ನಾಯಿಯನ್ನು ಕರೆತರಲು ಅವಕಾಶ ನೀಡದಿದ್ದರೆ ನಾನೂ ಉಕ್ರೇನ್‌ ಬಿಟ್ಟು ಬರುವುದಿಲ್ಲ ; ಭಾರತೀಯ ವಿದ್ಯಾರ್ಥಿ

(ವಿಶ್ವ ಕನ್ನಡಿಗ ನ್ಯೂಸ್) : ಉಕ್ರೇನಿನಲ್ಲಿ ಸಿಲುಕಿರುವ ಭಾರತೀಯ ವಿದ್ಯಾರ್ಥಿಯೊಬ್ಬನು ತಾನು ಸಾಕಿದ ನಾಯಿಯನ್ನು ಭಾರತಕ್ಕೆ ಕರೆದೊಯ್ಯಲು ಅವಕಾಶ ನೀಡದಿದ್ದರೆ ನಾನು ಉಕ್ರೇನ್‌ ಬಿಟ್ಟು ಬರುವುದಿಲ್ಲ ಎಂದು ಹಠ ಹಿಡಿದು ನಿಂತಿದ್ದಾನೆ.

ರೇಡಿಯೋ ಎಲೆಕ್ಟ್ರಾನಿಕ್ಸ್‌ ಎಂಜಿನಿಯರಿಂಗ್‌ ಕಲಿಯುತ್ತಿರುವ ರಿಶಬ್‌ ಕೌಶಿಕ್‌, ನಾಯಿಯನ್ನೂ ನನ್ನೊಂದಿಗೆ ಕರೆತರಲು ಅನುಮತಿಗಾಗಿ ನಾನು ಪ್ರಯತ್ನಿಸುತ್ತಿದ್ದೇನೆ. ಅದಕ್ಕೆಂದೇ ದೆಹಲಿಯಲ್ಲಿರುವ ಆನಿಮಲ್‌ ಕ್ವಾರಂಟೈನ್‌ ಹಾಗೂ ಉಕ್ರೇನಿನಲ್ಲಿರುವ ಭಾರತೀಯ ರಾಯಭಾರಿ ಕಚೇರಿಯೊಂದಿಗೂ ಸಂಪರ್ಕಿಸಿದ್ದೇನೆ. ಆದರೆ ನನಗೆ ಅನುಮತಿ ಸಿಗುತ್ತಿಲ್ಲ. ನಾನೂ ಬಿಟ್ಟು ಹೋದರೆ ನಾಯಿಯ ಆರೈಕೆ ಮಾಡುವವರು ಯಾರು? ಹೀಗಾಗಿ ನಾಯಿಯನ್ನು ಕರೆತರಲು ಅವಕಾಶ ನೀಡದಿದ್ದರೆ ನಾನೂ ಉಕ್ರೇನ್‌ ಬಿಟ್ಟು ಬರುವುದಿಲ್ಲ’ ಎಂದು ಹೇಳಿದ್ದಾರೆ.