ಮಲ್ಲೂರು ಬದ್ರಿಯಾ ಜುಮಾ ಮಸೀದಿ ವತಿಯಿಂದ ನೂತನ ವಸತಿ ಸಮುಚ್ಛಯಕ್ಕೆ ಶಂಕುಸ್ಥಾಪನೆ

ಮಂಗಳೂರು(ವಿಶ್ವಕನ್ನಡಿಗ ನ್ಯೂಸ್): ಮಲ್ಲೂರು ಅಲ್ ಮಸ್ಜಿದುಲ್ ಬದ್ರಿಯಾ ಜುಮಾ ಮಸೀದಿ, ಬದ್ರಿಯಾ ನಗರ ಇದರ ವತಿಯಿಂದ ನೂತನ ವಸತಿ ಸಮುಚ್ಛಯದ ಶಂಕುಸ್ಥಾಪನೆಯನ್ನು ಶೈಖುನಾ ಬೊಳ್ಳೂರು ಉಸ್ತಾದ್ ಅವರು ನೆರವೇರಿಸಿದರು.

ಇರ್ಷಾದ್ ದಾರಿಮಿ ಅಲ್ ಜಝರಿ ಮಿತ್ತಬೈಲ್ ಅವರು ಸಭಾ ಕಾರ್ಯಕ್ರಮವನ್ನು ಉದ್ಘಾಟಿಸಿದರು.ಕಾರ್ಯಕ್ರಮದ ಮುಖ್ಯ ಅತಿಥಿ, ಕೆಪಿಸಿಸಿ ಪ್ರಧಾನ ಕಾರ್ಯದರ್ಶಿ ಇನಾಯತ್ ಅಲಿ ಮೂಲ್ಕಿ ಅವರು ಕಾರ್ಯಕ್ರಮದ ಅಧ್ಯಕ್ಷತೆ ವಹಿಸಿ ಕಾರ್ಯಕ್ರಮವನ್ನು ಉದ್ದೇಶಿಸಿ ಮಾತನಾಡಿದರು.

ಕಾರ್ಯಕ್ರಮದಲ್ಲಿ ಲತೀಫ್ ಗುರುಪುರ, ಶಮೀರ್ ದಾರಿಮಿ ಮಾಡಾವು, ಸಯ್ಯದ್ ಅಲಿ ಮನ್ನಾನಿ, ಮುಹಮ್ಮದ್ ಶರೀಫ್ ದಾರಿಮಿ, ಅಶ್ರಫ್ ಬದ್ರಿಯಾ ನಗರ, ಮುಹಮ್ಮದ್ ಶರೀಫ್, ಎಮ್.ಕೆ.ಯೂಸುಫ್ ಹಾಗೂ ಇನ್ನಿತರ ಗಣ್ಯರು, ಜಮಾಅತ್ ಪದಾಧಿಕಾರಿಗಳು, ಸದಸ್ಯರು ಉಪಸ್ಥಿತರಿದ್ದರು.ಕಾರ್ಯಕ್ರಮದಲ್ಲಿ ಎಂ.ಜಿ.ಇಕ್ಬಾಲ್ ಮಲ್ಲೂರು ಅವರು ಸ್ವಾಗತಿಸಿದರು ಹಾಗೂ ಅಲ್ತಾಫ್ ದೆಮ್ಮಲೆ ನಿರೂಪಿಸಿದರು.