ಮಂಗಳೂರು(www.vknews.in); ದೇಶದ್ಯಾಂತ ಹರಡಿರುವ ಸಾಂಕ್ರಾಮಿಕ ರೋಗ ಕೋವಿಡ್ -19 (ಕೊರೋಣ) ವೈರಸ್ ನ ಪ್ರಭಾವ ನಮ್ಮ ರಾಜ್ಯದ ಮೇಲೂ ತೀವ್ರ ಪರಿಣಾಮ ಉಂಟು ಮಾಡಿದೆ, ಇದರಿಂದ ಜನರ ಆರೋಗ್ಯ ಹದಗೆಡುವ ಎಲ್ಲ ಲಕ್ಷಣಗಳು ಕಾಣುತ್ತಿದೆ. ವೈರಸ್ ಹರಡುವುದನ್ನು ನಿಯಂತ್ರಿಸಲು ಅನಿವಾರ್ಯವಾಗಿ ಕೈಗೊಂಡಿರುವ ಸರಕಾರದ ಮುಂಜಾಗ್ರತಾ ಕ್ರಮವಾದ ಲಾಕ್ ಡೌನ್ ಜನಪರ ನಿರ್ಧಾರವಾಗಿದೆ. ಈ ಕಾರಣದಿಂದ ಜನ ಜೀವನ ಸ್ತಬ್ಧಗೊಳ್ಳುವುದು ಸಹಜ ಇದರಿಂದ ಜನತೆಯ ಆರ್ಥಿಕತೆಯ ಮೇಲೆ ದುಷ್ಪರಿಣಾಮ ಬೀಳುವುದು. ಅದರಲ್ಲೂ ಕಾರ್ಮಿಕರ ಜನಜೀವನ ತತ್ತರಿಸಿ ಹೋಗಿದ್ದು, ದಿನ ನಿತ್ಯ ದುಡಿದು ಜೀವನ ನಿರ್ವಹಿಸುವ ಕಾರ್ಮಿಕರು ಬಹಳ ಸಂಕಷ್ಟ ಅನುಭವಿಸುತ್ತಿದ್ದಾರೆ ಎಂದು ಸೋಶಿಯಲ್ ಡೆಮಾಕ್ರಟಿಕ್ ಟ್ರೇಡ್ ಯೂನಿಯನ್ (SDTU) ರಾಜ್ಯಾಧ್ಯಕ್ಷರಾದ ರಹೀಮ್ ಪಟೇಲ್ ರವರು ಆತಂಕ ವ್ಯಕ್ತಪಡಿಸಿದ್ದಾರೆ. ಮಾತ್ರವಲ್ಲ ಸರಕಾರ ಸೂಚಿಸಿರುವ ಎಲ್ಲಾ ಮುಂಜಾಗ್ರತಾ ಕ್ರಮಗಳನ್ನು ಸಮಸ್ತ ನಾಗರಿಕರು ತಪ್ಪದೇ ಪಾಲಿಸಬೇಕೆಂದು ಅವರು ಮನವಿ ಮಾಡಿದ್ದಾರೆ

ದಿನನಿತ್ಯ ದುಡಿದು ಜೀವನ ಸಾಗಿಸುವ ನೋಂದಾಯಿತ ಅಥವಾ ನೋಂದಾಯಿತವಲ್ಲದ ಎಲ್ಲಾ ಕಾರ್ಮಿಕರು ಮತ್ತು ಆಟೋ, ಟ್ಯಾಕ್ಸಿ, ಮ್ಯಾಕ್ಸಿಕ್ಯಾಬ್ ಗೂಡ್ಸ್ ಮತ್ತು ಖಾಸಾಗಿ ವಾಹನಗಳ ಚಾಲಕರಿಗೆ ಸರ್ಕಾರ ಆರ್ಥಿಕ ಸಹಾಯ ನೀಡಲು ಮುಂದಾಗ ಬೇಕು. ಯೋಜನೆಗಳು ಕೇವಲ ಮಾಧ್ಯಮ ಹೇಳಿಕೆಗೆ ಸಿಮೀತವಾಗದೇ, ಸುತ್ತೋಲೆ ಹೊರಡಿಸುವ ಮೂಲಕ ಯೋಜನೆಗಳನ್ನು ಕಾರ್ಯಗತಕ್ಕೆ ಸರಕಾರ ತರಬೇಕು, ಕಾರ್ಮಿಕ ಇಲಾಖೆಯಲ್ಲಿ ಕಾರ್ಮಿಕ ಕಲ್ಯಾಣಕ್ಕಾಗಿ ಮೀಸಲಿಟ್ಟ ಹಣ ಖರ್ಚು ಆಗದೆ ಉಳಿದಿರುವ ಸಾವಿರಾರು ಕೋಟಿ ಹಣವನ್ನು ಪ್ರಸ್ತುತ ಸದ್ಬಳಕೆ ಮಾಡಿ ಕೊಂಡು ಕನಿಷ್ಠ ಪಕ್ಷ 2,500/- ರೂಪಾಯಿಗಳನ್ನು ನೇರವಾಗಿ ಎಲ್ಲ ಕಾರ್ಮಿಕರ ಹಾಗೂ ಖಾಸಗಿ ವಾಣಿಜ್ಯ ವಾಹನಗಳ ಚಾಲಕರ ಖಾತೆಗೆ ಜಮಾ ಮಾಡ ಬೇಕು. ಪ್ರಸ್ತುತ ಬಾಡಿಗೆ ಮನೆಯಲ್ಲಿರುವವರಿಗೆ ಮಾಲಕರ ಅನುಕೂಲತೆಗೆ ಅನುಗುಣವಾಗಿ ಬಾಡಿಗೆಯನ್ನು ಮನ್ನಾ ಮಾಡಲು ನಿರ್ದೇಶಿಸಬೇಕು ಅಥವಾ ಸರಕಾರ ಬಾಡಿಗೆಯನ್ನು ಭರಿಸಬೇಕು, ಆಹಾರ ಭದ್ರತೆ ಸಂಬಂಧ ಕ್ರಮ ಜರುಗಿಸ ಬೇಕು. ಅಲ್ಲದೇ ವಿವಿಧ ಬ್ಯಾಂಕ್ ಗಳಿಂದ ಸಾಲ ಪಡೆದ ಕಾರ್ಮಿಕರಿಗೆ ಬ್ಯಾಂಕ್ ಹಾಗೂ ಬ್ಯಾಂಕ್ಯೇತರ ಸಂಸ್ಥೆಗಳು ಸಾಲವನ್ನು ಮರಳಿ ಪಡೆಯುವ (ರಿಕವರಿ) ನೆಪವೊಡ್ಡಿ ಕಿರುಕುಳ ನೀಡುವುದನ್ನು ಸರಕಾರ ತಡೆಯ ಬೇಕು. ಮೈಕ್ರೋ ಫೈನಾನ್ಸ್, ವಿವಿಧ ನಿಗಮಗಳಿಂದ, ಖಾಸಗಿ ಸಂಸ್ಥೆಗಳ ಹಾಗೂ ಸ್ತ್ರೀ ಶಕ್ತಿ ಗುಂಪುಗಳು ಇತ್ಯಾದಿಗಳಿಂದ ಪಡೆದಿರುವ ಸಾಲವನ್ನು ಸಂಪೂರ್ಣವಾಗಿ ಮನ್ನಾ ಮಾಡ ಬೇಕು ಅಥವಾ ದೀರ್ಘ ಸಮಯಾವಕಾಶ ನೀಡಬೇಕು. ಬಹಳ ಮುಖ್ಯವಾಗಿ ಗಂಭೀರ ಕಾಯಿಲೆಯಿಂದ ನರಳುತ್ತಿರುವ ಕಾರ್ಮಿಕ ರೋಗಿಗಳಿಗೆ ಸರ್ಕಾರದ ವತಿಯಿಂದ ಸಂಪೂರ್ಣ ಚಿಕಿತ್ಸೆಗೆ ಆರ್ಥಿಕ ಸಹಾಯ ಕೊಡಬೇಕು. ಸರಕಾರ ಕೋವಿಡ್-19 ವೈರಸ್ ಹರಡುವುದನ್ನು ತಡೆಯುವ ಮಾರ್ಗಸೂಚಿಗಳನ್ನು ವಿವಿಧ ಕಾರಣಗಳಿಂದ ಕೆಲವರು ಉಲ್ಲಂಘನೆ ಮಾಡುತ್ತಿದ್ದು ಇದು ಕಳವಳಕಾರಿ ಮತ್ತು ಆತಂಕಕಾರಿಯಾಗಿದೆ ಹೀಗೆ ಮುಂದುವರಿದರೆ ಲಾಕ್ ಡೌನ್ ಮುಂದುವರಿಯುವ ಸಾಧ್ಯತೆ ಇದ್ದು ಇದರಿಂದ ಕಾರ್ಮಿಕರ ಬದುಕು ದುಸ್ತರವಾಗಿ ವೈರಾಣು ಹರಡುವುದಕ್ಕೆ ಮುಂಚೆಯೇ ಆರ್ಥಿಕ ಸಂಕಷ್ಟದಿಂದ ಕಾರ್ಮಿಕರ ಬದುಕು ದೈಹಿಕ ಮಾನಸಿಕ ಒತ್ತಡದಿಂದ ಅಪಾಯವನ್ನೆದುರಿಸಲಿದೆ ಈಗಾಗಲೇ ಸರಕಾರ ಘೋಷಸಿದ ಯೋಜನೆಗಳು ನಾವು ತಿಳಿದ ಮಟ್ಟಿಗೆ ಕಾರ್ಯರೂಪಕ್ಕೆ ಬಂದಿಲ್ಲ, ಇಂತಹ ತುರ್ತು ಸಂದರ್ಭದಲ್ಲಿ ಅನಾವಶ್ಯಕ ತಡ ಮಾಡದೆ ಸರಕಾರ ಘೋಷಿಸಿದ ಯೋಜನೆಗಳನ್ನು ಶೀಘ್ರವಾಗಿ ಕಾರ್ಯರೂಪಕ್ಕೆ ತರುವ ಇಚ್ಛಾಶಕ್ತಿ ಮಾಡಬೇಕು ಎಂದು SDTU ಆಗ್ರಹಿಸಿದೆ.
ರಹೀಮ್ ಪಟೇಲ್, ರಾಜ್ಯಾಧ್ಯಕ್ಷರು, SDTU

ಮಂಗಳೂರು(www.vknews.in): ಕೋವಿಡ್-19 ವೈರಸ್ ನಿಗ್ರಹ ನಿಮಿತ್ತ ದೇಶದಾದ್ಯಂತ ಲಾಕ್ ಡೌನ್ ಹಿನ್ನೆಲೆಯಲ್ಲಿ ಮದ್ರಸ ಕಾರ್ಯಾಚರಣೆ ಸ್ಥಗಿತಗೊಂಡಿದ್ದು ಮದ್ರಸ ಸೇವೆಯಲ್ಲಿರುವ ಮುಅಲ್ಲಿಮರಿಗೆ ರಜಾಕಾಲದ ವೇತನದೊಂದಿಗೆ ಹೆಚ್ಚುವರಿ ಸೌಲಭ್ಯವನ್ನು ನೀಡಬೇಕು.

ಮದ್ರಸ ಸೇವೆಗೆ ಅನುಕೂಲ ವಾತಾವರಣ ಹಾಗೂ ಆರ್ಥಿಕ ಸಹಕಾರ ಸಂಪೂರ್ಣ ಸ್ಥಬ್ಧ ವಾಗಿರುವುದರಿಂದ ನಿಸ್ವಾರ್ಥ ಸೇವಾ ಮನೋಭಾವದ ಮುಅಲ್ಲಿಮರಿಗೆ ಸರ್ವ ರೀತಿಯ ಸಹಾಯ ಸಹಕಾರ ನೀಡಿ ನೆರವಾಗಬೇಕಾದ ಸಂದರ್ಭ ಇದಾಗಿದೆ. ಮಾನ್ಯ ಆಡಳಿತ ಸಮಿತಿ ಇದನ್ನು ಗಂಭೀರವಾಗಿ ಪರಿಗಣಿಸಿ ಕಾರ್ಯೋನ್ಮುಖರಾಗಬೇಕು ಎಂದು ಸುನ್ನೀ ವಿಧ್ಯಾಭ್ಯಾಸ ಬೋರ್ಡ್ ಅಧ್ಯಕ್ಷರಾದ ಸಯ್ಯಿದ್ ಅಲೀ ಬಾಫಖೀ ತಂಙಲ್, ಪ್ರಧಾನ ಕಾರ್ಯದರ್ಶಿ ಸುಲ್ತಾನುಲ್ ಉಲಮಾ ಎ.ಪಿ ಉಸ್ತಾದ್,ಸುನ್ನೀ ಜಂಇಯ್ಯತುಲ್ ಮುಅಲ್ಲಿಮೀನ್ ಕರ್ನಾಟಕ ರಾಜ್ಯಾಧ್ಯಕ್ಷ ಆತೂರು ಸಅದ್ ಮುಸ್ಲಿಯಾರ್ ಮತ್ತು ಪ್ರಧಾನ ಕಾರ್ಯದರ್ಶಿ ಪುಂಡೂರು ಇಬ್ರಾಹಿಂ ಸಖಾಪಿ ಮುಂತಾದ ಸುನ್ನೀ ನಾಯಕರು ಮದ್ರಸ ಮ್ಯಾನೇಜ್‌ಮೆಂಟ್ ಪದಾಧಿಕಾರಿಗಳೊಂದಿಗೆ ಮನವಿ ಮಾಡಿದ್ದಾರೆ.

ರಜಾಕಾಲದಲ್ಲಿ ವಿದ್ಯಾರ್ಥಿಗಳು,ಪೋಷಕರು ಹಾಗೂ ಸಾರ್ವಜನಿಕರಿಗೆ ಧಾರ್ಮಿಕ ಭೋದನೆಗಾಗಿ ಸುನ್ನೀ ವಿಧ್ಯಾಭ್ಯಾಸ ಬೋರ್ಡ್ ಮಾರ್ಚ್ 25 ರಿಂದ ಆರಂಭಿಸಿರುವ ಫೀ ರಿಹಾಬಿಲ್ ಕುರ್’ಆನ್ ಎಂಬ ಆನ್‌ಲೈನ್ ತರಗತಿ ಎಲ್ಲಾ ವಿದ್ಯಾರ್ಥಿಗಳಿಗೆ ಲಭಿಸುವಂತಾಗಲು ಮುಅಲ್ಲಿಮರು ಮತ್ತು ಪೋಷಕರು ಪ್ರತ್ಯೇಕ ಗಮನ ಹರಿಸಬೇಕು ಎಂದು ಅವರು ತಿಳಿಸಿದರು. ಪ್ರತಿ ದಿನ ಬೆಳಿಗ್ಗೆ 8:30 ರಿಂದ 10:30 ರ ವರೆಗೆ ಹಾಗೂ ರಾತ್ರಿ 9:30 ಕ್ಕೆ ಮೀಡಿಯ ಮಿಷನ್ ಯೂ ಟ್ಯೂಬ್ ಚಾನೆಲ್ ಮೂಲಕ ತರಗತಿ ಪ್ರಸಾರ ಪಡಿಸಲಾಗುತ್ತದೆ. ಈ ಅವಕಾಶವನ್ನು ಬಳಸಿಕೊಂಡು ಸದುಪಯೋಗ ಪಡಿಸಬೇಕು. ಎಂದು ವಿಧ್ಯಾಭ್ಯಾಸ ಬೋರ್ಡ್‌ನ ನಾಯಕರು ಕರೆ ನೀಡಿದರು.

ಪ್ರಕಟಣೆ: ಆತೂರ್ ಸಅದ್ ಮುಸ್ಲಿಯಾರ್,ಅಧ್ಯಕ್ಷರು SJM ಕರ್ನಾಟಕ