ಅಮೆರಿಕದ ಹೆಸರಾಂತ ಜವಳಿ ಬ್ರ್ಯಾಂಡ್ ಗ್ಯಾಪ್ ಭಾರತದಲ್ಲಿ ರಿಲಯನ್ಸ್ ರಿಟೇಲ್ ಸಹಭಾಗಿತ್ವದಲ್ಲಿ ತನ್ನ ಮೊದಲ ಫ್ರೀಸ್ಟ್ಯಾಂಡಿಂಗ್ ಸ್ಟೋರ್ ಅನ್ನು ಮುಂಬಯಿನಲ್ಲಿ ತೆರೆದಿದೆ..
ಮುಂಬಯಿ (www.vknews.in) : ರಿಲಯನ್ಸ್ ರಿಟೇಲ್ ಇಂದು ಭಾರತದ ಮೊದಲ ಗ್ಯಾಪ್ ಸ್ಟೋರ್ಗೆ ಮುಂಬಯಿನ ಮಲಾಡ್ನಲ್ಲಿರುವ ಇನ್ಫಿನಿಟಿ ಮಾಲ್ನಲ್ಲಿ ತೆರೆದಿದೆ. ರಿಲಯನ್ಸ್ ರಿಟೇಲ್ ಲಿಮಿಟೆಡ್ ಮತ್ತು ಗ್ಯಾಪ್ ಇಂಕ್ ಕಂಪನಿಯ ಸಹಭಾಗಿತ್ವದಲ್ಲಿ ಈ ಮಳಿಗೆಯನ್ನು ತೆರೆಯಲಾಗಿದೆ. ಭಾರತದಲ್ಲಿ ಗ್ಯಾಪ್ ಸ್ಟೋರ್ಗಳ ಅಧಿಕೃತ ರಿಟೇಲರ್ ಆಗಿ ರಿಲಯನ್ಸ್ ರಿಟೇಲ್ ಕಾರ್ಯನಿರ್ವಹಿಸಲಿದೆ.
ಕಳೆದ ವರ್ಷ 50 ಗ್ಯಾಪ್ ಶಾಪ್ – ಇನ್- ಶಾಪ್ ಮಳಿಗೆಗಳನ್ನು ತೆರೆದ ಬಳಿಕ ರಿಲಯನ್ಸ್ ರಿಟೇಲ್, ಇದೀಗ ಎರಡನೇ ಹಂತದಲ್ಲಿ ಇನ್ಫಿನಿಟಿ ಮಾಲ್ನಲ್ಲಿ ನೂತನ ಗ್ಯಾಪ್ ಫ್ರೀ ಸ್ಟ್ಯಾಂಡಿಂಗ್ ಸ್ಟೋರ್ ಅನ್ನು ತೆರೆದಿದೆ. ಮುಂಬರುವ ತಿಂಗಳುಗಳಲ್ಲಿ ಗ್ಯಾಪ್ ಮಳಿಗೆಗಳ ಸಂಖ್ಯೆ ಭಾರತದಲ್ಲಿ ಗಣನೀಯವಾಗಿ ಹೆಚ್ಚಲಿದೆ. ಗ್ಯಾಪ್ ಇನ್ಫಿನಿಟಿ ಮಾಲ್ನಲ್ಲಿ ಡೆನಿಮ್, ಲೋಗೋ ಪ್ರಾಡಕ್ಟ್ಸ್, ಖಾಕಿ ಉಡುಪುಗಳು, ಆಧುನಿಕ ಬಟ್ಟೆಬರೆಗಳು, ಮಹಿಳೆಯರು, ಪುರುಷರು, ಮಕ್ಕಳು, ಶಿಶುಗಳ ಉಡುಪುಗಳು ಸಿಗಲಿವೆ.
ಗ್ಯಾಪ್ ಮಳಿಗೆಯ ಉದ್ಘಾಟನೆಯ ವೇಳೆ ಮಾತನಾಡಿದ ರಿಲಯನ್ಸ್ ರಿಟೇಲ್ ಲಿಮಿಟೆಡ್ನ ಫ್ಯಾಷನ್ ಮತ್ತು ಲೈಫ್ಸ್ಟೈಲ್ ಸಿಇಒ ಅಖಿಲೇಶ್ ಪ್ರಸಾದ್ ಮಾತನಾಡಿ, ಭಾರತಕ್ಕೆ ಹೆಸರಾಂತ ಗ್ಯಾಪ್ ಮಳಿಗೆಯನ್ನು ತರಲು ನಮಗೆ ಸಂತಸವಾಗಿದೆ. ಗ್ರಾಹಕರು ಇಲ್ಲಿ ಹೊಸ ಬ್ರಾಂಡ್ನ ಜತೆಗೆ ಸ್ಮಾರ್ಟ್ ಟ್ರಯಲ್ ರೂಮ್ ಸೇರಿದಂತೆ ಶಾಪಿಂಗ್ ಅನುಭವವನ್ನು ವಿನೂತನವಾಗಿಸಬಹುದು. ಜತೆಗೆ ಉತ್ತಮ ದರವನ್ನೂ ಪಡೆಯಬಹುದು. ಭಾರತದಲ್ಲಿ ದೀರ್ಘಕಾಲೀನ ಬೆಳವಣಿಗೆ ನಿಟ್ಟಿನಲ್ಲಿ ಗ್ಯಾಪ್ ತನ್ನ ಮಳಿಗೆಗಳನ್ನು ತೆರೆಯುತ್ತಿದೆ. ವಿಶ್ವದರ್ಜೆಯ ಶಾಪಿಂಗ್ ಅನುಭವ ಗ್ರಾಹಕರಿಗೂ ಸಿಗಲಿದೆ ಎಂದು ಹೇಳಿದರು.
ಗ್ಯಾಪ್ ಇಂಕ್ನ ಗ್ಲೋಬಲ್ ಲೈಸೆನ್ಸಿಂಗ್ ಮತ್ತು ಹೋಲ್ಸೇಲ್ ವಿಭಾಗದ ವ್ಯವಸ್ಥಾಪಕ ನಿರ್ದೇಶಕ ಅಡ್ರಿನ್ ಗೆರ್ನಾರ್ಡ್ ಮಾತನಾಡಿ, ರಿಲಯನ್ಸ್ ರಿಟೇಲ್ ಜತೆ ಸಹಭಾಗಿತ್ವದಲ್ಲಿ ಭಾರತದಲ್ಲಿ ನಮ್ಮ ಅಸ್ತಿತ್ವವನ್ನು ವಿಸ್ತರಿಸಲು ನಮಗೆ ಸಂತಸವಾಗುತ್ತಿದೆ ಎಂದು ಹೇಳಿದರು. ಗ್ಯಾಪ್ನ ಮಳಿಗೆಗಳ ವಿಸ್ತರಣೆಯಿಂದ ಭಾರತೀಯ ಗ್ರಾಹಕರಿಗೂ ವಿನೂತನ ಶಾಪಿಂಗ್ ಅನುಭವ ಸಿಗಲಿದೆ ಎಂದರು.
ರಿಲಯನ್ಸ್ ರಿಟೇಲ್ ಭಾರತದ ಅತಿ ದೊಡ್ಡ ರಿಟೇಲರ್ ಆಗಿದ್ದು, ಒಮಿನಿ ಚಾನೆಲ್ ರಿಟೇಲ್ ನೆಟ್ವರ್ಕ್ ಮತ್ತು ಸ್ಥಳೀಯ ಉತ್ಪಾದನೆ ಮತ್ತು ಸಂಪನ್ಮೂಲಗಳ ಮೂಲಗಳ ಅಭಿವೃದ್ಧಿಯಲ್ಲಿ ಮುಂಚೂಣಿಯಲ್ಲಿದೆ. ಗ್ಯಾಪ್ ಜತೆ ಸಹಭಾಗಿತ್ವದಲ್ಲಿ ಗ್ರಾಹಕರಿಗೆ ಭಾರತದಾದ್ಯಂತ ವಿನೂತನ ಶಾಪಿಂಗ್ ಅನುಭವವನ್ನು ನೀಡಲಿದೆ. ವಿಶೇಷ ಬ್ರಾಂಡ್ಗಳ ಉತ್ಪನ್ನಗಳನ್ನು ಒದಗಿಸಲಿದೆ. ಡಿಜಿಟಲ್ ಕಾಮರ್ಸ್ ಪ್ಲಾಟ್ ಫಾರ್ಮ್ಗಳಲ್ಲಿಯೂ ನೀಡಲಿದೆ.
1969ರಲ್ಲಿ ಸ್ಯಾನ್ ಫ್ರಾನ್ಸಿಸ್ಕೊದಲ್ಲಿ ಸ್ಥಾಪನೆಯಾದ ಗ್ಯಾಪ್ ಡೆನಿಮ್ ಉತ್ಪನ್ನಗಳಿಗೆ ಹೆಸರುವಾಸಿಯಾಗಿದೆ. ಆನ್ಲೈನ್ ಬಳಿಕ ಇದೀಗ ಕಂಪನಿ ಫ್ರಾಂಚೈಸಿ ರಿಟೇಲ್ ಮಳಿಗೆಗಳನ್ನು ಜಾಗತಿಕ ಮಟ್ಟದಲ್ಲಿ ವಿಸ್ತರಿಸುತ್ತಿದೆ. ಅಮೇರಿಕನ್ ಶೈಲಿಯ ವಿಶಿಷ್ಟವಾದ ಮೂಲಭೂತ ಮತ್ತು ಆಶಾವಾದದ ಅರ್ಥವನ್ನು ಅನುಮೋದಿಸುತ್ತದೆ. ಮುಂಬಯಿನ ಮಲಾಡ್ನ ಇನ್ಫಿನಿಟಿ ಮಾಲ್ನಲ್ಲಿ ಗ್ಯಾಪ್ ಸ್ಟೋರ್ ಸೋಮವಾರ-ಭಾನುವಾರ ಎಲ್ಲ ದಿನಗಳಲ್ಲೂ ಬೆಳಗ್ಗೆ 11.00 ಗಂಟೆಯಿಂದ ರಾತ್ರಿ 9.30 ತನಕ ತೆರೆದಿರುತ್ತದೆ.
ವಿಶ್ವ ಕನ್ನಡಿಗ ನ್ಯೂಸ್
Your email address will not be published. Required fields are marked *
Copyright © 2010 ವಿಶ್ವ ಕನ್ನಡಿಗ ನ್ಯೂಸ್. All Rights Reserved.