳ ಕರ್ಮಕ್ಕೆ ದಕ್ಕೆಯಾಗದಂತೆ ನೋಡಿಕೊಂಡು ಕಾರ್ಯ ನಿರ್ವಹಿಸಿದ
ಸೌದಿ ಸರಕಾರದ ಹಜ್ ಸ್ವಯಂ ಸೇವಕರು, ಸೈನಿಕರು ಹಾಗೂ ಪೊಲೀಸರ ಹಗಲಿರುಳ ಸೇವೆಯು ವ್ಯಾಪಕ ಪ್ರಶಂಸೆಗೆ ಪಾತ್ರವಾಗಿದೆೆ