ಕೇರಳದಿಂದ ಬಿಜೆಪಿಗೆ 3.4 ಕೋಟಿ ದೇಣಿಗೆ, ಆಭರಣ ವ್ಯಾಪಾರಿಗಳು, ಹಣಕಾಸು ಸಂಸ್ಥೆಗಳು ಪಟ್ಟಿಯಲ್ಲಿ ; ಒಂದು ಕೋಟಿ ಕೊಟ್ಟಿದ್ದು ಹೆಸರು ಮಾತ್ರ ಇರುವ ಮಹಮ್ಮದ್ ಮಜೀದ್..!

ತಿರುವನಂತಪುರಂ (ವಿಶ್ವ ಕನ್ನಡಿಗ ನ್ಯೂಸ್) : ಚುನಾವಣಾ ಆಯೋಗಕ್ಕೆ ನೀಡಿರುವ ಪಟ್ಟಿಯ ಪ್ರಕಾರ ಬಿಜೆಪಿ ಕಳೆದ ವರ್ಷ (2021-2022) 614 ಕೋಟಿ ರೂಪಾಯಿ ದೇಣಿಗೆ ಪಡೆದಿದೆ. ಇದರಲ್ಲಿ ಕೇರಳದಿಂದ 3.4 ಕೋಟಿ ರೂ ದೇಣಿಗೆ ನೀಡಲಾಗಿದೆ.

ಕೇರಳದಿಂದ ಬಿಜೆಪಿಗೆ ದೇಣಿಗೆ ನೀಡಿದ ಪಟ್ಟಿಯಲ್ಲಿ 27 ಹೆಸರುಗಳಿವೆ. ಇದರಲ್ಲಿ ಒಂದು ಕೋಟಿಯನ್ನು ಮುಹಮ್ಮದ್ ಮಜೀದ್ ಎಂಬ ವ್ಯಕ್ತಿ ನೀಡಿದ್ದಾರೆ. ಪಟ್ಟಿಯಲ್ಲಿರುವ ಇತರ ಉನ್ನತ ಗಳಿಕೆದಾರರಲ್ಲಿ ಆಭರಣ ವ್ಯಾಪಾರಿಗಳು ಮತ್ತು ಹಣಕಾಸು ಸಂಸ್ಥೆಗಳು ಸೇರಿವೆ.

ಆದರೆ ಅತ್ಯಧಿಕ ಮೊತ್ತದ ದೇಣಿಗೆ ನೀಡಿದ ಮಹಮ್ಮದ್ ಮಜೀದ್ ಹೆಸರನ್ನು ಹೊರತುಪಡಿಸಿದರೆ ಈ ಪಟ್ಟಿಯಲ್ಲಿ ಯಾವುದೇ ಮಾಹಿತಿ ಇಲ್ಲ. ಇದೇ ರೀತಿ ಇನ್ನು ಕೆಲವರ ಹೆಸರು ನಮೂದಿಸಿದ್ದರೂ ಅವರಿಂದ ಪಡೆದಿರುವ ಗರಿಷ್ಠ ಮೊತ್ತ ಕೇವಲ ಒಂದು ಲಕ್ಷ.

ಚೆಕ್ ಅಥವಾ ಆನ್ ಲೈನ್ ಮೂಲಕ 20 ಸಾವಿರ ರೂ.ಗಿಂತ ಹೆಚ್ಚು ದೇಣಿಗೆ ನೀಡಿದವರ ಪಟ್ಟಿಯನ್ನು ವಿವಿಧ ಪಕ್ಷಗಳು ಕೇಂದ್ರ ಚುನಾವಣಾ ಆಯೋಗಕ್ಕೆ ನೀಡಿವೆ. ಪ್ರಜಾಪ್ರತಿನಿಧಿ ಕಾಯ್ದೆಯ ನಿಬಂಧನೆಗಳ ಪ್ರಕಾರ, ಪಕ್ಷಗಳು ಚುನಾವಣಾ ಆಯೋಗಕ್ಕೆ ದಾನಿಗಳ ಪಟ್ಟಿಯನ್ನು ನೀಡುತ್ತವೆ.

ಈ ವರ್ಷ ನೀಡಿರುವ ಪಟ್ಟಿ ಪ್ರಕಾರ ವಿವಿಧ ರಾಜ್ಯಗಳಿಂದ ಕಾಂಗ್ರೆಸ್ ಒಟ್ಟು 95 ಕೋಟಿ ದೇಣಿಗೆ ಪಡೆದಿದೆ. ಸಿಪಿಐಎಂ ದೇಶಾದ್ಯಂತ 10 ಕೋಟಿ ರೂ ದೇಣಿಗೆ ಪಡೆದಿದೆ.