ನವದೆಹಲಿ (www.vknews.in): 1984ರ ಸಿಖ್ ವಿರೋಧಿ ಹಿಂಸಾಚಾರಕ್ಕೆ ಸಂಬಂಧಿಸಿದಂತೆ ಸೋನಿಯಾ ಗಾಂಧಿ ಅವರ ಆತ್ಮಚರಿತ್ರೆಯಲ್ಲಿ ಕ್ಷಮೆಯಾಚನೆಯ ಉಲ್ಲೇಖವಿಲ್ಲ ಎಂದು ಆರೋಪಿಸಿ ಶಿರೋಮಣಿ ಅಕಾಲಿದಳದ ನಾಯಕಿ ಹರ್ಸಿಮ್ರತ್ ಕೌರ್ ಬಾದಲ್ ತೀವ್ರ ಆಕ್ಷೇಪ ವ್ಯಕ್ತಪಡಿಸಿದ್ದಾರೆ. ಸಾವಿರಾರು ಅಮಾಯಕ ಸಿಖ್ಖರ ಹತ್ಯೆಯಾದ ಘಟನೆಗೆ ಕಾಂಗ್ರೆಸ್ ಪಕ್ಷದ ದೃಷ್ಟಿಯಲ್ಲಿ ಕೇವಲ ಒಂದು ಅಡಿಟಿಪ್ಪಣಿಯ ಸ್ಥಾನವಿದೆಯೇ ಎಂದು ಅವರು ಪ್ರಶ್ನಿಸಿದ್ದಾರೆ.
ಸೋನಿಯಾ ಗಾಂಧಿ ಅವರ ‘ಬಿಲಾಂಗಿಂಗ್: ಎ ಜರ್ನಿ ಆಫ್ ಲವ್’ ಆತ್ಮಚರಿತ್ರೆ ಬಿಡುಗಡೆಯಾದ ಬೆನ್ನಲ್ಲೇ ಈ ವಿವಾದ ಮುಂದುವರಿದಿದೆ. ಸಾಮಾಜಿಕ ಜಾಲತಾಣ ಎಕ್ಸ್ನಲ್ಲಿ ಪ್ರತಿಕ್ರಿಯಿಸಿರುವ ಹರ್ಸಿಮ್ರತ್ ಕೌರ್ ಬಾದಲ್, ಇಂದಿರಾ ಗಾಂಧಿ ಅವರ ಹತ್ಯೆಯ ಬಳಿಕ ನಡೆದ ಸಿಖ್ ವಿರೋಧಿ ಹಿಂಸಾಚಾರದಲ್ಲಿ ಸಾವಿರಾರು ಮಂದಿ ಪ್ರಾಣ ಕಳೆದುಕೊಂಡಿದ್ದಾರೆ. ನಾಲ್ಕು ದಶಕಗಳಿಗೂ ಹೆಚ್ಚು ಕಾಲ ಕಳೆದರೂ ಸಂತ್ರಸ್ತ ಸಿಖ್ಖರ ಬಳಿ ಕ್ಷಮೆಯಾಚಿಸುವ ಒಂದು ಮಾತೂ ಇಲ್ಲ ಎಂದು ಟೀಕಿಸಿದ್ದಾರೆ.
“ಸಾವಿರಾರು ಅಮಾಯಕ ಸಿಖ್ಖರ ಹತ್ಯಾಕಾಂಡ ನಡೆದು ನಾಲ್ಕು ದಶಕಗಳು ಕಳೆದಿವೆ. ಆದರೂ ಕ್ಷಮೆಯಾಚನೆಯ ಒಂದೇ ಒಂದು ಮಾತಿಲ್ಲ. ಆತ್ಮಚರಿತ್ರೆಯಲ್ಲಿ ಕೇವಲ ಒಂದು ಪ್ರಸ್ತಾಪವಷ್ಟೇ ಇದೆ. ಕಾಂಗ್ರೆಸ್ ಪಕ್ಷಕ್ಕೆ ನರಮೇಧವೆಂಬುದು ಕೇವಲ ಅಡಿಟಿಪ್ಪಣಿಯಂತೆ ಕಾಣುತ್ತದೆ. ಪಂಜಾಬ್ ಇದನ್ನು ಎಂದಿಗೂ ಮರೆಯುವುದಿಲ್ಲ, ಕ್ಷಮಿಸುವುದೂ ಇಲ್ಲ” ಎಂದು ಅವರು ತಮ್ಮ ಪೋಸ್ಟ್ನಲ್ಲಿ ಬರೆದಿದ್ದಾರೆ.
1984ರ ಹಿಂಸಾಚಾರವನ್ನು ‘ದುರಂತ ಮತ್ತು ನಾಚಿಕೆಗೇಡಿನ ಅಧ್ಯಾಯ’ ಎಂದ ಸೋನಿಯಾ
ತಮ್ಮ ಆತ್ಮಚರಿತ್ರೆಯಲ್ಲಿ 1984ರ ಸಿಖ್ ವಿರೋಧಿ ಹಿಂಸಾಚಾರವನ್ನು ಭಾರತದ ಇತಿಹಾಸದ ‘ದುರಂತ ಮತ್ತು ನಾಚಿಕೆಗೇಡಿನ’ ಅಧ್ಯಾಯ ಎಂದು ಸೋನಿಯಾ ಗಾಂಧಿ ಬಣ್ಣಿಸಿದ್ದಾರೆ. ನಾಲ್ಕು ದಶಕಗಳಿಗೂ ಹೆಚ್ಚು ಕಾಲ ಕಳೆದಿದ್ದರೂ ಸಂತ್ರಸ್ತರಿಗೆ ನ್ಯಾಯ ದೊರೆತಿಲ್ಲ ಎಂಬುದನ್ನೂ ಅವರು ಒಪ್ಪಿಕೊಂಡಿದ್ದಾರೆ. ಹಿಂಸಾಚಾರವನ್ನು ಪ್ರಚೋದಿಸಿದ ಅಥವಾ ನಿರ್ದೇಶಿಸಿದ ಆರೋಪ ಎದುರಿಸಿದವರಲ್ಲಿ ಕಾಂಗ್ರೆಸ್ ಕಾರ್ಯಕರ್ತರೂ ಸೇರಿದ್ದರು ಎಂದು ಸೋನಿಯಾ ತಮ್ಮ ಪುಸ್ತಕದಲ್ಲಿ ಉಲ್ಲೇಖಿಸಿದ್ದಾರೆ.
ಇಂದಿರಾ ಗಾಂಧಿ ಹತ್ಯೆಯ ಸುದ್ದಿ ಹರಡುತ್ತಿದ್ದಂತೆ ಅನೇಕರು ಆಕ್ರೋಶಗೊಂಡಿದ್ದರು. ಪರಿಸ್ಥಿತಿ ಉದ್ವಿಗ್ನಗೊಂಡು, ಮಧ್ಯಾಹ್ನದ ವೇಳೆಗೆ ದೆಹಲಿಯ ವಿವಿಧ ಭಾಗಗಳಲ್ಲಿ ಹಾಗೂ ಇತರ ಪ್ರದೇಶಗಳಲ್ಲಿ ಗಲಭೆಗಳು ಆರಂಭವಾದವು. ಅಮಾಯಕ ಸಿಖ್ಖರ ವಿರುದ್ಧ ಕ್ರೂರ ಹಿಂಸಾಚಾರ ನಡೆದಿದ್ದು, ರಾಜಧಾನಿಯೊಂದರಲ್ಲೇ 2,000ಕ್ಕೂ ಹೆಚ್ಚು ಮಂದಿ ಅತ್ಯಂತ ಅಮಾನವೀಯ ರೀತಿಯಲ್ಲಿ ಹತ್ಯೆಗೀಡಾದರು ಎಂದು ಅವರು ಪುಸ್ತಕದಲ್ಲಿ ವಿವರಿಸಿದ್ದಾರೆ.
ಆ ಸಮಯದಲ್ಲಿ ರಾಜೀವ್ ಗಾಂಧಿ ಅವರು ರಾಷ್ಟ್ರೀಯ ದೂರದರ್ಶನದ ಮೂಲಕ ಶಾಂತಿ ಕಾಪಾಡುವಂತೆ ಮನವಿ ಮಾಡಿದ್ದರು. ಉದ್ವಿಗ್ನ ಪರಿಸ್ಥಿತಿ ನಿರ್ಮಾಣವಾಗಿದ್ದ ಪ್ರದೇಶಗಳಿಗೂ ಭೇಟಿ ನೀಡಿದ್ದರು ಎಂದು ಸೋನಿಯಾ ಬರೆದಿದ್ದಾರೆ. ರಾಜೀವ್ ಗಾಂಧಿ ಅವರ ಮನಸ್ಸಿನಲ್ಲಿ ದ್ವೇಷ ಅಥವಾ ಕೋಮುವಾದ ಇರಲಿಲ್ಲವಾದರೂ, ಪರಿಣಾಮಕಾರಿ ಆಡಳಿತ ವ್ಯವಸ್ಥೆ ಕುಸಿದಿದ್ದ ಮತ್ತು ಅನಾಗರಿಕ ಹಿಂಸಾಚಾರ ನಡೆದಿದ್ದ ದೇಶದ ಇತಿಹಾಸದ ಅತ್ಯಂತ ಸಂಕಷ್ಟದ ಘಟ್ಟದಲ್ಲಿ ಅವರು ಅಧಿಕಾರದ ಜವಾಬ್ದಾರಿ ವಹಿಸಿಕೊಳ್ಳಬೇಕಾಯಿತು ಎಂದು ಸೋನಿಯಾ ತಮ್ಮ ಆತ್ಮಚರಿತ್ರೆಯಲ್ಲಿ ಉಲ್ಲೇಖಿಸಿದ್ದಾರೆ.
4 decades after thousands of innocent Sikhs were massacred, 𝗡𝗢𝗧 𝗔 𝗪𝗢𝗥𝗗 𝗢𝗙 𝗔𝗣𝗢𝗟𝗢𝗚𝗬! Just a passing mention in her memoir… Looks like for the Congress party a genocide is just a footnote! 𝗕𝗨𝗧 𝗣𝗨𝗡𝗝𝗔𝗕 𝗪𝗜𝗟𝗟 𝗡𝗘𝗩𝗘𝗥 𝗙𝗢𝗥𝗚𝗘𝗧, 𝗡𝗘𝗩𝗘𝗥… pic.twitter.com/atRHe9dYUP — Harsimrat Kaur Badal (@HarsimratBadal_) November 11, 2026
4 decades after thousands of innocent Sikhs were massacred, 𝗡𝗢𝗧 𝗔 𝗪𝗢𝗥𝗗 𝗢𝗙 𝗔𝗣𝗢𝗟𝗢𝗚𝗬!
Just a passing mention in her memoir…
Looks like for the Congress party a genocide is just a footnote!
𝗕𝗨𝗧 𝗣𝗨𝗡𝗝𝗔𝗕 𝗪𝗜𝗟𝗟 𝗡𝗘𝗩𝗘𝗥 𝗙𝗢𝗥𝗚𝗘𝗧, 𝗡𝗘𝗩𝗘𝗥… pic.twitter.com/atRHe9dYUP
— Harsimrat Kaur Badal (@HarsimratBadal_) November 11, 2026
ವಿಶ್ವ ಕನ್ನಡಿಗ ನ್ಯೂಸ್
Your email address will not be published. Required fields are marked *
Copyright © 2010 ವಿಶ್ವ ಕನ್ನಡಿಗ ನ್ಯೂಸ್. All Rights Reserved.