(www.vknews.in)ಮಗುವಿನ ಉಚ್ಚಾರಣೆ ಬಗ್ಗೆ ಅವಹೇಳನಕಾರಿಯಾಗುವ ರೀತಿಯಲ್ಲಿ ವಿಡಿಯೋ ಮಾಡಿ ಸಾಮಾಜಿಕ ಜಾಲತಾಣಗಳಲ್ಲಿ ಹಂಚಿದ ವಿಕೃತ ಶಿಕ್ಷಕರ ವಿರುದ್ಧ ಕಟ್ಟು ನಿಟ್ಟಿನ ಕ್ರಮವನ್ನು ಕೈ ಗೊಳ್ಳಲು ಆದೇಶವನ್ನು ಹೊರಡಿಸಿದ ಮಾನ್ಯ ಶಿಕ್ಷಣ ಸಚಿವರಾದ ಸನ್ಮಾನ್ಯ ಸುರೇಶ್ ಕುಮಾರ್ ರವರ ನಡೆಯನ್ನು ಕರ್ನಾಟಕ ರಾಜ್ಯ ಶಾಲಾಭಿವೃದ್ಧಿ ಹಾಗೂ ಮೇಲುಸ್ತುವಾರಿ ಸಮಿತಿಗಳ ಸಮನ್ವಯ ವೇದಿಕೆಯು ಸ್ವಾಗತಿಸುತ್ತಿದೆ.
ಈ ಕ್ರಮವು ಮಕ್ಕಳ ಹಕ್ಕುಗಳನ್ನು ಉಲ್ಲಂಘನೆ ಮಾಡುವವರಿಗೆ ಸರಿಯಾದ ಪಾಠವನ್ನು ಕಲಿಸುವಲ್ಲಿ ಸಹಕಾರಿಯಾಗಲಿ.
ಇದು ಮಕ್ಕಳ ಘನತೆಯನ್ನು ಎತ್ತಿ ಹಿಡಿಯುತ್ತದೆ . ಶಿಕ್ಷಣ ಸಚಿವರ ಈ ಸಂವೇದನಾಶೀಲತೆ ಮತ್ತು ತಕ್ಷಣದ ಈ ಕ್ರಮವನ್ನು ಶಿಕ್ಷಣತಜ್ಞರು ಹಾಗೂ ಸಮನ್ವಯ ವೇದಿಕೆಯ ಮಹಾಪೋಷಕರಾದ ಡಾ.ನಿರಂಜನಾರಾಧ್ಯರವರು ಹೃದಯಪೂರ್ವಕವಾಗಿ ಸ್ವಾಗತಿಸುತ್ತಾ ಶಿಕ್ಷಕರ ಈ ನಡೆ ಶಿಕ್ಷಣ ಹಕ್ಕು ಕಾಯ್ದೆಯ ಪ್ರಕರಣ ೧೭ ರ ಉಲ್ಲ೦ಘನೆಯಾಗಿದೆ .
ಜೊತೆಗೆ ಪ್ರಕರಣ ೨೯ ರ ಪ್ರಕಾರ ಕಲಿಕಾ ಪ್ರಕ್ರಿಯೆಯಲ್ಲಿ ಅನುಸರಿಸಬೇಕಾದ ಮಕ್ಕಳ ಸ್ನೇಹಿ ವಿಧಾನ ಮತ್ತು ಕಲಿಕಾ ಪ್ರಕ್ರಿಯೆಯ ತತ್ವವನ್ನು ಗಾಳಿಗೆ ತೂರಿದ್ದಾರೆ. ಈ ಎಲ್ಲ ಕಾರಣಗಳಿಂದ ಸಂಬಂಧಪಟ್ಟ ಶಿಕ್ಷಕರ ಮೇಲೆ ಪ್ರಕರಣ ೧೭ ಮತ್ತು ೨೯ (೧ ) ರ ಅನ್ವಯ ಕರ್ತವ್ಯ ಲೋಪಕ್ಕಾಗಿ ಸೇವಾ ನಿಯಮಗಳ ಪ್ರಕಾರ ಕ್ರಮ ಜರುಗಿಸುವುದು ಸೂಕ್ತಎಂದು ತಿಳಿಸಿದರು . ಪ್ರಕಟಣೆ : ಮೊಯಿದಿನ್ ಕುಟ್ಟಿ ರಾಜ್ಯಾಧ್ಯಕ್ಷರು ಸಮನ್ವಯವೇದಿಕೆ
(www.vknews. in) ಶಾಲಾಭಿವೃದ್ಧಿ ಹಾಗೂ ಮೇಲುಸ್ತುವಾರಿ ಸಮಿತಿಗಳ ಸಮನ್ವಯ ವೇದಿಕೆಯು ಅವೈಜ್ಞಾನಿಕ ಹಾಗೂ ಆರ್ ಟಿ ಇ ಕಾಯ್ದೆ ಉಲ್ಲಂಘನೆಯೊಂದಿಗೆ ನಡೆಸಲುದ್ದೇಶಿಸಿರುವ ಏಳನೇ ತರಗತಿಯ ಪಬ್ಲಿಕ್ ಪರೀಕ್ಷೆಯ ಬಗ್ಗೆ ಖ್ಯಾತ ಶಿಕ್ಷಣತಜ್ಞರು ಹಾಗೂ ಸಮನ್ವಯ ವೇದಿಕೆಯ ಮಹಾಪೋಷಕರು ಆದಂತಹ ಡಾ. ನಿರಂಜನಾರಾಧ್ಯ. ವಿ. ಪಿ ರವರೊಂದಿಗೆ ರಾಜ್ಯದ ಘನ ಸರಕಾರಕ್ಕೆ ,ಶಿಕ್ಷಣ ಸಚಿವರಿಗೆ ಇದರ ಬಗ್ಗೆ ಮನವರಿಕೆ ಮಾಡಲು ಪ್ರಯತ್ನಿಸಿ ಸಫಲರಾಗಿದ್ದು,ಹಾಗೂ ಇದಕ್ಕಾಗಿ ಸಮನ್ವಯ ವೇದಿಕೆಯು ಹೆಚ್ಚಿನ ಜಿಲ್ಲೆಗಳಲ್ಲಿ ಪತ್ರಸಮ್ಮೇಳನವನ್ನು ನಡೆಸಿ ಸರಕಾರಕ್ಕೆ ಮನವಿಯನ್ನು ಕೊಡುವಂತಹ ಕೆಲಸಗಳು ಮಾಡಿದ್ದಾರೆ. ಸಂಘಟನೆಯ ಇಂತಹ ಹೋರಾಟವು ಸರಕಾರಿ ಶಾಲೆಗಳ ಮಕ್ಕಳ ಮೇಲೆ ನಡೆಸುವಂತಹ ಅವೈಜ್ಞಾನಿಕ ವಾದ ಪ್ರಯೋಗ ವನ್ನು ತಡೆ ಹಿಡಿಯುವುದರಲ್ಲಿ ಸಫಲ ವಾಗುತ್ತಿದೆ. ಇದರ ಎಲ್ಲಾ ಶ್ರೇಯಸ್ಸು ಸಂಘಟನೆಯ ಮಹಾ ಪೋಷಕರಿಗೆ ಹಾಗೂ ಇದಕ್ಕಾಗಿ ಕೆಲಸ ಮಾಡುತ್ತಿರುವ ರಾಜ್ಯವ್ಯಾಪಿ ಇರುವಂತಹ ಸಮನ್ವಯ ವೇದಿಕೆಯ ಪ್ರತಿನಿಧಿಗಳಿಗೆ ಸಲ್ಲುತ್ತದೆ ಎಂದು ಸಮನ್ವಯವೇದಿಕೆ ರಾಜ್ಯಾಧ್ಯಕ್ಷ ರಾದ ಮೊಯಿದಿನ್ ಕುಟ್ಟಿ ಇವರು ಪತ್ರಿಕಾ ಪ್ರಕಟಣೆಯಲ್ಲಿ ತಿಳಿಸಿರುತ್ತಾರೆ
ಸರಕಾರಿ ಶಾಲೆಗಳು ಉಳಿಯಲಿ ಬೆಳೆಯಲಿ ನೆರೆಹೊರೆಯ ಸಮಾನ ಶಾಲೆಗಳಾಗಲಿ*
(www.vknews.in)
ಮತ್ತೆ ಮರಳಲಿ ಪ್ರೀತಿ ಹಸಿದ ಮನದುದರವು ತುತ್ತ ಬೇಡಿದೆ ಭಿಕ್ಷೆಯ ರೂಪದಲ್ಲಾದರೂ ನೀಡಿರೆಂದು ಕೈಯ ಚಾಚಿದೆ ಮೃಷ್ಟಾನ್ನದ ಕನಸಿಲ್ಲ , ಸ್ವಾರ್ಥದ ಹಂಬಲಿಕೆಯಿಲ್ಲ ಹೊಟ್ಟೆ ತಣಿಸುವಷ್ಟು ಕೂಳು ಸಾಕು||
ಮತ್ಸರದ ಬೇಗುದಿಯ ಪೊರೆ ಕಳಚಿ ಸ್ಥಿಗ್ಧ ಪ್ರೀತಿ ಭಾವಬೆರೆತ ತಿನಿಸು ಉಣ್ಣಬೇಕು ಒಲವ ಬೇಲಿಯ ಸುತ್ತ ಬಂಧಿಯಾಗಿ ರುಚಿಯು ಹೊಸ ಬೆಸುಗೆಗೆ ನಾಂದಿಯಾಗಿ ಮುಷ್ಠಿಯಿಂದ ಜಾರಿಹೋದ ತುತ್ತದು ಮತ್ತೆ ದೊರೆಯಬೇಕು ನಾ ಅದರ ಸವಿಯ ಅಸ್ವಾದಿಸಬೇಕು||
ಕಣ್ಣಂಚಿನ ಸಣ್ಣಹನಿಯನೂ ಮರೆಮಾಚೋ ಒಡಲ ಬೇಗೆಯ ಬಿಸಿ ಹೇಳ ಹೆಸರಿಲ್ಲದಂತೆ ಮಾಯ ಮಾಡೋ ,ತುಟಿಯಂಚಿನ ಕಿರುನಗೆಯ ಜತನ ಮಾಡೋ ಒಲವಿನೊರತೆಯ ಪಾಕದ ಪಾಲುದಾರಳು ನಾನಾಗಬೇಕು||
ಪ್ರೀತಿ ಅಗುಳಲ್ಲಿ ಜೇನಭಾವ ಸೇರಿ ಜಿಹ್ವೆ ತಾ ಖಷಿಯ ಖನಿಯಾಗಬೇಕು ಸುಡುತಿಹ ಮನ ತಣಿಸೋ ಮಮತೆಯ ಹನಿ ಚಿಮ್ಮಿ ಬರಡಾದ ಮನವಿಂದು ಹಸಿರ ನಂದನವನವಾಗಬೇಕು||
ಸುತ್ತಲೆಲ್ಲ ಕಾಣೋ ಕಾನನದ ಸುಮಗಳಲ್ಲಿ ಬಯಸಿದ ಪುಷ್ಪವದು ತಾನೋಡಿ ಬಂದು ಮುಡಿಯ ಮಲ್ಲಿಗೆಯಾಗಬೇಕು ಸೊರಗಿದ ಮೊಗದಲಿ ನವಭಾವದ ಚಿತ್ತಾರ ಬರೆಯಬೇಕು ನಲ್ಮೊಗದಲಿ ಹಸಿತ ಮತ್ತೆ ಮಿನುಗಬೇಕು||. ರಚನೆ:ಹರಿಣಾಕ್ಷಿ.ಕೆ
ಉಪ್ಪಿನಂಗಡಿ:-ದಕ್ಷಿಣ ಕನ್ನಡ ಜಿಲ್ಲಾ ಗೃಹರಕ್ಷಕದಳ ಉಪ್ಪಿನಂಗಡಿ ಗೃಹರಕ್ಷಕದಳದ ಘಟಕದಲ್ಲಿ ಖಾಲಿ ಇರುವ ಪುರುಷ ಗೃಹರಕ್ಷಕರ ಹುದ್ದೆ ಗೆ ಅರ್ಜಿ ಆಹ್ವಾನಿಸಲಾಗಿದೆ ದಿನಾಂಕ 12/01/2020 ರ ಆದಿತ್ಯವಾರದಂದು ಉಪ್ಪಿನಂಗಡಿ ಸರಕಾರಿ ಮಾದರಿ ಶಾಲೆಯ ಬಳಿ ನಡೆಯುವ ಗೃಹರಕ್ಷಕದಳದ ವಾರದ ಕವಾಯತು ವೇಳೆ ಆಸಕ್ತರು ಅರ್ಜಿ ಪಡೆಯಬಹುದು
ಅರ್ಹತೆ:-ವಯಸ್ಸು20 ವರ್ಷ ಮೇಲ್ಪಟ್ಟು ಇರಬೇಕು ವಿದ್ಯಾರ್ಹತೆ SSLC ಆಸಕ್ತರು ಅರ್ಜಿ ಸಲ್ಲಿಸಬಹುದು ಎಂದು ಉಪ್ಪಿನಂಗಡಿ ಗೃಹರಕ್ಷಕದಳದ ಪ್ರಭಾರ ಘಟಕಾಧಿಕಾರಿ ದಿನೇಶ್. ಬಿ.ಪತ್ರಿಕಾ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ
(www.vknews.in)ರಾಜ್ಯಮಟ್ಟದ ಎಸ್ ಡಿ ಎಂ ಸಿ ಸಮನ್ವಯ ವೇದಿಕೆಯ ಸಮಾಲೋಚನಾ ಸಭೆಯು ಭಾನುವಾರ ಹಾಸನದ ವಾಣಿವಿಲಾಸ ಸರಕಾರಿ ಹಿರಿಯ ಪ್ರಾಥಮಿಕ ಶಾಲೆಯಲ್ಲಿ ಬೆಂಗಳೂರಿನ ಮಗು ಮತ್ತು ಕಾನೂನು ಕೇಂದ್ರ ,ನ್ಯಾಷನಲ್ ಲಾ ಸ್ಕೂಲ್ ಆಫ್ ಇಂಡಿಯಾ ಯೂನಿವರ್ಸಿಟಿ, ಹಾಸನ ಜಿಲ್ಲಾ ಎಸ್ ಡಿ ಎಂ ಸಿ ಸಮನ್ವಯ ವೇದಿಕೆ ಸಹಯೋಗದಲ್ಲಿ ನಡೆದ ಒಂದು ದಿನದ ಕಾರ್ಯಕ್ರಮ ಕ್ಕೆ ಚಾಲನೆ ನೀಡಿ ಖ್ಯಾತ ಶಿಕ್ಷಣ ತಜ್ಞರು ಹಾಗೂ ಸಮನ್ವಯ ವೇದಿಕೆಯ ಮಹಾ ಪೋಷಕರಾದ ಡಾ.ನಿರಂಜನಾರಾಧ್ಯರು ಮಾತನಾಡಿದರು . (more…)
(www.vknews. in)” ಹಾಸನದಲ್ಲಿ ರಾಜ್ಯ ಮಟ್ಟದ ಶಾಲಾಭಿವೃದ್ಧಿ ಹಾಗೂ ಮೇಲುಸ್ತುವಾರಿ ಸಮಿತಿಗಳ ಸಮನ್ವಯ ವೇದಿಕೆಯ ಕಾರ್ಯಕಾರಿ ಸಭೆಯು ದಿನಾಂಕ 29/12/2019 ಆದಿತ್ಯವಾರ ವಾಣಿವಿಲಾಸ ಹಿರಿಯ ಪ್ರಾಥಮಿಕ ಶಾಲೆಯಲ್ಲಿ ನಡೆಯಲಿದೆ. ಕಾರ್ಯಕ್ರಮ ದಲ್ಲಿ ಸಮನ್ವಯ ವೇದಿಕೆಯ ಮಹಾ ಪೋಷಕರು ಹಾಗೂ ಶಿಕ್ಷಣತಜ್ಞರಾದ ಡಾ. ನಿರಂಜನಾರಾಧ್ಯ ವಿ.ಪಿ ಯವರು ಪಾಲ್ಗೊಳ್ಳಲಿದ್ದಾರೆ. ಅದಲ್ಲದೇ ಸೆಕ್ಟರ್ ಕಾರ್ಯ ನಿರ್ವಾಹಕರು ಮತ್ತು ಜಿಲ್ಲಾ ಪ್ರತಿನಿಧಿಗಳು ಭಾಗವಹಿಸಲಿದ್ದು ,ಮುಂದಿನ ಕಾರ್ಯಕ್ರಮ ಗಳ ಬಗ್ಗೆ ಹಾಗೂ ಸಂಘಟನೆಯ ಬಗ್ಗೆ ವಿಸ್ತೃತವಾದ ಒಂದು ದಿನದ ಚರ್ಚೆಗಳು ನಡೆಯಲಿದೆ. ಕಾರ್ಯಕ್ರಮವು ಹಾಸನ ಜಿಲ್ಲಾವೇದಿಕೆಯು ಆಯೋಜಿಸಿದ್ದು, ಜಿಲ್ಲಾಧ್ಯಕ್ಷರಾದ ಉಮೇಶ್ ಜಿಲ್ಲಾ ಕಾರ್ಯದರ್ಶಿ ಕವಿತಾ ಮತ್ತು ಹಾಸನ ತಾಲೂಕು ಅಧ್ಯಕ್ಷರಾದ ನಾಗೇಶ್ ರವರ ಮೇಲ್ವಿಚಾರಣೆ ಯಲ್ಲಿ ನಡೆಯಲಿದೆ.
(www.vknews. in)ಜೆಸಿಐ ನೆಕ್ಕಿಲಾಡಿ ಘಟಕದ ಸ್ಥಾಪಕ ಅಧ್ಯಕ್ಷರಾದ JFP ಶಿವಕುಮಾರ್ ಬಾರಿತ್ತಾಯ
ಮತ್ತು 2019 ನೇ ಅವದಿಯ ಅಧ್ಯಕ್ಷರಾದ JFDವಿನಿತ್ ಶಗ್ರಿತ್ತಾಯ
9ಇವರು 2020ನೇ ಸಾಲಿನ ವಲಯ 15ರ ವಲಯಾಧಿಕಾರಿಗಳಾಗಿ ಆಯ್ಕೆ ಕೊಂಡಿರುತ್ತಾರೆ .JFPಶಿವಕುಮಾರ್ ಬಾರಿತ್ತಾಯ ಇವರು ವಲಯದ ಉದಕ ಪತ್ರಿಕೆಯ sub editor ಅಧಿಕಾರಿಯಾಗಿರುತ್ತಾರೆ .JFDವಿನೀತ್ ಶಗ್ರಿತ್ತಾಯ ಇವರು cultural activities zone coordinator ಆಗಿ ಅಧಿಕಾರ ವಹಿಸಿಕೊಂಡಿರುತ್ತಾರೆ
.(www.vknews. in)ಉಪ್ಪಿನಂಗಡಿಯ ಹೃದಯಭಾಗದಲ್ಲಿರುವ ಸರಕಾರಿ ಮಾದರಿ ಹಿರಿಯ ಪ್ರಾಥಮಿಕ ಶಾಲೆಯಲ್ಲಿ ಇಂದು ಹಬ್ಬದ ಸಂಭ್ರಮ.ದಿನಾಂಕ 21/12/2019 ರಂದು ನಡೆಯಲಿರುವ ಅದ್ದೂರಿ ವಾರ್ಷಿಕೋತ್ಸವದ ಅಂಗವಾಗಿ ಪೋಷಕರಿಗೆ ಒಳಾಂಗಣ ಹಾಗೂ ಹೊರಾಂಗಣದ ಆಟೋಟ ಸ್ಪರ್ಧೆಗಳನ್ನು ಶಿಕ್ಷಕರು ಹಾಗೂ ಶಾಲಾಭಿವೃದ್ಧಿ ಸಮಿತಿ ಯವರು ಆಯೋಜಿಸಿದ್ದರು. ಅದಕ್ಕೆ ಪೋಷಕರಿಂದ ಅಭೂತಪೂರ್ವ ಸಹಕಾರ ಸಿಕ್ಕಿದ್ದು, ಬೆಳಿಗ್ಗೆ 10 ಘಂಟೆಯಿಂದ ಸಾಯಂಕಾಲ 4 ಘಂಟೆಯವರೆಗೂ ಆಟೋಟಗಳು ನಡೆದು ಶಾಲಾ ಮೈದಾನ ಪೋಷಕರಿಂದ ತುಂಬಿ ತುಳುಕುತ್ತಿತ್ತು. ಸರಕಾರಿ ಶಾಲೆಗಳು ಮಕ್ಕಲಿಲ್ಲದೆ ಮುಚ್ಚುತ್ತಿರುವ ಕಾಲಘಟ್ಟದಲ್ಲಿ ,ಉಪ್ಪಿನಂಗಡಿ ಶಾಲೆಯಲ್ಲಿ ವರ್ಷದಿಂದ ವರ್ಷಕ್ಕೆ ಮಕ್ಕಳ ಸಂಖ್ಯೆಯು ಹೆಚ್ಚಾಗುತ್ತಿದ್ದು
, ಅದಕ್ಕೆ ಪೋಷಕರೊಂದಿಗೆ ಶಾಲೆಗೆ ಇರುವ ಸಂಬಂಧವನ್ನು ಹೆಚ್ಚಿಸಲು ಇಂತಹ ಕಾರ್ಯಕ್ರಮವು ಸಹಕಾರಿಯಾಗುತ್ತಿದೆ. ಮಕ್ಕಳಿಗೆ ,ಶಿಕ್ಷಕರಿಗೆ ಹಲವು ಸಂಧರ್ಭದಲ್ಲಿ ಸ್ಪರ್ಧೆಗಳು ಆಯೋಜಿನೆ ಮಾಡುವಾಗ ,ಪೋಷಕರಿಗೆ ಕೂಡ ಮಕ್ಕಳು ಕಲಿಯುವ ಶಾಲೆಯಲ್ಲಿ ಮಕ್ಕಳ ರೀತಿ ಮೈದಾನದಲ್ಲಿ ಒಂದು ದಿನವನ್ನು ಮೀಸಲಿಡುವಾಗ ಶಾಲೆಯೊಂದಿಗಿನ ಅವರ ಬಾಂಧವ್ಯವು ಹೆಚ್ಚಾಗುವುದರಲ್ಲಿ ಸಂಶಯವಿಲ್ಲ, ಪೋಷಕರಿಗೆ ಆಟೋಟವನ್ನು ಆಯೋಜಿಸಿದ ರೀತಿಯಲ್ಲಿ ಶಾಲೆಯಲ್ಲಿ ಕಲಿತ ಹಿರಿಯ ವಿದ್ಯಾರ್ಥಿಗಳಿಗೆ ಕೂಡ ಹಿರಿಯ ವಿದ್ಯಾರ್ಥಿ ಸಂಘದ ಸಹಕಾರದೊಂದಿಗೆ ಡಿಸೆಂಬರ್ 14 ಶನಿವಾರದಂದು ಆಟೋಟ ಸ್ಪರ್ಧೆಯನ್ನು ಆಯೋಜಿಸಲಾಗಿದೆ. ಒಂದು ಸರಕಾರಿ ಶಾಲೆಯ ಬೆಳವಣಿಗೆಗೆ ಶಿಕ್ಷಕರು ,ಮಕ್ಕಳು, ಪೋಷಕರು ಮತ್ತು ಹಿರಿಯ ವಿದ್ಯಾರ್ಥಿಗಳನ್ನೊಳಗೊಂಡ ಸಮುದಾಯವು ಕೈ ಜೋಡಿಸಿದರೆ ಮೂಲ ಸೌಲಭ್ಯಗಳನ್ನೊಳಗೊಂಡು ಯಾವುದೇ ರೀತಿಯ ಬದಲಾವಣೆಗಳನ್ನು ಮಾಡಬಹುದು ಎಂಬುದಕ್ಕೆ ಮಾದರಿ ಶಾಲೆ ಉಪ್ಪಿನಂಗಡಿಯು ಉದಾಹರಣೆಯಾಗಿದೆ
(www.vknews. in) ಡಿಸೆಂಬರ್ 6 ನ್ನು ದೇಶದಾದ್ಯಂತ ವಿಶ್ವ ಗೃಹರಕ್ಷಕರ ದಿನವನ್ನಾಗಿ ಆಚಾರಿಸಲಾಗುತ್ತಿದೆ “ಗೃಹ”ಎಂದರೆ ಮನೆ ಸಮಾಜವನ್ನು ಇಲ್ಲಿ “ಗೃಹ”ಎಂದು ಅರ್ಥೈಸಲಾಗಿದೆ ಆದ್ದರಿಂದ ಸಮಾಜದ ರಕ್ಷಣೆಯೇ ಗೃಹರಕ್ಷಕದಳ “ದಳ”ಎಂಬುದು ಸ್ವಯಂ ಸೇವಾ ಸದಸ್ಯರ ಬಳಗ ಗೃಹರಕ್ಷಕದಳದವೆಂದರೆ ಸರಕಾರದ ಗೃಹ ಇಲಾಖೆಯ ಅಧಿನದಲ್ಲಿರುವ ಖಾಖಿ ಸಮವಸ್ತ್ರ ಧರಿಸಿದ ಒಂದು ಸ್ವಯಂಸೇವಾ ಸಂಸ್ಥೆ ನಿಷ್ಕಾಮ ಸೇವೆಯೇ ಇದರ ಮೂಲಧ್ಯೇಯ ರಾಜಕೀಯ, ಕೋಮುವಾರು,ಬಾಷವಾರು ಪಂಗಡಗಳಿಂದ ದೂರವಿದ್ದು ತಮ್ಮ ನಿತ್ಯದ ಉದ್ಯೋಗ ದಿನಚರಿಗಳ ಜೊತೆಯಲ್ಲಿ ದೇಶಸೇವೆಗೆ ಕೊಂಚ ಕಾಲವನ್ನು ಮೀಸಲಿಡುವ ರಾಷ್ಟ್ರೀಯ ಸೇವಾದಳವಿದು ಶಾಂತಿಪಾಲನೆ ಇದರ ಮುಖ್ಯ ಧ್ಯೇಯ
ಗೃಹರಕ್ಷಕದಳದ ಸ್ಥಾಪನೆ:- ಎರಡನೇ ಮಹಾಯುದ್ಧದ ಸಮಯದಲ್ಲಿ ಸೈನ್ಯ ಪಡೆಯನ್ನು ಹಿಮ್ಮಟ್ಟಿಸಲು ಪೋಲಿಸ್ ಮತ್ತು ಮಿಲಿಟರಿ ಪಡೆಯ ಪರ್ಯಾಯವಾಗಿ ಜನರೇ ದೇಶವನ್ನು ರಕ್ಷಿಸಲು ರೂಪಿಸಿದ ನಾಗರಿಕ ಪಡೆ(Local Defence Villlinter )ಸ್ಥಳೀಯ ರಕ್ಷಣಾ ಕಾರ್ಯಕರ್ತ ಎಂದು ಕರೆಯುತ್ತಾರೆ 1946 ರಲ್ಲಿ ಬಾಂಬೇ ರಾಜ್ಯಾವು (ಮುಂಬಯಿ ಪ್ರಾಂತ್ಯ) ಕೋಮುಗಲಬೆಗಳಿಂದ ತತ್ತರಿಸಿದಾಗ ಕೆಲವು ಮಂದಿ ಸಮಾಜ ಸೇವಕರು,ನಾಗರಿಕ ಪ್ರಜ್ಞೆಯುಳ್ಳ ಯುವಕರು ನಾಡಿನ ಶಾಂತಿಪಾಲನೆಗಾಗಿ ಜನರ ಮಾನ-ಪ್ರಾಣ ಮತ್ತು ಆಸ್ತಿ-ಪಾಸ್ತಿ ರಕ್ಷಣೆಗೆ ಮುಂದೆ ಬರುತ್ತಾರೆ ಆಗ ಮುಂಬೈ ಸರಕಾರ ಇಂಥ ಒಂದು ಸ್ವಯಂ ಸೇವಕದಳದ ಅಗತ್ಯತೆಯನ್ನು ಮನಗಂಡು ಮುಂಬಯಿ ಸರಕಾರ ಗೃಹರಕ್ಷಕದಳದ ಕಾಯ್ದೆ ಜಾರಿಗೆ ತಂದು 1948ರಲ್ಲಿ ಭಾರತದ ಬಾಂಬೇ ರಾಜ್ಯದಲ್ಲಿ ಮೊದಲು ಸ್ಥಾಪನೆ ಮಾಡಲಾಯಿತು 1948 ರಲ್ಲಿ ಮೊರಾರ್ಜಿ ದೇಸಾಯಿ ಪ್ರಧಾನಿಯಾಗಿದ್ದಾಗ ಈ ಸಂಬಂಧ ಕಾಯ್ದೆ ರೊಪಿಸಿ ಜನರಿಗೆ ಮತ್ತು ದೇಶಕ್ಕೆ ತುರ್ತು ಸಂದರ್ಭದಲ್ಲಿ ರಕ್ಷಣೆ ನೀಡಲು ಗೃಹರಕ್ಷಕದಳವನ್ನು ಕೇಂದ್ರಾಡಳಿತ ಪ್ರದೇಶದಲ್ಲಿ ಗೃಹರಕ್ಷಕದಳವನ್ನು ಆರಂಭಿಸಿ ಗೃಹರಕ್ಷಕದಳವನ್ನು ಶಾಸನಬದ್ದ ಕಾಯ್ದೆಗಳನ್ನು ಜಾರಿಗೆ ತಂದು ಖಾಖಿ ಸಮವಸ್ತ್ರ ಕ್ಕೆ ಮನ್ನಣೆ ನೀಡಲಾಯಿತು ನಂತರ ಇತರ ರಾಜ್ಯಗಳು ಕ್ರಮೇಣ ಇ ಮಾರ್ಗವನ್ನು ಅನುಸರಿಸಿದವು ಮೊದಲು ಪೋಲೀಸರ ಜೊತೆಯಲ್ಲಿ ತುರ್ತು ಪರಿಸ್ಥಿತಿಯಲ್ಲಿ ಮಾತ್ರ ಬಳಸಲಾಗುತ್ತಿತ್ತು ಬರುಬರುತ್ತಾ ಗೃಹರಕ್ಷಕದಳದ ಸೇವೆಯನ್ನು ರಾಷ್ಟದ ಎಲ್ಲಾ ರೀತಿಯ ಪರಿಸ್ಥಿತಿಯಲ್ಲೂ ಪೋಲೀಸರು ಮತ್ತು ರಾಷ್ಟ್ರೀಯ ರಕ್ಷಣಾ ಪಡೆಗಳ ಚೊತೆ ಗೃಹರಕ್ಷಕದಳದ ಸೇವೆಯನ್ನು ಉಪಯೋಗಿಸಲಾಗುತ್ತಿದೆ ಇವರಿಗೆ ಗೊತ್ತದ ಸರಕಾರಿ ಸಂಬಳವಿಲ್ಲ ಸರಕಾರ ನಿಗದಿಪಡಿಸಿದ ಗೌರವಧನ ಮಾತ್ರ ದೊರೆಯುತ್ತದೆ ನಿವೃತ್ತಿಗೂಂಡ ಸೈನಿಕರಿಗೆ ಗೃಹರಕ್ಷಕದಳದಲ್ಲಿ ವಿಶೇಷ ಸ್ಥಾನಮಾನ ನೀಡಲಾಗುತ್ತದೆ
ಯಾರು ಗೃಹರಕ್ಷಕದಳ ಸೇರಲುಅರ್ಹರು ಹಾಗೂ ಗೃಹರಕ್ಷಕದಳದ ಸೆರ್ಪಡೆ ಕ್ರಮ ಹೇಗೆ:- ದೇಶ ಸೇವೆ ಮಾಡಲು ಇಚ್ಛಾಶಕ್ತಿ ಇರುವ ಪ್ರತಿಯೊಬ್ಬ ನಾಗರಿಕರು ವಿದ್ಯಾರ್ಥಿಗಳು, ಕೃಷಿಕರು,ವೈದ್ಯರು, ವಕೀಲರು, ಶಿಕ್ಷಕರು, ಕೂಲಿಕಾರ್ಮಿಕರು, ಎಲ್ಲಾ ವರ್ಗದ ಜನರು ಗೃಹರಕ್ಷಕದಳವನ್ನು ಸೇರಬಹುದು ಸರಕಾರ ವಿಧಿಸಿರುವ ನಿಯಮಾನುಸಾರ ವಯಸ್ಸು 20 ರಿಂದ 50 ವರ್ಷಗಳ ಅಂತರವಿರಬೇಕು ಮೊದಲಿಗೆ ಸರಕಾರ ನಿಗದಿಪಡಿಸಿದ ಅರ್ಜಿಯ ನಮೂನೆಯನ್ನು ಜಿಲ್ಲಾ ಕಚೇರಿಯಲ್ಲಿ ಉಚಿತವಾಗಿ ವಿತರಣೆ ಮಾಡಲಾಗುತ್ತದೆ ಅಥಾವ ಅಯಾ ಘಟಕಗಳಿಂದ ಅರ್ಜಿ ಪಡೆದು ನಂತರ ಅರ್ಜಿಯನ್ನು ಬರ್ತಿಮಾಡಿ ಜಿಲ್ಲಾ ಕಚೇರಿಗೆ ಸಲ್ಲಿಸಬೇಕು ನಂತರ ನಿಮ್ಮ ಅರ್ಜಿಯನ್ನು ಜಿಲ್ಲಾ ಕಚೇರಿಯಲ್ಲಿ ಅರ್ಜಿ ಪ್ರಕ್ರಿಯೆ ನಡೆಯುತ್ತದೆ ಅರ್ಜಿ ಪ್ರಕ್ರಿಯೆಯ ಕಮಿಟಿಯಲ್ಲಿ ಜಿಲ್ಲಾ ಸಮಾದೇಷ್ಠರು, ಜಿಲ್ಲಾ ಶಿಕ್ಷಣಾಧಿಕಾರಿಗಳು, ಅಪಾರ ಜಿಲ್ಲಾಧಿಕಾರಿಗಳು, ಪೋಲಿಸ್ ವರಿಷ್ಠಾಧಿಕಾರಿಗಳು ಇರುತ್ತಾರೆ ನಿಮ್ಮ ಅರ್ಜಿಯನ್ನು ಕಮಿಟಿಯ ಅಧಿಕಾರಿಗಳು ಪರಿಶೀಲಿಸಿದನಂತರ ಪೋಲಿಸ್ ಇಲಾಖೆಯ ಪರಿಶೀಲನಗೆ ಸಭಂಧ ಪಟ್ಟ ಠಾಣೆಗೆ ಕಳುಹಿಸಿ ಕೊಡಲಾಗುತ್ತದೆ ಪೋಲಿಸ್ ಇಲಾಖೆಯು ನಿಮ್ಮ ಮೇಲೆ ಯಾವುದೇ ಅಪರಾಧ ಅಥವಾ ದಾವೆಗಳು ಇಲ್ಲ ತಿಳಿಸಿದ ನಂತರ ನಿಮ್ಮ ಅರ್ಜಿಯನ್ನು ಬೆಂಗಳೂರು ಗೃಹರಕ್ಷಕದಳದ ಕೇಂದ್ರ ಕಚೇರಿಗೆ ಕಳುಹಿಸಲಾಗುತ್ತದೆ ಅಲ್ಲಿಂದ ನಿಮ್ಮ ಅರ್ಜಿ ಜಿಲ್ಲಾ ಕಚೇರಿಗೆ ವಾಪಸ್ಸು ಬಂದ ನಂತರ ನಿಮಗೆ ಸಿ ಧೃಢಿಕರಣ ಪತ್ರ ನೀಡಲಾಗುತ್ತದೆ ನಂತರ ನೀವು ಸಭಂಧ ಪಟ್ಟ ಜಿಲ್ಲೆಯ ಗೃಹರಕ್ಷಕರಾಗುತ್ತಿರಿ ನಂತರ ನಿಮಗೆ ಜಿಲ್ಲಾ ಕಚೇರಿಯಲ್ಲಿ ಮೂಲ ತರಬೇತಿ ನೀಡಿ ನಂತರ ಹೆಚ್ಚಿನ ತರಭೇತಿಗಾಗಿ ಗೃಹರಕ್ಷಕದಳದ ಹಾಗೂ ಪೌರರಕ್ಷಣಾದಳ ಕೇಂದ್ರ ಕಚೇರಿ ಬೆಂಗಳೂರಿನಲ್ಲಿ ತರಬೇತಿಗೆ ಕಳುಹಿಸಿ ಕೊಡಲಾಗುತ್ತದೆ ನಂತರ ಕ್ರಮೇಣ ತುರ್ತು ಸಂದರ್ಭದಲ್ಲಿ ನಿಮ್ಮ ಸೇವೆಯನ್ನು ಬಳಸಲಾಗುತ್ತದೆ
ಗೃಹರಕ್ಷಕದಳದ ಸೇವೆಯನ್ನು ಎಲ್ಲೆಲ್ಲಿ ಬಳಸಲಾಗುತ್ತದೆ:- ಗೃಹರಕ್ಷಕದಳವನ್ನು ನಮ್ಮ ದೇಶದ ಹಲವು ಕಡೆಗಳಲ್ಲಿ ಉಪಯೋಗಿಸಲಾಗುತ್ತದೆ 1)ದೇಶದ ಆಂತರಿಕ ಭದ್ರತೆಯಲ್ಲಿ ಪೋಲಿಸರೊಂದಿಗೆ ಸೇರಿ ಕೆಲಸ ಮಾಡುವುದು 2)ಅಪರಾಧ ತಡೆಗಟ್ಟುವ ದೃಷ್ಟಿಯಿಂದ ಪೋಲಿಸರ ಚೊತೆ ಗಸ್ತು ನಡೆಸುವುದು 3)ನೈಸರ್ಗಿಕ ವಿಕೋಪ, ನೆರೆಹಾವಳಿ,ಸುನಾಮಿ, ಭೂಕಂಪ, ಭೂಕುಸಿತ, ಇತ್ಯಾದಿ ಸಂಧರ್ಭದಲ್ಲಿ ಜಿಲ್ಲಾಡಳಿತದ ಜೊತೆ ಸೇರಿ ಕೆಲಸ ಮಾಡುವುದು 4)ಪೋಲಿಸರ ಜೊತೆ ಸೇರಿ ಸಂಚಾರ ನಿಯಂತ್ರಣ, ಮುಸ್ಕರ,ಪ್ರತಿಭಟನೆ ಸಂಧರ್ಭದಲ್ಲಿ ಪೋಲಿಸರ ಚೊತೆ ಸೇರಿ ಕಾನೂನು ಸುವ್ಯವಸ್ಥೆ ಕಾಪಾಡಲು ಸಹಕರಿಸುವುದು 5)1961ರ ಕರ್ನಾಟಕ ಮದ್ಯಪಾನ ಪ್ರತಿಬಂಧಕ ಕಾಯ್ದೆಯನ್ನು ಜಾರಿಗೊಳಿಸಲು ಅಬಕಾರಿ ಇಲಾಖೆಯ ಕಳ್ಳಭಟ್ಟಿ ಸರಾಯಿ ಮತ್ತು ಅನಧಿಕೃತ ಮದ್ಯ ಮಾರಟ ನಿಯಂತ್ರಣ ಕ್ಕೆ ಸಭಂಧ ಪಟ್ಟ ಇಲಾಖೆಗಳ ಚೊತೆ ಕೈ ಜೊಡಿಸುವುದು 6)ವಿಶೇಷ ಸಂದರ್ಭದಲ್ಲಿ ಕ್ರೀಡಾಕೂಟ ಹಾಗೂ ವಿವಾದಾತ್ಮಕವಲ್ಲದ ಯಾವುದೇ ಸಂಘಟನೆ ನಡೆಸುವ ಕಾರ್ಯಕ್ರಮಗಳಿಗೆ ಗೃಹರಕ್ಷಕದಳದ ಸೇವೆ ಬಳಸಬಹುದು. ಆದರೆ ಮಹಾ ಸಮಾದೇಷ್ಠರ ಪೂರ್ವಾನುಮತಿ ಅಗತ್ಯವಿರುತ್ತದೆ
ಎನೇ ಇರಲಿ ಸಮಾಜದಲ್ಲಿ ಯಾವುದೇ ಪ್ರತಿಫಲವನ್ನು ಬಯಸದೇ ಸ್ವಯಂ ಸೆವಾ ನೆಲೆಯಲ್ಲಿ ದೇಶ ಸೇವೆ ಮಾಡುವ ಗೃಹರಕ್ಷಕರಿಗೆ ಕೃತಜ್ಞತೆ ಸಲ್ಲಿಸೋಣ ಎಲ್ಲಾ ಗೃಹರಕ್ಷಕದಳದ ಸಿಬ್ಬಂದಿ ವರ್ಗದವರಿಗೆ ಗೃಹರಕ್ಷಕ ದಿನದ ಶುಭಾಶಯಗಳು
ಲೇಖಕರು ದಿನೇಶ್. ಬಿ.ಪ್ರಭಾರ ಘಟಕಾಧಿಕಾರಿ ಗೃಹರಕ್ಷಕದಳದ ಉಪ್ಪಿನಂಗಡಿ ಘಟಕ
(www.vknews. in)
ಬೆಳ್ತಂಗಡಿ ತಾಲೂಕು ಶಾಲಾಭಿವೃದ್ಧಿ ಹಾಗೂ ಮೇಲುಸ್ತುವಾರಿ ಸಮಿತಿಗಳ ಸಮನ್ವಯ ವೇದಿಕೆಯ ಮೊದಲ ಶೈಕ್ಷಣಿಕ ಸಮಾವೇಶವು ದಿನಾಂಕ 4/12/2019 ರಂದು ನಡೆಯಲಿದ್ದು ,
ಅವತ್ತು ಮಂಡಿಸಲಿರುವ ಹಕ್ಕೊತ್ತಾಯದಲ್ಲಿರ ಬೇಕಾದ ಅಂಶಗಳ ಬಗ್ಗೆ ಚರ್ಚಿಸಲು ಇಂದು ತಾಲೂಕು ಕಚೇರಿಯಲ್ಲಿ ಸೇರಿದ್ದೆವು. ದಕ್ಷಿಣ ಕನ್ನಡ ಹಾಗೂ ಚಿಕ್ಕಮಗಳೂರು ಜಿಲ್ಲಾ ಸಮನ್ವಯ ವೇದಿಕೆಯ ಉಸ್ತುವಾರಿ ಮೊಯಿದಿನ್ ಕುಟ್ಟಿ, ತಾಲೂಕು ಅಧ್ಯಕ್ಷರಾದ ರಮೇಶ್ ಶೆಟ್ಟಿ, ಸಮಾವೇಶದ ಪ್ರಧಾನ ಸಂಚಾಲಕರಾದ ಕೆ ಶ್ರೀಧರ್ ರಾವ್ ಕಳೆಂಜ, ಸ್ವಾಗತ ಸಮಿತಿ ಅಧ್ಯಕ್ಷರಾದ ಗೋಪಾಲ ಕೃಷ್ಣ ರತ್ನಗಿರಿ,ಪ್ರಚಾರ ಸಮಿತಿಯ ಲಕ್ಷ್ಮಣ ಗೌಡ ಕೊಡಿಯಾಲ್ ಬೈಲ್ ನೋಂದಾವಣಿ ವಿಭಾಗದ ಲೀಲಾವತಿ ಮತ್ತು ಚೈತನ್ಯ ಅತ್ತಾಜೆ ಉಪಸ್ಥಿತರಿದ್ದರು
ಇಲ್ಲಿ ಪ್ರಕಟವಾಗುವ ಯಾವುದೇ ಲೇಖನಗಳಿಗೆ ಆಯಾ ಲೇಖಕರೇ ಜವಾಬ್ದಾರರಾಗಿರುತ್ತಾರೆ.
– ಸಂಪಾದಕೀಯ ಮಂಡಳಿ
Copyright © 2010 ವಿಶ್ವ ಕನ್ನಡಿಗ ನ್ಯೂಸ್. All Rights Reserved.
