(www.vknews.in) : ಜೀವನದಲ್ಲಿ ಒಂದು ಕ್ಷಣ ಅಜಾಗರೂಕತೆಯು ವ್ಯಕ್ತಿಯ ಮತ್ತು ಅವನ ಕುಟುಂಬದ ಭವಿಷ್ಯವನ್ನು ಹೇಗೆ ನಾಶಪಡಿಸುತ್ತದೆ ಎಂಬುದಕ್ಕೆ ಈ ನೈಜ ಘಟನೆಯು ಒಂದು ಉದಾಹರಣೆಯಾಗಿದೆ.
ಸೌದಿ ಅರೇಬಿಯಾದಲ್ಲಿ ಬೇಕರಿಯೊಂದರಲ್ಲಿ ಕೆಲಸ ಮಾಡುವ ಒಬ್ಬ ವಲಸಿಗ ಮತ್ತು ಸೌದಿ ಪ್ರಜೆಯ ನಡುವಿನ ವಾಗ್ವಾದವೊಂದು ಬಹುದೊಡ್ಡ ದುರಂತದಲ್ಲಿ ಕೊನೆಗೊಂಡ ಮನ ಕಲಕುವ ಘಟನೆಯಿದು.
ಬೇಕರಿಯಿಂದ ಬ್ರೆಡ್ ಖರೀದಿಸಿದ ಸೌದಿ ಪ್ರಜೆ ತಾನು ಟೇಬಲ್ ಮೇಲೆ ಒಂದು ರಿಯಾಲ್ ಇಟ್ಟಿದ್ದೇನೆ ಎಂದು ವಾದಿಸಿದಾಗ, ಕೆಲಸಗಾರ ತನಗೆ ಹಣ ಬಂದಿಲ್ಲ ಎಂದು ವಾದಿಸಿದ. ಹಣ ಆಚೀಚೆ ಬಿದ್ದಿರಬಹುದು ಎಂಬ ವಾದದ ಸಮಯದಲ್ಲಿ, ಕೆಲಸಗಾರ ಆ ವ್ಯಕ್ತಿಯ ಕಡೆಗೆ ಕಬ್ಬಿಣದ ರಾಡ್ ಅನ್ನು ಹಿಡಿದು ಬೀಸಲು ಪ್ರಯತ್ನಿಸಿದನು.
ಒಂದು ರಿಯಾಲ್ಗಾಗಿ ತನ್ನನ್ನು ಕಳ್ಳ ಎಂದು ಚಿತ್ರಿಸಲಾಗಿದೆ ಎಂದು ಭಾವಿಸಿ ಕೋಪಗೊಂಡ ಆ ಸೌದಿ ಪ್ರಜೆ, ಕೆಲಸಗಾರನ ಕೈಯಿಂದ ರಾಡ್ ಅನ್ನು ಕಸಿದುಕೊಂಡು ಅವನನ್ನು ಹೊಡೆದನು.
ದುರದೃಷ್ಟವಶಾತ್, ಕಬ್ಬಿಣದ ರಾಡ್ನಿಂದ ತಲೆಗೆ ಹೊಡೆತ ಬಿದ್ದು ಗಂಭೀರ ಗಾಯಗೊಂಡ ಕೆಲಸಗಾರ ಸ್ಥಳದಲ್ಲೇ ಸಾವನ್ನಪ್ಪಿದನು.
ಇದು ಉದ್ದೇಶಪೂರ್ವಕವಲ್ಲದ ಕೊಲೆ ಎಂದು ಪ್ರತಿವಾದಿಯು ನ್ಯಾಯಾಲಯದಲ್ಲಿ ವಾದಿಸಿದರೂ, ಮಾರಕ ಆಯುಧದ ಬಳಕೆ ಮತ್ತು ಅಪರಾಧದ ಗಂಭೀರತೆಯಿಂದಾಗಿ ನ್ಯಾಯಾಲಯವು ಅವನಿಗೆ ಮರಣದಂಡನೆ ವಿಧಿಸಿತು.
ಬಲಿಪಶುವಿನ ಕುಟುಂಬವು ಹಣವನ್ನು(ಬ್ಲಡ್ ಮನಿ) ಸ್ವೀಕರಿಸಲು ನಿರಾಕರಿಸಿದ ನಂತರ ಆ ಸೌದಿ ಪ್ರಜೆಗೆ ಸೌದಿ ಅರೇಬಿಯಾದ ನ್ಯಾಯಾಲಯವು ಮರಣದಂಡನೆ ವಿಧಿಸಲಾಯಿತು. ನೆನಪಿಡಿ., ಸೌದಿ ಅರೇಬಿಯಾದ ಶರಿಯಾ ಕಾನೂನಿನ ಪ್ರಕಾರ ಕೊಲೆಗಾರನಿಗೆ ಮರಣದಂಡನೆಯೇ ಶಿಕ್ಷೆ. ಮನುಷ್ಯನನ್ನು ಕೊಲ್ಲುವ ಹಕ್ಕು ಸರ್ವಶಕ್ತನಿಗಿದೆಯೇ ಹೊರತು ಯಾವುದೇ ಮನುಷ್ಯನಿಗಿಲ್ಲ ಎನ್ನುವುದು ನ್ಯಾಯಾಲಯದ ತೀರ್ಪು.
“ಭಾವನೆಯ ಒಂದು ಕ್ಷಣವು ನಿಮ್ಮ ಕುಟುಂಬವನ್ನು ಜೀವನದುದ್ದಕ್ಕೂ ಕಣ್ಣೀರಿನಲ್ಲಿ ಮುಳುಗಿಸಲು ಕಾರಣವಾಗಬಹುದು ಮತ್ತು ಒಬ್ಬ ವ್ಯಕ್ತಿಯು ಯಾವಾಗಲೂ ಸಂಯಮ ಮತ್ತು ತಾಳ್ಮೆಯನ್ನು ಅಭ್ಯಾಸ ಮಾಡಬೇಕು” ಎಂದು ಈ ಘಟನೆಯು ನಮಗೆ ಪಾಠವನ್ನು ಕಲಿಸುತ್ತದೆ
ಇದು ಒಂದು ದೊಡ್ಡ ದುರಂತವಾಗಿದ್ದು, ಕೇವಲ ಒಂದು ರಿಯಾಲ್ ಅನ್ನು ಅಲ್ಲಿಯೇ ಕ್ಷಮಿಸಿ ಬಿಟ್ಟಿದ್ದರೆ ಇದನ್ನು ತಪ್ಪಿಸಬಹುದಿತ್ತು. ಕ್ಷುಲ್ಲಕ ವಿವಾದಗಳು ಸಹ ದೊಡ್ಡ ಪರಿಣಾಮಗಳನ್ನು ಬೀರಬಹುದು. ಜೀವನದಲ್ಲಿ ಯಾವುದೇ ವ್ಯಕ್ತಿ ತನ್ನ ಕೋಪವನ್ನು ನಿಯಂತ್ರಿಸಲು ಕಲಿಯಬೇಕು ಎನ್ನುವುದು ಈ ನೈಜ ಘಟನೆಯ ಸಾರಾಂಶವಾಗಿದೆ.
ಈ ಒಂದು ಮನಕಲಕುವ ಘಟನೆಯ ಬಗ್ಗೆ ಸೌದಿ ವಕೀಲ ಡಾ. ಖಾಲಿದ್ ಅಲ್-ಶಾಯಾ ಅವರು ‘ಮನುಷ್ಯನು ಹಣ ಅಂತಸ್ತು ಎಲ್ಲಕ್ಕಿಂತ ಮುಖ್ಯವಾಗಿ ಸಹನೆ, ಸಂಯಮ ಹಾಗೂ ಇನ್ನೊಬ್ಬರಿಗೆ ಗೌರವ ನೀಡುವುದನ್ನು ಕಲಿಯಬೇಕು’ ಎಂದು ಹೇಳುತ್ತಾರೆ.
✍️ ಎಸ್.ಎ.ರಹಿಮಾನ್ ಮಿತ್ತೂರು
ವಿಶ್ವ ಕನ್ನಡಿಗ ನ್ಯೂಸ್
Your email address will not be published. Required fields are marked *
Copyright © 2010 ವಿಶ್ವ ಕನ್ನಡಿಗ ನ್ಯೂಸ್. All Rights Reserved.