ನಂಬಿಕೆಯೇ ಬದುಕು
ಒಬ್ಬ ರಾಜನಿಗೆ ಆರ್ಥಿಕ ಸಂಕಷ್ಟ ಎದುರಾಯಿತು. ಆತ ಹಣ ಉಳಿತಾಯ ಮಾಡಲು ತನ್ನ ನೌಕರರನ್ನು ಕೆಲಸದಿಂದ ವಜಾ ಮಾಡಲು ನಿರ್ಧರಿಸಿದ. ಆ ರಾತ್ರಿ ಆತನಿಗೆ ಒಂದು ಕನಸು ಬಿತ್ತು. ಅರಮನೆ ಮುಂದೆ ಎತ್ತಿನ ಬಂಡಿಗಳಲ್ಲಿ ಜನರು ದಿನಸಿ ಸಾಮಾನುಗಳನ್ನು ತುಂಬುತ್ತಿದ್ದರು. ರಾಜ ಜನರಿಗೆ ಕೇಳಿದ – ಏನಿದು, ಎಲ್ಲಿಗೆ ಹೊರಡಲು ಸಿದ್ಧತೆಗಳು ನಡೆಯುತ್ತಿವೆ. ಜನರು ಹೇಳಿದರು – ನೀವು ನೌಕರರಿಗೆ ಕೆಲಸದಿಂದ ವಜಾ ಮಾಡಲು ನಿರ್ಧರಿಸಿದ್ದೀರಿ. ನಾವು ಅವರ ನಸೀಬಿನ ಅನ್ನವನ್ನು ಅವರ ಜೊತೆ ತೆಗೆದುಕೊಂಡು ಹೋಗುತ್ತಿದ್ದೇವೆ. ಅವರು ಎಲ್ಲಿ ಕಾರ್ಯಗತರಾಗುತ್ತಾರೋ ಅಲ್ಲಿಗೆ ತಲುಪಿಸಿ ಬಿಡುತ್ತೇವೆ. ರಾಜ ಎಚ್ಚರಗೊಂಡ. ಕನಸಿನ ಅರ್ಥವನ್ನು ಅರಿತುಕೊಂಡು, ತನ್ನ ನಿರ್ಧಾರವನ್ನು ಬದಲಾಯಿಸಿದ. ಯಾರಿಗೂ ಕೆಲಸದಿಂದ ತೆಗೆಯಲಿಲ್ಲ.
ನಾವು ಬೇರೆಯವರಿಗೆ ಕೆಲಸ ನೀಡಿದ್ದೇವೆ, ನಾವೇ ಅವರ ಜೀವನದ ಮಾಲೀಕರು ಎಂಬ ಭ್ರಮೆಯಲ್ಲಿ ಸದಾ ಮುಳುಗಿರುತ್ತೇವೆ. ನಮ್ಮ ಆಸ್ತಿ ಅಂತಸ್ತು, ನಮ್ಮ ಬುದ್ಧಿಶಕ್ತಿಯಿಂದ, ಶ್ರಮದಿಂದ ಸಂಪಾದಿಸಿದ್ದೇವೆ ಎಂಬ ಅಹಂ ಭಾವನೆಯಲ್ಲಿ ಬದುಕುತ್ತಿರುತ್ತೇವೆ. ನಮ್ಮ ಸಾವು ಬದುಕು, ಆಸ್ತಿ ಅಂತಸ್ತು, ಮದುವೆ ಮತ್ತು ಕೆಲಸ ನಮ್ಮ ಕೈಯಲ್ಲಿ ಇಲ್ಲ ಎಂದು ಕರೋನ ಮಹಾಮಾರಿ ಸಾರಿ ಸಾರಿ ಹೇಲುತ್ತಿದ್ದರೂ ನಾವು ಅದರ ಬಗ್ಗೆ ಆಳವಾಗಿ ಯೋಚಿಸುತ್ತಿಲ್ಲ. ಕೆಲವರು ಕೆಲಸ ಕಳೆದುಕೊಂಡು ಅಳುತ್ತಿದ್ದಾರೆ. ಇನ್ನು ಕೆಲವರು ಸಾಕಷ್ಟು ಹಣವಿದ್ದರೂ ಅಳುತ್ತಿದ್ದಾರೆ. ಪರಿಸ್ಥಿತಿ ಆ ರೀತಿ ಸೃಷ್ಟಿಯಾಗಿದೆ. ಮಾನವ ಸಮಯದ ಗೊಂಬೆ. ಆ ಗೊಂಬೆಯ ಚಾಟಿ ಒಂದು ಶಕ್ತಿಯ ಬಳಿಯಿದೆ. ನಾಸ್ತಿಕರು ಅದನ್ನು ನಂಬಲಿ ಅಥವಾ ನಂಬದಿರಲಿ ಕಾಲ ಮಾತ್ರ ನಿಲ್ಲಲ್ಲ. ಅದಕ್ಕೆ ಇಂದಿನ ಪರಿಸ್ಥಿತಿಯೇ ಸಾಕ್ಷಿ. ಎಲ್ಲಾ ಸೂಪರ್ ಪವರ್ ದೇಶಗಳು ಸೇರಿ ಒಂದು ವೈರಸ್ ನಿಂದ ಮುಕ್ತಿ ಪಡೆಯಲು ಪರದಾಡುತ್ತಿವೆ. ದೇವರು ಒಬ್ಬನೇ, ಅವನೇ ದಾರಿದೀಪ. ಮನುಷ್ಯ ಇನ್ನೇನು ಹೇಳಲು ಸಾಧ್ಯ. ನಂಬಿಕೆಯೇ ಬದುಕು.
ಜಬೀವುಲ್ಲಾ ಖಾನ್
ವಿಶ್ವ ಕನ್ನಡಿಗ ನ್ಯೂಸ್
Your email address will not be published. Required fields are marked *
Copyright © 2010 ವಿಶ್ವ ಕನ್ನಡಿಗ ನ್ಯೂಸ್. All Rights Reserved.