ಆಮ್ ಆದ್ಮಿ ಪಾರ್ಟಿ ಸುಳ್ಯ ಕಡಬ : ಕೋವಿಡ್ ಸೋಂಕಿತರಿಗೆ ವಿವಿಧ ಸೇವೆ ಉದ್ಘಾಟನೆ

(www.vknews.com) : ಸುಳ್ಯ ವಿಧಾನಸಭಾ ಕ್ಷೇತ್ರದ ಆಮ್ ಆದ್ಮಿ ಪಾರ್ಟಿಯ ನೇತೃತ್ವದಲ್ಲಿ AAP- (Action Against Pendamic) ಕೋವಿಡು ಹೋಮ್ ಐಸೋಲೇಶನ್ ಸಹಾಯವಾಣಿ ಸಂಖ್ಯೆ 7292022063 ಬಿಡುಗಡೆ ಹಾಗೂ ಆಕ್ಸಿಮಿತ್ರ ಸೇವೆ ಹಾಗೂ ಕೋವಿದ್ ಪೀಡಿತರಿಗೆ ಗುಣಮುಖರಾಗುವ ತನಕ ಆಕ್ಸಿಮಿಟರ್ ಉಚಿತ ಹಂಚಿಕೆ ಸೇವೆ ಸುಳ್ಯದಲ್ಲಿ ಜೂ. 6 ರಂದು ಸುಳ್ಯದ ರಿಯಾ ಟ್ರಾವೆಲ್ಸ್ ಕಚೇರಿಯಲ್ಲಿ ಬಿಡುಗಡೆಗೊಳಿಸಲಾಯಿತು.

ಸುಳ್ಯ ವಿಧಾನಸಭಾ ಸಂಚಾಲಕ ಅಶೋಕ ಎಡಮಲೆ ಬಿಡುಗಡೆ ಗೊಳಿಸಿ ಮಾತನಾಡಿದರು. ಸಹ ಸಂಚಾಲಕ ರಶೀದ್ ಜಟ್ಟಿಪಳ್ಳ, ಜತೆ ಕಾರ್ಯದರ್ಶಿಗಳಾದ ದೀಕ್ಷಿತ್ ಕುಮಾರ್, ಸಂಶುದ್ದೀನ್ ಕೆಎಂ, ಕಡಬ ತಾಲೂಕು ಮುಖಂಡರಾದ ಆನಂದ ಗೌಡ ರಾಮಕುಂಜ, ರಶೀದ್ ಪೀಳ್ಯಾ, ಸದಸ್ಯರಾದ ಕಲಂದರ್ ಶಾಫಿ ಅಡ್ಕ, ಶಾರಿಖ್ ಡಿಎಂ, ಸುನಿಲ್ ಎಡಮಲೆ, ತಾಜುದ್ದೀನ್, ಪ್ರಸನ್ನಕುಮಾರ್ ಉಪಸ್ಥಿತರಿದ್ದರು.

ಸಹಾಯವಾಣಿ ಸಂಖ್ಯೆಗೆ ಕರೆ ಮಾಡಿದಾಗ, ನುರಿತ ವೈದ್ಯರ ತಂಡದಿಂದ ಪೋನ್ ಮೂಲಕ ಹೋಮ್ ಐಸೊಲೇಷನ್ ವೈದ್ಯಕೀಯ ಕ್ರಮಗಳ ಬಗ್ಗೆ ಸೂಕ್ತ ಸಲಹೆ ಸೂಚನೆ ನೀಡಲಾಗುತ್ತದೆ ಹಾಗೂ ಕೋವಿದ್ ಪೀಡಿತರಿಗೆ ಅಗತ್ಯಕ್ಕನುಗುಣವಾಗಿ ಆಕ್ಸಿಮೀಟರ್ ಸೌಲಭ್ಯ ದೊರೆಯಲಿದೆ ಎಂದು ಅಶೋಕ್ ಎಡಮಲೆ ತಿಳಿಸಿದ್ದಾರೆ.