ನೂರುಲ್ ಇಸ್ಲಾಂ ಮದರಸ ಅರಯಲಡಿ ಕಾವು ವಿದ್ಯಾರ್ಥಿಗಳ ಮೀಲಾದ್ ಫೆಸ್ಟ್

(www.vknews. in) ; ನೂರುಲ್ ಇಸ್ಲಾಂ ಮದರಸ ಅರಯಲಡಿ ಕಾವು ಪುತ್ತೂರು ವಿದ್ಯಾರ್ಥಿಗಳ ಮೀಲಾದ್ ಫೆಸ್ಟ್ ಕಾರ್ಯಕ್ರಮ ಅರಯಲಡಿ ಮಸೀದಿ ವಠಾರದಲ್ಲಿ ಜಮಾತ್ ಅಧ್ಯಕ್ಷರಾದ ಬುಶ್ರ ಅಬ್ದುಲ್ ಅಝಿಝ್ ಅಧ್ಯಕ್ಷತೆಯಲ್ಲಿ ನಡೆಯಿತು. ಖತೀಬ್ ರಾದ ಬಹು . ನೌಶಾದ್ ಫೈಝಿ ರವರು ದುವಾ ನೇತೃತ್ವ ವಹಿಸಿ ನೆಬಿ ದಿನದ ಮಹತ್ವದ ಬಗ್ಗೆ ತಿಳಿಸಿದರು. ಕಾವು ಬದ್ರಿಯಾ ಮಸೀದಿ ಖತೀಬ್ ರಾದ ಬಹು ಶುಕುರು ದಾರಿಮೀ ಕಾರ್ಯಕ್ರಮವನ್ನು ಉದ್ಘಾಟಿಸಿದರು.

ಅರಯಲಡಿ ಮದರಸ ಸದರ್ ಉಸ್ತಾದ್ ಹಾಜಿ ಮೊಹಮ್ಮದ್ ಮುಸ್ಲಿಯರ್ ಸ್ವಾಗತಿಸಿದರು. ವಿದ್ಯಾರ್ಥಿಗಳ ವಿವಿಧ ಸ್ಪರ್ಧೆ ಗಳನ್ನು ನಡೆಸಲಾಯಿತು, ಕಾರ್ಯಕ್ರಮದ ಕೊನೆಯಲ್ಲಿ ವಿಜೇತರಾದ ವಿದ್ಯಾರ್ಥಿಗಳಿಗೆ ಬಹುಮಾನವನ್ನು ವಿತರಿಸಲಾಯಿತು. ಸಮಸ್ತ ಪಬ್ಲಿಕ್ ಪರೀಕ್ಷೆಯಲ್ಲಿ ಮಾಡನೂರ್ ರೇಂಜಿಗೆ ಅತ್ಯಧಿಕ ಅಂಕಗಳಿಸಿ ಡಿಸ್ಟಿಂಕ್ಷನ್ ನೊಂದಿಗೆ ತೇರ್ಗಡೆ ಹೊಂದಿದ ಅಶ್ವತಡಿ ಮದರಸಾ ವಿದ್ಯಾರ್ಥಿಗಳನ್ನು ಸನ್ಮಾನಿಸಲಾಯಿತು .

ಅರಯಲಡಿ ಮಸ್ಜಿದ್ ಕಮಿಟಿ ಅಧ್ಯಕ್ಷರಾದ ಇಬ್ರಾಹಿಂ, ಜಮಾತ್ ಕಮಿಟಿ ಉಪಾಧ್ಯಕ್ಷರುಗಳು ,ಪ್ರಧಾನ ಕಾರ್ಯದರ್ಶಿ ಮಾಡನೂರು ಸದರ್ . ಯಂಗ್ ಮೆನ್ಸ್ ಅಸೋಸಿಯೇಷನ್ ಅಧ್ಯಕ್ಷರು ‌,ಸಹ ಅಧ್ಯಾಪಕರು ಅಬುಬಕ್ಕರ್ ಮುಸ್ಲಿಯಾರ್, ಈಗಲ್ ಸ್ಟಾರ್ ಬಾಯ್ಸ್ ಅಧ್ಯಕ್ಷರು ಸದಸ್ಯರು ಸಹಕರಿಸಿದರು. ಕಾರ್ಯಕ್ರಮದ ಕೊನೆಯಲ್ಲಿ ಅನ್ನದಾನವನ್ನು ಮಾಡಲಾಯಿತು.