ಬೇಸಿಗೆಯಲ್ಲಿ ಕೇಂದ್ರ ಸ್ಥಾನದಲ್ಲಿ ಬಿಸಿಯೂಟ ಮಾಡಿ ಕೊಡುವ ಆದೇಶವನ್ನು ಪುನರ್ವಿಮರ್ಶೆ ಮಾಡಲು ಶಿಕ್ಷಣ ಆಯುಕ್ತರಿಗೆ ಮನವಿ

ಬೇಸಿಗೆಯಲ್ಲಿ ಬಿಸಿಯೂಟದ ವ್ಯವಸ್ಥೆಯನ್ನು ಮಕ್ಕಳ ಜನವಸತಿ ಪ್ರದೇಶದಲ್ಲಿ ಇರುವ ಶಾಲೆಯಲ್ಲಿಯೇ ವಿತರಿಸಲು ಅವಕಾಶ ಮಾಡಿಕೊಡುವ ಬಗ್ಗೆ.

ಮೇಲ್ಕಾಣಿಸಿದ ವಿಷಯಕ್ಕೆ ಸಂಬಂಧಿಸಿದಂತೆ ಗ್ರಾಮದ ಕೇಂದ್ರ ಸ್ಥಾನದಲ್ಲಿರುವ ಶಾಲೆಯನ್ನು ಗುರುತಿಸಿ ಅಲ್ಲಿಗೆ ಗ್ರಾಮದ ಮಕ್ಕಳನ್ನು ಕರೆಸಿ ಬಿಸಿಯೂಟವನ್ನು ವಿತರಿಸಬೇಕೆನ್ನುವ ಆದೇಶವನ್ನು ಹೊರಡಿಸಿರುತ್ತೀರಿ, ಇದು ವಿಪರೀತವಾಗಿ ಬಿಸಿಲಿನ ತಾಪಮಾನ ಜಾಸ್ತಿ ಆಗಿರುವ ಈ ಸಮಯದಲ್ಲಿ ಸಣ್ಣ ಸಣ್ಣ ಮಕ್ಕಳು ಮದ್ಯಾಹ್ನದ ಹೊತ್ತು ಬರುವುದು ಎನ್ನುವುದು ಪ್ರಾಯೋಗಿಕವಾಗಿ ಕಷ್ಟ ಸಾದ್ಯಆಗಿರುತ್ತದೆ.

ಆದರಿಂದ ಮಕ್ಕಳು ಈಗಾಗಲೇ ಹೋಗುತ್ತಿರುವ ಜನವಸತಿ ಪ್ರದೇಶದ ಶಾಲೆಗಳಲ್ಲಿಯೇ ಬಿಸಿಯೂಟ ಕೊಡುವ ಬಗ್ಗೆ ಹಾಗೂ ಅರ್ಹ ಮಕ್ಕಳಿಗೆ ಕೊಡಲು ಉದ್ದೇಶಿಸಿರುವ ಈ ಒಳ್ಳೆಯ ಪದ್ಧತಿಯು ಯಶಸ್ವಿಯಾಗಿ ನಡೆಯಲು ತಾವುಗಳು ಈ ಆದೇಶದ ಬಗ್ಗೆ ಪುನರ್ವಿಮರ್ಶೆ ಮಾಡಿ ಕ್ರಮವನ್ನು ಜರಗಿಸಬೇಕಾಗಿ ಈ ಮೂಲಕ ವಿನಂತಿಸುತ್ತೇವೆ.