ಓಣಂ ಆಚರಣೆಯ ಆಹಾರ ಸ್ಪರ್ಧೆಯಲ್ಲಿ ಭಾಗವಹಿಸಿದ್ದ ವ್ಯಕ್ತಿಯೊಬ್ಬರು ಗಂಟಲಿಗೆ ಇಡ್ಲಿ ಸಿಲುಕಿ ಮೃತ್ಯು..

ಪಾಲಕ್ಕಾಡ್ (www.vknews.in) : ಓಣಂ ಆಚರಣೆಯ ಅಂಗವಾಗಿ ನಡೆದ ಆಹಾರ ಸ್ಪರ್ಧೆಯಲ್ಲಿ ಇಡ್ಲಿ ಗಂಟಲಿಗೆ ಸಿಲುಕಿ ಸ್ಪರ್ಧಿಯೊಬ್ಬರು ಮೃತಪಟ್ಟಿದ್ದಾರೆ. ಕಂಚಿಕೋಡು ಪುದುಶೇರಿ ಆಲಮರಂ ಬಿ. ಸುರೇಶ್ (49) ಮೃತರು. ಈತ ಟಿಪ್ಪರ್ ಲಾರಿ ಚಾಲಕ.

ಶನಿವಾರ ಮಧ್ಯಾಹ್ನ 12 ಗಂಟೆ ಸುಮಾರಿಗೆ ಮನೆಯ ಬಳಿ ಸ್ನೇಹಿತರು ಓಣಂ ಆಚರಣೆ ಕಾರ್ಯಕ್ರಮದಲ್ಲಿ ಈ ಘಟನೆ ನಡೆದಿದೆ. ಇಡ್ಲಿ ತಿನ್ನಿಸುವ ಸ್ಪರ್ಧೆಯ ವೇಳೆ ಸುರೇಶ್ ಉಸಿರಾಟದ ತೊಂದರೆಯಿಂದ ಕುಸಿದು ಬಿದ್ದಿದ್ದಾರೆ. ಕೂಡಲೇ ಅವರನ್ನು ವಾಳಯಾರ್‌ನ ಖಾಸಗಿ ಆಸ್ಪತ್ರೆಗೆ ಕರೆದೊಯ್ದು ಪ್ರಥಮ ಚಿಕಿತ್ಸೆ ನೀಡಿದರೂ ಮೃತಪಟ್ಟಿದ್ದಾರೆ.