“ಸಂವಿಧಾನ ದಿನ ದ ಆಶಯ”

(www.vknews.com) ; ಸಂಭ್ರಮಿಸಲೇ ಬೇಕು ನಾವಿಂದು, ನವೆಂಬರ್ 26 ರ ಸಂವಿಧಾನ ದಿನವ !
ಕೊಂಡಾಡಲೇ ಬೇಕು ನಾವಿಂದು, ಬದುಕು ಕಟ್ಟಿಕೊಟ್ಟ ಸಂವಿಧಾನದ ಮಹಾನ್ ಗ್ರಂಥವ !!

ಸ್ಮರಿಸಿಕೊಳ್ಳಲೇ ಬೇಕಿಂದು ಸಂವಿಧಾನ ರಚನೆಗೆ ಕಾರಣೀಭೂತರಾದ ಮಹಾತ್ಮಾರ !
ನಮಿಸಲೇ ಬೇಕಿಂದು ಸಂವಿಧಾನದ ಕರಡು ಶಿಲ್ಪಿ ಎಂಬ ನೇತಾರರ !!

ಪಾಲಿಸಲೇ ಬೇಕು ನಾವು ಸಮಾನತೆ, ಸ್ವಾತಂತ್ರ್ಯ ಸಹೋದರತ್ವದ ಉದಾತ್ತ ಧ್ಯೇಯ !
ಆಶಯವಾಗಬೇಕು ನಮ್ಮಲ್ಲಿ , ನ್ಯಾಯ,ನೀತಿ, ಸಮನ್ವಯ ಶ್ರೇಷ್ಠತೆಯ ಮೌಲ್ಯ !!

ಅರಿಯಬೇಕು, ಜಾತ್ಯಾತೀತ ನಿಲುವೇ ಪ್ರಜಾಸತ್ತಾತ್ಮ ರಾಷ್ಟ್ರವೆನ್ನಲು ಅಸ್ಮಿತೆ !
ಕಾಪಾಡಲೇಬೇಕು, ಸಾರ್ವಭೌಮ ದೇಶವಾಗಿ ಉಳಿಯಲು ವಿವಿಧತೆಯಲ್ಲಿ ಏಕತೆ !!

ಪ್ರೇರಣೆಯು ಸರ್ವರಿಗೆ, ಸಮಪಾಲು ಸಮಬಾಳು ಅಭಿವ್ಯಕ್ತಿ ಸ್ವಾತಂತ್ರ್ಯದ ಸುವರ್ಣಾವಕಾಶ !
ರಾಜಕೀಯ ಸಹಭಾಗಿತ್ವದಿಂದಲೇ ತುಂಬುವುದು ದೇಶದಲ್ಲಿ ಉತ್ತಮ ಜನಪ್ರತಿನಿಧಿಗಳೆಂಬ ಕೋಶ !!

ಬೆಳೆಸೋಣ ಎಲ್ಲೆಲ್ಲೂ ನಾಗರಿಕ ಸಮಾಜದ ಹಕ್ಕು, ಕರ್ತವ್ಯ ಪ್ರಜ್ಞೆ !
ಅನುಸರಿಸೋಣ ವಿಧಿ, ಅನುಸೂಚಿಯ ಅರಿತು, ಪ್ರಜಾಪ್ರಭುತ್ವ ನಿಯಮಗಳ ಆಜ್ಞೆ !!

✍️ ರಮೀಝ ಯಂ.ಬಿ