ವಿದ್ಯುತ್ ಆಘಾತಕ್ಕೊಳಗಾದ ಗೆಳತಿಯ ಪ್ರಾಣರಕ್ಷಿಸಿದ 9ರ ಹರೆಯದ ಪೋರಿ

ಮಂಗಳೂರು(www.vknews.in):ಶಾಲಾ ವಿದ್ಯಾರ್ಥಿನಿಯೊಬ್ಬಳಿಗೆ ವಿದ್ಯುತ್ ಶಾಕ್ ತಗಲಿ ನರಳಾಡುತಿದ್ದ ವೇಳೆ ತನ್ನ ಪ್ರಾಣದ ಹಂಗನ್ನು ತೊರೆದು ರಕ್ಷಿಸಿದ ಘಟನೆ ಉಳ್ಳಾಲ ತಾಲೂಕಿನ ಮುಡಿಪು ಇರಾ ಗ್ರಾಮದಲ್ಲಿ ನಡೆದಿದೆ.

ಸರಕಾರಿ ಪ್ರಾಥಮಿಕ ಶಾಲೆ ಇರಾದಲ್ಲಿ ಕಲಿಯುತ್ತಿರುವ 5 ನೇ ತರಗತಿ ವಿದ್ಯಾರ್ಥಿನಿ ಶರಫೀಯ ಎಂಬ ಬಾಲಕಿ ವಿದ್ಯುತ್ ಸ್ಪರ್ಶಿಸಿ ನರಳಾಡುತಿದ್ದುನ್ನು, ಕಂಡ ಫಾತಿಮತುಲ್ ಅಶ್ಫಿಯಾ ತನ್ನ ಪ್ರಾಣವನ್ನು ಲೆಕ್ಕಿಸದೆ ಊಟದ ಬಟ್ಟಲಿನ ಮೂಲಕ ತನ್ನ ಗೆಳತಿಯ ಕೈಗೆ ಹೊಡೆದಿರುತ್ತಾಳೆ ಆ ಮೂಲಕ ವಿದ್ಯುತ್ ಸ್ಪರ್ಶಕ್ಕೆ ಒಳಗಾಗಿದ್ದ ಬಾಲಕಿಯನ್ನು ರಕ್ಷಿಸಿದ್ದು, ಇರಾ ಗ್ರಾಮಕ್ಕೆ ಹೆಮ್ಮೆಯನ್ನು ತಂದಿರುತ್ತಾಳೆ.
ಅಶ್ಫಿಯಾ ಇರಾ ಗ್ರಾಮದ ಮುಜಿಬ್ ರಹ್ಮಾನ್ ಮತ್ತು ಲುಬಾಬಾತ್ ದಂಪತಿಗಳ ಪುತ್ರಿ.ಇಂತಹ ಸಾಹಸಮೆರೆದ ಕುಮಾರಿ ಅಶ್ಫಿಯಾಳಿಗೆ ಸರ್ಕಾರವು ಶೌರ್ಯ ಪ್ರಶಸ್ತಿ ನೀಡಿ ಗೌರವಿಸಬೇಕಾಗಿ ಇರಾ ಗ್ರಾಮಸ್ಥರು ಆಗ್ರಹಿಸಿದ್ದಾರೆ.