ಬಸ್ಸು ಬೈಕ್ ನಡುವೆ ಅಪಘಾತ ; ಓರ್ವ ಮೃತ್ಯು – ಅಬ್ದುಲ್ ರಹಮಾನ್(27) ಮೃತಪಟ್ಟವರು..

ಕಾಸರಗೋಡು (www.vknews.in) : ಚೆರ್ವತ್ತೂರಿನ ಕೊಡಕ್ಕಾಡ್ ನಲ್ಲಿ ಬಸ್ಸು ಮತ್ತು ಬೈಕ್ ನಡುವೆ ಉಂಟಾದ ಅಪಘಾತದಲ್ಲಿ ಮೊಬೈಲ್ ಮಳಿಗೆ ನೌಕರನೋರ್ವ ಮೃತಪಟ್ಟ ಘಟನೆ ಮಂಗಳವಾರ ನಡೆದಿದೆ.

ಕೊಡಕ್ಕಾಡ್ ತೂರುತ್ತಿ ಅಲಿನಪುರದ ಟಿ.ಎಂ ಅಬ್ದುಲ್ ರಹಮಾನ್(27) ಮೃತಪಟ್ಟವರು. ಮನೆಯಿಂದ ಚೆರ್ವತ್ತೂರಿಗೆ ಬರುತ್ತಿದ್ದಾಗ ಅಪಘಾತ ನಡೆದಿದೆ. ಅಪಘಾತದ ರಭಸಕ್ಕೆ ರಸ್ತೆಗೆಸೆಯಲ್ಪಟ್ಟ ರಹಮಾನ್ ನನ್ನು ನಾಗರಿಕರು ಚೆರ್ವತ್ತೂರಿನ ಆಸ್ಪತ್ರೆಗೆ ತಲಪಿಸಿ ಪ್ರಾಥಮಿಕ ಚಿಕಿತ್ಸೆ ನೀಡಿ ಮಂಗಳೂರು ಆಸ್ಪತ್ರೆಗೆ ಕೊಂಡೊಯ್ದರೂ ದಾರಿ ಮಧ್ಯೆ ಮೃತಪಟ್ಟರು.