ಮುಂಬೈ (www.vknews.in): ಸಾಮಾಜಿಕ ಜಾಲತಾಣಗಳಲ್ಲಿ ಅಪಾರ ಅಭಿಮಾನಿಗಳನ್ನು ಹೊಂದಿರುವ ಖ್ಯಾತ ಇನ್ಫ್ಲುಯೆನ್ಸರ್ ಫೈಸಲ್ ಶೇಖ್, ಜನಪ್ರಿಯವಾಗಿ ಮಿಸ್ಟರ್ ಫೈಸು ಎಂದೇ ಪರಿಚಿತರಾಗಿರುವ ಅವರು, ಪವಿತ್ರ ನಗರಿ ಮದೀನಾದಲ್ಲಿ ವೈವಾಹಿಕ ಜೀವನಕ್ಕೆ ಕಾಲಿಟ್ಟಿದ್ದಾರೆ. ತಮ್ಮ ನಿಖಾ ಸಮಾರಂಭದ ಮೊದಲ ಫೋಟೋಗಳನ್ನು ಪತ್ನಿಯೊಂದಿಗೆ ಹಂಚಿಕೊಂಡಿರುವ ಅವರು, ಅಭಿಮಾನಿಗಳ ಗಮನ ಸೆಳೆದಿದ್ದಾರೆ.
ತಮ್ಮ ಜೀವನದ ವಿಶೇಷ ಕ್ಷಣಗಳ ಫೋಟೋಗಳನ್ನು ಸಾಮಾಜಿಕ ಜಾಲತಾಣಗಳಲ್ಲಿ ಪ್ರಕಟಿಸಿರುವ ಫೈಸು, ಕುರಾನ್ನ ಸೂರಾ ಅನ್ನಬಾ (78:8)ರಲ್ಲಿರುವ “ನಾವು ನಿಮ್ಮನ್ನು ಜೋಡಿಗಳಾಗಿ ಸೃಷ್ಟಿಸಿದ್ದೇವೆ” ಎಂಬ ಅರ್ಥದ ವಚನವನ್ನು ಉಲ್ಲೇಖಿಸಿದ್ದಾರೆ.
ಮದೀನಾದ ಸುಂದರ ವಾತಾವರಣದಲ್ಲಿ, ಕುಟುಂಬದ ಸದಸ್ಯರ ಸಮ್ಮುಖದಲ್ಲಿ ನಿಖಾ ನೆರವೇರಿರುವುದು ತಮ್ಮ ಪಾಲಿಗೆ ವರ್ಣಿಸಲಾಗದ ಆಶೀರ್ವಾದ ಎಂದು ಫೈಸು ಸಂತಸ ಹಂಚಿಕೊಂಡಿದ್ದಾರೆ. “ಅಲ್ಹಮ್ದುಲಿಲ್ಲಾಹ್! ಕನಸು ನನಸಾಗಿದೆ. ಪವಿತ್ರ ಮದೀನಾದಲ್ಲಿ, ನನ್ನ ಇಡೀ ಕುಟುಂಬದ ಸಮ್ಮುಖದಲ್ಲಿ ನಿಖಾ ನೆರವೇರಿದೆ. ಮಾತುಗಳಲ್ಲಿ ವಿವರಿಸಲಾಗದ ಆಶೀರ್ವಾದವಿದು” ಎಂಬ ಅರ್ಥದ ಸಂದೇಶವನ್ನು ಅವರು ಪೋಸ್ಟ್ ಮಾಡಿದ್ದಾರೆ.
ವೈವಾಹಿಕ ಜೀವನದ ಹೊಸ ಅಧ್ಯಾಯ ಆರಂಭಿಸಿರುವ ದಂಪತಿಗೆ ನಿರಂತರ ಪ್ರೀತಿ, ಸಂತೋಷ ಮತ್ತು ಬರಕತ್ ದೊರೆಯಲಿ ಎಂದು ಪ್ರಾರ್ಥಿಸುವಂತೆ ಫೈಸು ತಮ್ಮ ಅಭಿಮಾನಿಗಳಿಗೆ ಮನವಿ ಮಾಡಿದ್ದಾರೆ. ಮದೀನಾದಲ್ಲಿ ನಡೆದ ನಿಖಾ ಸಮಾರಂಭದ ಫೋಟೋಗಳು ಸಾಮಾಜಿಕ ಜಾಲತಾಣಗಳಲ್ಲಿ ಗಮನ ಸೆಳೆಯುತ್ತಿದ್ದು, ಅಭಿಮಾನಿಗಳು ನವದಂಪತಿಗೆ ಶುಭಾಶಯಗಳನ್ನು ಸಲ್ಲಿಸುತ್ತಿದ್ದಾರೆ.
ವಿಶ್ವ ಕನ್ನಡಿಗ ನ್ಯೂಸ್
Your email address will not be published. Required fields are marked *
Copyright © 2010 ವಿಶ್ವ ಕನ್ನಡಿಗ ನ್ಯೂಸ್. All Rights Reserved.