(www.vknews.com) :
ಕರೋನ ಬಂದೈತೆ ಜಗದಾಗ ಢವಢವ ಅಂತೈತೆ ಎದೆಯಾಗ //
ನೆಮ್ಮದಿಯಿಂದ ಕೂರಂಗಿಲ್ಲ ಮನೆಯಾಗ ಮಡದಿ ಮಕ್ಕಳು ಸೇರಂಗಿಲ್ಲ ಜೊತೆಯಾಗ //
ಹಾದಿ ಬೀದಿ ಸುತ್ತಂಗಿಲ್ಲ ಇಷ್ಟದಾಂಗ ತಿಂಡಿ ತೀರ್ಥ ತಿನ್ನಂಗಿಲ್ಲ ಹೊಟೆಲ್ದಾಗ //
ಮೋಜು ಮಸ್ತಿ ಮಾಡಂಗಿಲ್ಲ ಬಾರಿನೊಳಗ ರಾತ್ರಿ ಕುಡಿದು ಕುಣಿಯಂಗಿಲ್ಲ ಕ್ಲಬ್ಬಿನೊಳಗ //
ಗುಂಪು ಗಿಂಪು ಸೇರಂಗಿಲ್ಲ ಜನರೀಗ ಮಾಸ್ಕ್ ಇಲ್ದೆ ಬರಂಗಿಲ್ಲ ತಾವು ಹೊರಗ //
ಮದುವೆ ಮುಂಜಿ ಮಾಡೋರಿಲ್ಲ ಜನಕೀಗ ಮಂದಿ ಸತ್ರೂ ನೋಡಂಗಿಲ್ಲ ಬಂಧು ಬಳಗ //
ಎರಡು ಪಾಳಿ ಹಾಕ್ಯಾರ ಕೆಲ್ಸದಾಗ ಬರದೆ ಹೋದ್ರೆ ಪಗಾರಿಲ್ಲ ತಿಂಗಳಿನಾಗ //
ಬಸ್ಸು ಕಾರು ಕಾಣುತ್ತಿಲ್ಲ ರಸ್ತೆಯಾಗ ವಿಮಾನ ಹಾರುತ್ತಿಲ್ಲ ಬಾನಿನಾಗ //
ರೈಲು ಗಾಡಿ ಓಡುತ್ತಿಲ್ಲ ದೇಶದೊಳಗ ಮೆಟ್ರೋ ರೈಲು ನಿಂತೋಗೈತೆ ಹಳಿಮ್ಯಾಗ //
ಗುಡಿ ಗೋಪುರ ಮುಚ್ಯಾರ ದೇಶದಾಗ ಕಾಣಿಕೆ ಕಾಸು ಬೀಳುತ್ತಿಲ್ಲ ಹುಂಡಿಯೊಳಗ //
ಚರ್ಚು ಮಸೀದಿ ತೆಗೆಯಂಗಿಲ್ಲ ಯಾರೂ ಈವಾಗ ಭಜನೆ ಪ್ರಾರ್ಥನೆ ಮಾಡಂಗಿಲ್ಲ ಯಾರೂ ಅಲ್ಲೀಗ //
ಶಾಲೆ ಕಾಲೇಜ್ ಮುಚ್ಯಾರ ದೇಶದಲ್ಲೀಗ ಮಕ್ಳು ಮರಿ ಸೇರ್ಕೊಂಡಾರ ಮೊಬೈಲೂಳಗ //
ಬಡವರ ಬಾಳು ಬೀದೀಗ್ ಬಂತು ದೇಶದೊಳಗ ದುಡ್ಡು ಕಾಸು ಇಲ್ದಂಗಾಯ್ತು ಜನರ ಕೈಯ್ಯಾಗ //
ಕರೋನ ಬಂದೈತೆ ಜಗದಾಗ ಢವ ಢವ ಅಂತೈತೆ ಎದೆಯಾಗ //
ರಚನೆ: ಮು.ನಂ.ಗಜೇಂದ್ರ
ವಿಶ್ವ ಕನ್ನಡಿಗ ನ್ಯೂಸ್
Your email address will not be published. Required fields are marked *
Copyright © 2010 ವಿಶ್ವ ಕನ್ನಡಿಗ ನ್ಯೂಸ್. All Rights Reserved.