ಕೇರಳ (www.vknews.in): ‘ಬಿಗ್ ಬಾಸ್ ಮಲಯಾಳಂ ಸೀಸನ್ 8’ ರಿಯಾಲಿಟಿ ಶೋನಲ್ಲಿ ಸ್ಪರ್ಧಿ ನೇಹಾ ಫಾತಿಮಾ ಅವರ ವಿಚಾರ ಇದೀಗ ಚರ್ಚೆಗೆ ಗ್ರಾಸವಾಗಿದೆ. ಬಿಗ್ ಬಾಸ್ ಮನೆಯೊಳಗೆ ಸಹ ಸ್ಪರ್ಧಿ ಸಂತೋಷ್ ರಾಜ್ ಅವರಿಗೆ ನೇಹಾ ಪ್ರೇಮ ನಿವೇದನೆ ಮಾಡಿದ ಬೆನ್ನಲ್ಲೇ, ಆಕೆಯ ಪೋಷಕರು ಶೋಗೆ ಆಗಮಿಸಿ ಕಾರ್ಯಕ್ರಮವನ್ನು ಅರ್ಧಕ್ಕೆ ತೊರೆದು ಮನೆಗೆ ಮರಳುವಂತೆ ಮನವಿ ಮಾಡಿದ್ದಾರೆ. ಮುಂಬರುವ ವಾರಾಂತ್ಯದ ಸಂಚಿಕೆಯ ಪ್ರೋಮೋದಲ್ಲಿ ನೇಹಾ ಅವರ ಪೋಷಕರು ವೇದಿಕೆಗೆ ಆಗಮಿಸಿ ಭಾವುಕರಾಗುವ ದೃಶ್ಯಗಳು ಕಂಡುಬಂದಿವೆ. ನಿರೂಪಕ ಮೋಹನ್ಲಾಲ್ ಅವರು ಪೋಷಕರನ್ನು ವೇದಿಕೆಗೆ ಸ್ವಾಗತಿಸುತ್ತಾರೆ. ಬಳಿಕ ಮನೆಯೊಳಗೆ ನೇಹಾ ನಡೆದುಕೊಳ್ಳುತ್ತಿರುವ ರೀತಿ ಹಾಗೂ ಆಕೆ ತೆಗೆದುಕೊಳ್ಳುತ್ತಿರುವ ನಿರ್ಧಾರಗಳ ಬಗ್ಗೆ ಪೋಷಕರು ತಮ್ಮ ಕಳವಳ ವ್ಯಕ್ತಪಡಿಸುತ್ತಾರೆ.
ಪ್ರೋಮೋದಲ್ಲಿ ನೇಹಾಳ ತಂದೆ ಭಾವುಕರಾಗಿ, “ನೇಹಾ, ನಾವು ನಿನಗೆ ನೆನಪಿದ್ದೇವಾ? ನಮಗೆ ಹಾಗೆ ಅನ್ನಿಸುತ್ತಿಲ್ಲ. ನಿನಗೆ ನಾವು ನೆನಪಿದ್ದೇವೆಯೇ?” ಎಂದು ಪ್ರಶ್ನಿಸುತ್ತಾರೆ. ಇನ್ನೊಂದೆಡೆ, ಮಗಳು ಶೋ ತೊರೆದು ಮನೆಗೆ ಮರಳುವಂತೆ ಮಾಡಿದ ಮನವಿಗೆ ಸ್ಪಂದಿಸದಿರುವುದನ್ನು ಕಂಡು ತಾಯಿ ಕಣ್ಣೀರು ಹಾಕುತ್ತಾರೆ. ನೇಹಾ ಭಾವನಾತ್ಮಕವಾಗಿ ಇತರ ಸ್ಪರ್ಧಿಗಳಿಗೆ ಹೆಚ್ಚು ಹತ್ತಿರವಾಗುತ್ತಿದ್ದಾಳೆ. ಕೆಲವರು ಆಕೆಯ ಭಾವನೆಗಳನ್ನು ತಮ್ಮ ಸ್ವಾರ್ಥಕ್ಕಾಗಿ ಬಳಸಿಕೊಳ್ಳುತ್ತಿರಬಹುದು ಎಂಬ ಆತಂಕವನ್ನೂ ತಾಯಿ ವ್ಯಕ್ತಪಡಿಸುತ್ತಾರೆ.
ಪ್ರೋಮೋದ ಕೊನೆಯಲ್ಲಿ ನಿರೂಪಕ ಮೋಹನ್ಲಾಲ್ ಅವರು ಪೋಷಕರು ಒಂದು ನಿರ್ದಿಷ್ಟ ಮನವಿಯೊಂದಿಗೆ ಬಂದಿದ್ದಾರೆ ಎಂದು ಹೇಳುತ್ತಾರೆ. “ನಾನೂ ಒಬ್ಬ ಮಗಳ ತಂದೆ. ಅವರ ಭಾವನೆಗಳನ್ನು ಅರ್ಥಮಾಡಿಕೊಳ್ಳಬಲ್ಲೆ. ನೇಹಾಳನ್ನು ಮನೆಗೆ ಕರೆದುಕೊಂಡು ಹೋಗಲೇಬೇಕೆಂಬ ದೃಢ ನಿರ್ಧಾರದೊಂದಿಗೆ ಅವರು ಬಂದಿದ್ದಾರೆ” ಎಂದು ಮೋಹನ್ಲಾಲ್ ಹೇಳುವ ದೃಶ್ಯ ಪ್ರೋಮೋದಲ್ಲಿದೆ.
ಪೋಷಕರ ಮಾತುಗಳನ್ನು ಕೇಳಿ ನೇಹಾ ಕೂಡ ತೀವ್ರವಾಗಿ ಭಾವುಕಳಾಗಿರುವುದು ಕಂಡುಬರುತ್ತದೆ. ಇದೀಗ ಪೋಷಕರ ಮನವಿಗೆ ಮಣಿದು ನೇಹಾ ಬಿಗ್ ಬಾಸ್ ಮನೆಯಿಂದ ಹೊರಬರುತ್ತಾಳೆಯೇ ಅಥವಾ ತನ್ನ ಆಟವನ್ನು ಮುಂದುವರಿಸುತ್ತಾಳೆಯೇ ಎಂಬ ಕುತೂಹಲ ವೀಕ್ಷಕರಲ್ಲಿ ಮೂಡಿದೆ. ಈ ಬೆಳವಣಿಗೆಯ ಸಂಪೂರ್ಣ ವಿವರ ಮುಂಬರುವ ವಾರಾಂತ್ಯದ ಸಂಚಿಕೆಯಲ್ಲಿ ಬಹಿರಂಗವಾಗಲಿದೆ.
So, on Bigg Boss Malayalam, Neha Fathima’s parents came on stage to take their daughter back after she proposed to a Hindu contestant, Santhosh Raj, on the show. pic.twitter.com/JVr2Y7jPDa — Sharanya Shettyy (@Sharanyashettyy) November 1, 2026
So, on Bigg Boss Malayalam, Neha Fathima’s parents came on stage to take their daughter back after she proposed to a Hindu contestant, Santhosh Raj, on the show. pic.twitter.com/JVr2Y7jPDa
— Sharanya Shettyy (@Sharanyashettyy) November 1, 2026
ವಿಶ್ವ ಕನ್ನಡಿಗ ನ್ಯೂಸ್
Your email address will not be published. Required fields are marked *
Copyright © 2010 ವಿಶ್ವ ಕನ್ನಡಿಗ ನ್ಯೂಸ್. All Rights Reserved.