ಸೌದಿಯಲ್ಲಿ ಪ್ರತಿಯೊಬ್ಬರೂ ಮೂರನೇ ಡೋಸ್ ವ್ಯಾಕ್ಸಿನ್ ಕಡ್ಡಾಯವಾಗಿ ಪಡೆಯಲು ಆರೋಗ್ಯ ಇಲಾಖೆ ಆದೇಶ

ಜೆದ್ದಾ(www.vknews.in): ಕರೋನಾ ವೈರಸ್ ರೂಪಾಂತರವಾದ ಓಮಿಕ್ರಾನ್ ಪ್ರಕರಣವು ಸೌದಿಯಲ್ಲಿ ಪತ್ತೆಯಾಗುವುದರೊಂದಿಗೆ ರಾಷ್ಟ್ರದಲ್ಲಿರುವ ಎಲ್ಲಾ ನಾಗರೀಕರು ಹಾಗೂ ವಿದೇಶಿಗಳಿಗೆ ಮೂರನೇ ‘ಬೂಸ್ಟರ್’ ಡೋಸ್ ಕಡ್ಡಾಯವಾಗಿ ಪಡೆಯಬೇಕೆಂದು ಸೌದಿ ಆರೋಗ್ಯ ಸಚಿವಾಲಯ ಆದೇಶಿಸಿದೆ.

ಎರಡನೇ ಡೋಸ್ ಪಡೆದ ಎಂಟು ತಿಂಗಳೊಳಗಾಗಿ ಪ್ರತಿಯೊಬ್ಬರೂ ಮೂರನೇ ಡೋಸ್ ಪಡೆಯುವಂತೆಯೂ, ತಪ್ಪಿದಲ್ಲಿ ತವಕ್ಕಲ್ನಾ ಆ್ಯಪ್ ನಲ್ಲಿ ‘ಇಮ್ಯೂನ್’ ಸ್ಟೇಟಸ್ ರದ್ದುಗೊಳಿಸಲಾಗುವುದು. ಮಾತ್ರವಲ್ಲ ಇಂತವರಿಗೆ ಶಾಫಿಂಗ್ ಮಾಲ್, ಸೂಪರ್ ಮಾರ್ಕೆಟ್, ಸಾರ್ವಜನಿಕ ಸ್ಥಳಗಳಲ್ಲಿ ಪ್ರವೇಶವನ್ನು ನಿಷೇಧಿಸಲಾಗುವುದೆಂದೂ ಆರೋಗ್ಯ ಇಲಾಖೆ ಎಚ್ಚರಿಸಿದೆ.