ಜಿಡಿಪಿ ಯಲ್ಲಿ ಭಾರೀ ಕುಸಿತ: ಮತ್ತಷ್ಟು ಹದೆಗೆಡುತ್ತಿರುವ ಭಾರತದ ಅರ್ಥವ್ಯವಸ್ಥೆ

ನವದೆಹಲಿ(ವಿಶ್ವ ಕನ್ನಡಿಗ ನ್ಯೂಸ್): 1996 ರ ಬಳಿಕ ಇದೇ ಮೊದಲ ಬಾರಿಗೆ ಜಿಡಿಪಿ ಯಲ್ಲಿ ಭಾರೀ ಕುಸಿತ ಕಂಡಿರುವ ಭಾರತದ ಅರ್ಥವ್ಯವಸ್ಥೆ ಸರಕಾರಕ್ಕೆ ಸವಾಲಾಗಿ ಪರಿಗಮಿಸಿದೆ.ಕೋವಿಡ್ ಬಳಿಕ ಅನೇಕ ಬಲಿಷ್ಠ ದೇಶಗಳ ಅರ್ಥ ವ್ಯವಸ್ಥೆಗೆ ಹಿನ್ನಡೆಯಾಗಿದ್ದರೂ ಭಾರತದಷ್ಟು ಕುಸಿತ ಜಗತ್ತಿನ ಯಾವ ದೇಶವೂ ಅನುಭವಿಸಿಲ್ಲ ಎನ್ನುವುದು ಎಚ್ಚರಿಕೆಯಾಗಿದೆ.ಕೋವಿಡ್ ನ ನಡುವೆಯೂ ಲಾಕ್ ಡೌನ್ ತೆರವುಗೊಂಡಿದ್ದು ನಿಧಾನಕ್ಕೆ ವ್ಯಾಪಾರಗಳು ಮರಳಿ ಹಳಿಗೆ ಬರುತ್ತಿವೆಯಾದರೂ ಅಸಂಘಟಿತ ವಲಯದಲ್ಲಿನ ಚೇತರಿಕೆ ಬಹುದೊಡ್ಡ ಸವಾಲಾಗಿದೆ.ಇದೆಲ್ಲದರ ಜತೆಗೆ ದಿನೇ ದಿನೇ ಕೋವಿಡ್ ನ ಸಂಖ್ಯೆಯಲ್ಲಿನ ಏರಿಕೆ ಕೂಡ ಸರಕಾರಕ್ಕೆ ತಲೆನೋವಾಗಿ ಪರಿಣಮಿಸಿದೆ.

ಹಣಕಾಸು ಸೇವಾ ವಿಭಾಗದಲ್ಲಿ 5.5 ಶೇ ಕುಸಿತ,ವ್ಯಾಪಾರ-ಹೋಟೆಲ್-ಸಾರಿಗೆ ಸಂಪರ್ಕ ವಿಭಾಗಗಳಲ್ಲಿ ಶೇ 47 ಕುಸಿತ,ಉತ್ಪಾದನಾ ರಂಗದಲ್ಲಿ ಶೇ 39.3 ಕುಸಿತ,ನಿರ್ಮಾಣ ಉದ್ಯಮದಲ್ಲಿ ಶೇ 50.3 ಕುಸಿತ,ಗಣಿಗಾರಿಕೆಯಲ್ಲಿ ಶೇ.23.3 ಕುಸಿತ,ವಿದ್ಯುತ್ ಹಾಗು ಗ್ಯಾಸ್ ಬಳಕೆಯಲ್ಲಿ ಶೇ 7 ಕುಸಿತ,ಕೃಷಿಯಲ್ಲಿ ಮಾತ್ರ 3.4 ಶೇ ದಲ್ಲಿ ಮುಂದುವರಿಯುತ್ತಿದ್ದು ಒಂದಿಷ್ಟು ನಿರಾಳತೆಯನ್ನು ತಂದಿಟ್ಟಿದೆ.ಒಟ್ಟಾರೆ ಜಿಡಿಪಿಯಲ್ಲಿ ಶೇ 23.9 ರಷ್ಟು ಕುಸಿತ ಕಂಡು ಬಂದಿದೆ.