ರಸ್ತೆ ದಾಟುವಾಗ ಬಸ್ ಡಿಕ್ಕಿ; 53 ವರ್ಷದ ಮಹಿಳೆ ಮೃತ್ಯು – ಅಂಬಿಕಾ ಸಾಜಿ ಮೃತಪಟ್ಟವರು..

ಕೊಚ್ಚಿ (www.vknews.in) ; ಎರ್ನಾಕುಲಂನ ಕೂತತ್ಕುಲಂನಲ್ಲಿ ಮಧ್ಯವಯಸ್ಕ ಮಹಿಳೆಯೊಬ್ಬರು ಬಸ್ ಡಿಕ್ಕಿ ಹೊಡೆದು ದುರಂತ ಅಂತ್ಯ ಕಂಡಿದ್ದಾರೆ. ತಿರುಮರಾಡಿ ಒಲಿಯಪ್ಪುರಂ ಮೂಲದ ಮುಂಡಕ್ಕಲ್ ಅಂಬಿಕಾ ಸಾಜಿ (53) ಮೃತರು. ಕೂತಟ್ಟುಕುಲಂ-ಎಡಯಾರ್ ರಸ್ತೆಯ ಚೆಲ್ಲಕ್ಕಪಾಡಿ ಎಂಬಲ್ಲಿ ಈ ಅಪಘಾತ ಸಂಭವಿಸಿದೆ.

ಮಧ್ಯಾಹ್ನ 1 ಗಂಟೆ ಸುಮಾರಿಗೆ ಈ ಘಟನೆ ನಡೆದಿದೆ. ಬಸ್‌ನಿಂದ ಇಳಿದ ಬಳಿಕ ರಸ್ತೆ ದಾಟಲು ಯತ್ನಿಸುತ್ತಿದ್ದ ವೇಳೆ ಬಸ್‌ಗೆ ಡಿಕ್ಕಿ ಹೊಡೆದಿದೆ. ಅಂಬಿಕಾ ಸಾಜಿ ಎದುರಿಗೆ ಇದ್ದುದನ್ನು ಗಮನಿಸದ ಬಸ್ ಚಾಲಕ ವಾಹನವನ್ನು ಮುಂದಕ್ಕೆ ತೆಗೆದುಕೊಂಡು ಹೋಗುವಾಗ ಈ ದಾರುಣ ಘಟನೆ ನಡೆದಿದೆ. ಮೃತದೇಹವನ್ನು ಆಸ್ಪತ್ರೆಯ ಶವಾಗಾರಕ್ಕೆ ರವಾನಿಸಲಾಗಿದೆ. ಅಪಘಾತದ ನಂತರ ಬಹಳ ಹೊತ್ತು ವಾಹನ ಸಂಚಾರ ಸ್ಥಗಿತಗೊಂಡಿತ್ತು.