ಪ್ರವಾದಿ ನಿಂದನೆ ಹೇಳಿಕೆಗೆ ಸಂಬಂಧಿಸಿದಂತೆ ವಿಶ್ವಸಂಸ್ಥೆ ಪ್ರತಿಕ್ರಿಯೆ

ಎಲ್ಲಾ ಧರ್ಮಗಳಿಗೆ ಸಹಿಷ್ಣುತೆ ಮತ್ತು ಗೌರವಕ್ಕೆ ವಿಶ್ವಸಂಸ್ಥೆ ಕರೆ..

ನ್ಯೂಯಾರ್ಕ್ (ವಿಶ್ವ ಕನ್ನಡಿಗ ನ್ಯೂಸ್) : ಪ್ರವಾದಿ(ಸ.ಅ) ವಿರುದ್ಧ ನೂಪುರ್ ಶರ್ಮಾ ಸೇರಿದಂತೆ ಬಿಜೆಪಿ ನಾಯಕರು ಮಾಡಿದ ನಿಂದನೆಗೆ ವಿಶ್ವಸಂಸ್ಥೆ ಪ್ರತಿಕ್ರಿಯೆ ನೀಡಿದೆ. ಜಿಸಿಸಿ ರಾಷ್ಟ್ರಗಳೂ ಸೇರಿದಂತೆ ವಿಶ್ವದ ಹಲವಾರು ದೇಶಗಳು ಅತೃಪ್ತಿ ವ್ಯಕ್ತಪಡಿಸಿದ ಹಿನ್ನೆಲೆಯಲ್ಲಿ ವಿಶ್ವಸಂಸ್ಥೆಯು ಈ ಪ್ರತಿಕ್ರಿಯೆ ನೀಡಿದೆ.

ವಿಶ್ವಸಂಸ್ಥೆಯ ಪ್ರಧಾನ ಕಾರ್ಯದರ್ಶಿ ಆಂಟೋನಿಯೋ ಗುಟೆರಸ್ ಅವರ ವಕ್ತಾರ ಸ್ಟೀಫನ್ ಡುಜಾರಿಕ್ ಮಾತನಾಡಿ, ಎಲ್ಲ ಧರ್ಮಗಳ ಬಗ್ಗೆ ಸಹಿಷ್ಣುತೆ ಮತ್ತು ಗೌರವ ಇರಬೇಕು. ನಾನು ಪತ್ರಿಕೆಗಳನ್ನು ನೋಡಿದ್ದೇನೆ, ಆದರೆ ನಿಂದನೆ ಹೇಳಿಕೆಗಳನ್ನು ನೋಡಿಲ್ಲ. ವಿಶ್ವಸಂಸ್ಥೆಯು ಎಲ್ಲಾ ಧರ್ಮಗಳ ಬಗ್ಗೆ ಗೌರವ ಮತ್ತು ಸಹಿಷ್ಣುತೆಯನ್ನು ಪ್ರೋತ್ಸಾಹಿಸುತ್ತದೆ ಎಂದು ಸ್ಟೀಫನ್ ಹೇಳಿದ್ದಾರೆ.

ಜಿಸಿಸಿ ರಾಷ್ಟ್ರಗಳಲ್ಲದೆ, ಈಜಿಪ್ಟ್, ಇರಾನ್, ಇರಾಕ್ ಮತ್ತು ಲೆಬನಾನ್ ನಂತಹ ದೇಶಗಳು ಸಹ ಪ್ರವಾದಿಯವರ ಧರ್ಮನಿಂದನೆ ವಿರುದ್ಧ ಪ್ರತಿಭಟಿಸಿವೆ.