ಸೌದಿ ಅರೇಬಿಯಾದಲ್ಲಿ ಕಾರು ಅಪಘಾತ ; ಅನಿವಾಸಿ ಭಾರತೀಯ ನಿಧನ – ಅನ್ವರ್ ಶಫೀಕ್ (33) ಮೃತಪಟ್ಟ ಯುವಕ..

ರಿಯಾದ್ (ವಿಶ್ವ ಕನ್ನಡಿಗ ನ್ಯೂಸ್) : ರಿಯಾದ್ ನಲ್ಲಿ ಸಂಭವಿಸಿದ ಕಾರು ಅಪಘಾತದಲ್ಲಿ ಅನಿವಾಸಿ ಭಾರತೀಯರೊಬ್ಬರು ಮೃತಪಟ್ಟಿದ್ದಾರೆ. ಪರಂಗೋಡ್ ನ ಅಬು ಎಂಬವರ ಪುತ್ರ ಅನ್ವರ್ ಶಫೀಕ್ (33) ಮೃತ ದುರ್ದೈವಿ. ರುವೈಡಾದಲ್ಲಿ ಈ ಅಪಘಾತ ಸಂಭವಿಸಿದೆ.

ರಿಯಾದ್ ನಿಂದ ಜೆಡ್ಡಾಗೆ ಲೋಡ್ ಸಾಗಿಸುತ್ತಿದ್ದ ಮಿನಿ ಟ್ರಕ್ ಅಪಘಾತಕ್ಕೀಡಾಗಿದೆ. ಅನ್ವರ್ ತನ್ನ ರಜೆಯ ನಂತರ ಎರಡು ವಾರಗಳ ಹಿಂದೆ ರಿಯಾದ್ ಗೆ ಬಂದಿದ್ದರು. ಮೃತರು ತಾಯಿ ಫಾತಿಮಾ, ಪತ್ನಿ ಆರಿಫಾ, ಮಗ ಆಸಿಮ್ ಹಾಗು ಅಪಾರ ಬಂಧು ಬಳಗವನ್ನು ಅಗಲಿದ್ದಾರೆ. ಮೃತದೇಹವನ್ನು ಸ್ವದೇಶಕ್ಕೆ ಕೊಂಡೊಯ್ಯಲು ಕ್ರಮ ಕೈಗೊಳ್ಳಲಾಗುತ್ತಿದೆ.